Saturday, April 26, 2008


ပြင်ဆင်စရာရှိတာ ပြင်ဆင်ပြီး အဘကို သတင်းပို့ကာ ကျွန်တော်စခန်း ချခဲ့ရာ စခန်းသစ် စခန်းဆီသို့ ပြောင်းရွှေ့ခဲ့ရပါတယ်။ တော်တော်လေးကို အောင့်အီးပြီး သည်းခံခဲ့ရတဲ့ ဂစ်တာတီးချင်စိတ်ကို အတိုးချ တီးရအောင်လည်း ကိုယ်နဲ့ တပါးတည်း ယူဆောင်ခဲ့တာပေ့ါ။ ဟိုရောက်တော့ ကိုယ့်တဲ ကိုယ်ပြန်သွား ၊ ပစ္စည်းတွေ ပြန်ချနဲ့ နေခဲ့ဘူးတော့ အရမ်းကြီးတော့ ရုပ်ပျက်ဆင်းပျက် မဖြစ်ခဲ့ပါဘူး။ ဆရာကြီးတွေကလည်း ကိုယ်နဲ့ လက်တွဲခဲ့ပြီးသား ဆရာကြီးတွေ ဆိုတော့ သူတို့ကလည်း ပျော်ပျော်ရွှင်ရွှင်ပေ့ါ။ ကာလကတော့ သင်္ကြန်ပြီးသွားတော့ ရာသီဥတုက မိုးရာသီစပြီပေ့ါ။ ညဆို မိုးတွေကရွာ ၊ တောင်ထိပ်ဆိုတော့ လေတွေကတိုက် ၊ တခါ ကျွန်တော်တဲမှာ ညဖက်ကြီး အိပ်နေတုန်း ၀ုန်းဆို လေတိုက်လိုက်တာ တော်တော်ပြင်းတာကြောင့် ကျွန်တော် နေတဲ့ တဲအမိုးကြီး လန်ထွက်သွားပါလေရောလား ။ ရှိသမျှ အကုန်စိုတော့တာပါပဲ။ အိပ်ရာ ၊ ဘုရားစင် ၊ လက်နက် ၊ စာအုပ် ၊ အကုန်ဆိုတာ။ မိုးတော်တော်သဲနေတဲ့ အချိန်မို့လို့ ဒီလောက်ထိ ဖြစ်သွားတာပါ။ အသံကြားတော့ ဆရာကြီးတွေက မိုးရေကြီးထဲ ရောက်လာပြီး ပြုတ်ထွက်သွားတဲ့ အမိုးကို ပြန်ကာပေးကြနဲ့ အဲဒီညက အိပ်ရေးပျက်သွားကြပါတယ်။ မိုးကလည်း တစ်ခါရွာရင် ၃ ၊ ၄ ရက်လောက် ဆက်တိုက်ရွာတာ ဆိုတော့ စောင် ၊ ခြင်ထောင်တွေကိုလည်း နေလှမ်းလို့ မရနဲ့ အဲဒီတုန်းက တော်တော် ဒုက္ခ ရောက်ခဲ့ရပါသေးတယ်။

မိုးတွေ ဆက်တိုက်ရွာတာကြောင့် ပစ်ကျင်းတွေ ထဲကို ရေတွေဝင် ၊ ခံစစ်စည်းအတွက် ကာထားတဲ့ တိုင်တွေက ယိုင်နှဲ့ကုန်လို့ မိုးရွာထဲလဲ ရှိသမျှ ပုန်းတွေ ၊ ခွက်တွေနဲ့ လူခွဲပြီး ခပ်ထုတ် ၊ တိုင်တွေ ပြန်စိုက်တဲ့ သူက စိုက်နဲ့ လူ ( ၇ ) ယောက်လေးနဲ့ လှုပ်ရှားရတာပေ့ါ။ ထမင်းချက်နဲ့ ကင်းသမားက လွဲလို့ ကျန်တဲ့ ( ၅ ) ယောက်နဲ့ လှုပ်ရှားရပါတယ် ။ မိုးရွာတဲ့ နေ့တွေဆို ကိုယ့်တဲမှာ ကိုယ်နေပြီး အိပ်ချင်အိပ် ၊ မအိပ်ချင်လည်း အိပ်နဲ့ အချိန်ကို ကုန်လွန်စေခဲ့ပါတယ်။ မိုးမရွာတဲ့ နေ့တွေဆိုရင်တော့ နေ့ခင်းနေ့လည်ဘက် စခန်းအလယ်ကောင်က ထိုင်ခုံစာပွဲလေးမှာ ၀ိုင်းထိုင်ပြီး အလုပ်ပြန်မစခင် အမောဖြေရင်း စကားပြောပေ့ါ။ အလုပ်ဆိုတော့ ဘာတွေများ လုပ်ရသလဲလို့တော့ မေးချင်မှာပေ့ါ။ ကိုယ့်စခန်းလုံခြုံရေးကို တက်နိင်သမျှ အကောင်းဆုံး ပြင်ဆင်ခြင်း တစ်ခုကိုပဲ အဓိက ထားလုပ်ပါတယ်။ စခန်းနား ပတ်ပတ်လည်ကိုလည်း လုံခြုံမှု ရှိမရှိ ၊ တည်နေရာ အနေအထား လေးတွေ လိုက်ကြည့်နဲ့ပါပဲ။ ဆရာကြီးတွေက အရက်သောက်တက် တာကြောင့် တခါတလေ ရွာထဲ ဆင်းဝယ်ခိုင်း ပေမယ့် စခန်းမှာပဲ ပြန်လည် သောက်ခိုင်းခဲ့ရတယ်။ ပြဿနာ မတက်စေချင်လို့ပါ။ ညနေဖက်တွေ ရာသီဥတုက သာယာတာကြောင့် ပါလာတဲ့ ဂစ်တာလေးတီးကာ သီးချင်းဆိုကြရင်း ၀ါသနာပါတာရော ၊ ဆေးဖြစ်ဝါးဖြစ်ပါ အရက်သောက်ကြတာပေ့ါ။ သောက်တယ်ဆိုပေမယ့် လွန်လွန်ကျွံကျွံ မဖြစ်အောင် သောက်ဖို့တော့ မှာထားရပါတယ်။ အဲဒီတုန်းက ဆရာကြီး တစ်ယောက် တီးတဲ့ သီချင်းလေးကို ကျွန်တော် တော်တော်လေး သဘောကြခဲ့သေးတယ်ဗျ။ အားလုံးလည်း နားထောင်ဖူးမှာပါ။ ကျွန်တော်ကတော့ အဲဒီအချိန်တုန်းကမှ ကြားဖူးတာ။ ညနေ နေ၀င်ချိန်လေးမှာ ဆရာကြီးက ဂစ်တာလေး ခေါက်ပြီး ဆိုတဲ့ သီချင်းလေးက ဆိုင်းစိုင်မော့စ် ဆိုထားတဲ့ “ ချယ်ရီသက်သေ မောင့်မျက်ရည် ” ဆိုတဲ့ သီချင်းလေးပါ စာသားလေးက

“ ချယ်ရီတွေ ငိုနေပြီ နန်းရယ်~~~~~ဆောင်နှင်းရဲ့ အညှိုးတွေ ကြောင့်ဖြစ်မယ်~~~~~နှင်းဆဲလို့ ရောင်နီ လာတော့မှ အငိုတိတ်နိင်မယ် ~~~တောင်ပြာတွေ ငိုပြန်ပြီ နန်းရယ်~~~~ မိုးမင်းရဲ့ အညိုးတွေကြောင့် ဖြစ်မယ် မိုးနှောင်းလို့ ဟေမာန်လာတော့မှ အငိုတိတ်နိင်မယ်~~~ အခုများတော့လေ ဝေဒနာတွေပေး ပေးရက် တယ်ကွယ်~~~~ ချစ်ရသူရယ် မုန်းရက်နိင်တယ် ~~~~~စိုင်းရင်မှာ ငိုနေတယ် နန်းရယ် နန်းလေးရဲ့ အမုန်းတွေကြောင့် ဖြစ်မယ် နန်းအပြုံးနဲ့ ပြန်ကာ လာချော့မှ အငိုတိတ်နိင်မယ် ” ဆိုတဲ့ သီချင်းလေးပါ။ ဘယ်သူ့ကိုမှ သတိရတာ မဟုတ်ပေမယ့် အချိန်အခါနဲ့ ရာသီဥတုက အလွမ်းသီချင်းဆိုတော့ စိတ်ထဲ လေးလေးလံလံတော့ ဖြစ်သွားတာပေ့ါ။

ကျွန်တော် စခန်းသစ်စခန်းကုန်းမှာ တာဝန်ကျတုန်းက ဘိန်းဖမ်းမှု့တစ်ခု ဖြစ်ပွားခဲ့ပါသေးတယ်။ အဲဒီတုန်းက ကျွန်တော်ကိုယ်တိုင် မပါဝင်ခဲ့ပေမယ့် ပြန်ကြားရတဲ့ သတင်းကို ရေးပြပေးလိုက်ပါတယ်။ ဖြစ်ပုံက လှုပ်ရှားစခန်းခွဲတစ်ခု ဖြစ်တဲ့ စခန်းတစ်ခုမှာ တာဝန်ကျတဲ့ ရဲဘော်တစ်ယောက်က ဘယ်က ဘယ်လိုနည်းနဲ့ သတင်းရသွားလည်း မသိပါဘူး။ ရဲဘော်ဆိုပေမယ့် နယ်မြေခံ ခွင်ကို တော်တော်လေး အတွေ့အကြုံ ရှိတဲ့ ရဲဘော်ပါ။ သူ့အဆက်အသွယ်နဲ့ ရတာလား ဘယ်သူက သတင်းလာပေးတာ လဲတော့ မသိဘူး ။ လမ်းမှာ ဘိန်းတင်ထားတဲ့ ဆိုင်ကယ်တစင်း ဖြက်သန်းမယ်ဆိုလို့ သူက ဘယ်သူမှ မသိအောင် ကင်းပုန်းသွားဝပ်ပြီး စောင့်ဖမ်းဖို့ ကြိုးစားတာပေ့ါ။ ညနေ ၆ နာရီလောက်ကြာတော့ သတင်းရထားတဲ့ အတိုင်း ဆိုင်ကယ်တစ်စီးလာပါတယ်။ ဒီတော့ ဒီကောင်လည်း ၀ပ်နေရာက ထွက်ပြီး ၊ စစ်ဆေးတာပေ့ါ။ ဟိုရှာဒီရှာ လုပ်တော့ ဆပ်ပြာတုံးအရွယ် ဘိန်းထုပ်လေးကို တွေ့ပါတယ်။ ကာလပေါက်ဈေးနဲ့ဆို ၁၀ သိန်းအထက်လောက်များ ရှိမလား မသိဘူး။

ဒါနဲ့ ဒီကောင်လည်း စစ်ဆေးမေးမြန်းပြီး ငွေစကားပြောတာပေ့ါ။ လူငယ်ဆိုတော့ သူလည်း ပိုက်ဆံသုံးချင်တာနဲ့ ဒါကြောင့် မင်းငါ့ကို ငွေ ၅၀၀ ပေးရင် လွှတ်ပေးမယ်ဆိုပါတယ် ။ ငွေက တရုတ်ငွေ ၅၀၀ ပါ။ ဒီတော့ ဟိုကောင်ကလည်း ငါ့ဆီမှာ အဲဒီလောက်မပါဘူး။ ၂၀၀ ကျော်ပဲ ပါတယ် ဆိုတော့ အဝေမတည့် ဖြစ်ပြီး စက်နဲ့ အဘတပ်ရင်းမှုး ရှိရာကို ဘိန်းထုပ် ဖမ်းဆီး ရမိနေပြီ ဖြစ်ကြောင်း သတင်းလှမ်းပို့ပါတယ်။ အဲဒီအချိန် ကျွန်တော်ကလည်း အဘကို ထူးခြားဖြစ်စဉ် မရှိကြောင်း စက်နဲ့ သတင်းပို့ဖို့ အတွက် စက်ကို ဖွင့်တော့ ဟိုဘက်က ရဲဘော်ပြောနေတဲ့ အသံတွေ ၀င်လာပါတယ်။ ဒါနဲ့ ကျွန်တော်လည်း နားထောင်နေတာပေ့ါ။ တဖက်က အဘ ပြန်ပြောတာကိုလည်း ကြားနေရပါတယ်။ အချိန်က ည ၇ နာရီ ခွဲလောက် ရှိနေပါပြီ။ သတင်းကလည်း ရနေတယ်ဆိုတော့ အဘတို့လည်း ဗျူဟာမှုးကို သတင်းပို့ပြီး ချက်ချင်း ရှာဖွေဖမ်းဆီးဖို့ ပြင်ဆင်ပါတော့တယ်။ ဒီနေရာမှာ တစ်ခုပြောပြချင်တာက....

ကျွန်တော့် တပ်ရင်းမှုးက မူးယစ်ဆေးဝါးနဲ့ ပတ်သက်တဲ့ ကိစ္စတွေဆို တော်တော်လေးကို မုန်းပါတယ်။ ဘာကြောင့် သူဒီလို ဖြစ်သွားလဲလို့ ဆရာကြီးတွေကို မေးကြည့်တော့ တခါသူရှေ့တန်းထွက်တုန်းက အထက်က တာဝန်ပေးလာတာကြောင့် ဘုရားတည်ဖို့ တာဝန်ယူရပါတယ်။ ရှေ့တန်းဆိုတော့ ကိုယ်တာဝန်ယူရတဲ့ နယ်မြေအလိုက် ရှိပါတယ်။ ကိုယ့်လိုပဲ ကျန်တဲ့ နယ်မြေတွေကို တခြားတပ်ရင်းတွေက တာဝန်ယူပေ့ါ။ အဘက ဘုရားတည်ဖို့ ကြိုးစားနေချိန်မှာ သူတာဝန်ယူရတဲ့ နယ်မြေမှာ ဘိန်းချက်စခန်း တစ်ခုရှိတာကို ရဲက သတင်းရတော့ တာဝန်ယူရတဲ့ အဘတို့ကို သွားမပြောဘဲ နယ်မြေခံတပ်ရင်းကို သွားသတင်းပို့တော့ အဲဒီတပ်ရင်းက ရှိတဲ့ လူအင်အားနဲ့ ထွက်လိုက်သွားပြီ လက်ရဖမ်းဆီးနိင်လိုက်ပါတယ်။ ပြဿနာက ဘာဖြစ်သွားလဲ ဆိုတော့ တာဝန်ယူနေတဲ့ တပ်ရင်းက မသိရဘူးလား ၊ လက်ဘ်စား ထားလို့ မသိတာလား ဆိုပြီး စတော့တာပါပဲ။ အဲဒီမှာ အဘလည်း “ ဘုန်းကြီးအမှု ရွာပတ် ” ပြီ ဆားဗစ်ကဒ် ထိကာ ဗိုလ်မှုးရာထူးကနေ ပင်စင်ယူသွားတဲ့ အထိ မတက်တော့ပါဘူး။ အထက်က အချိန်မှီ ပြီးစီးအောင် လုပ်ခိုင်းထားလို့လည်း ဘုရားတည်နေရသေးတယ် ဖြစ်လာတော့ ဘာမှ ရှင်းပြလို့လည်း မရခဲ့ပါဘူး။ ဒါကြောင့် အဘက မူးယစ်နဲ့ ပတ်သက်လာတဲ့ ကိစ္စတွေဆို တော်တော်လေးကို မုန်းတီးခဲ့ပါတယ်။

ဒီလိုနဲ့ အဘ အပါအ၀င် ၊ ဗျုဟာမှုး ၊ နယ်မြေခံ ရဲတပ်ရင်းတို့လည်း သတင်းရတဲ့ အိမ်ကို သွားရှာကြတာပေ့ါ။ တရားခံတစ်ယောက်လုံး ပါနေတာတောင် အိမ်ရှင် တရုတ်လင်မယားက ဘူးခံပြီး ငြင်းနေပါသေးတယ်။ နောက်ဆုံး တစ်အိမ်လုံး မွှေနောက် ရှာတာ မတွေ့တာကြောင့် လက်လျှော့မယ် အဆုံး ကြမ်းခင်းလေး တစ်ခုက ဟနေပြီ အိတ်အစလေး တစ်ခုက ထွက်နေတာကြောင့် လှန်ကြည့်တော့မှ အောက်မှာ ဆာလာအိတ်နဲ့ တခါတည်း ပါကင်ထုတ်ပြီးသား အိတ်တွေကို သွားတွေ့ရပါတယ်။ ကာလပေါက်ဈေးနဲ့ဆို သိန်းကို သောင်းချီပြီးတော့ ရမယ့် ပိုက်ဆံအရေအတွက်ပါ။ ဒါနဲ့ အိမ်မှာ ရှိတဲ့သူ အကုန်ဖမ်း ၊ ၄ နှစ်သမီးအရွယ် သူတို့ကလေးကိုတော့ ရွာထဲက သူတို့ အဘွားတွေဆီမှာ အပ်ထားခဲ့ပြီး လင်မယား နှစ်ယောက်စလုံးကို ဖမ်းဆီး ခေါ်ဆောင်လာခဲ့ပါတယ်။ အချိန်က ည ၁၂ ကျော်နေပါပြီ။ ကျွန်တော့်စခန်းနားကို ယဉ်တန်းဖြက်တော့ လုံခြုံရေး ယူလိုက်ပြီး စခန်းအောက်မှာ ဆင်းကာ အလေးပြု သတင်းပို့ပါတယ်။ ဗျူဟာမှုးက ထူးခြားဖြစ်စဉ် ရှိမရှိ မေးပြီး အရင်ကထက် စခန်းကို ပိုမို ဂရုစိုက်ဖို့ မှာကြားကာ ပင်မဌာနချုပ်ကို မောင်းထွက်သွားပါတယ်။

အဲဒီဘိန်းဖမ်းပြီး နောက်တစ်နေ့က စပြီး စခန်းလုံခြုံရေးကို အရင်ကထက် ပိုမို ဂရုစိုက်ဖို့နဲ့ ဘိန်းဖမ်း ထားတာကြောင့် သူတို့၏ လုပ်ဖော်ကိုင်ဖက်များက ကောင်တာ ပြန်လာနိင်ကြောင်း ပြောကြားပါတယ်။ တစ်ညတော့ ကျွန်တော်လည်း မြို့ထဲကို ဆရာကြီး တစ်ယောက်နဲ့ အဖော်လိုက်သွားတာ ပြန်လာတာ နောက်ကျတာကြောင့် အဘက စိုးရိမ်ပြီး တစခန်းလုံး တပ်လှန့်ရှာတာ နောက်ဆုံး ကျွန်တော့်ကိုတွေ့တော့မှ စိုးရိမ်တာ ရပ်လိုက်ပေမယ့် အဘ လက်သီးက မရပ်ပါဘူး။ “ ခွပ် ” ဆို ပါးစောင်တည့်တည့် ကို အထိုးခံလိုက်ရပါတယ်။ သူ့စိုးရိမ်စိတ်ကလည်း လွန်လိုက်တာနော်။ အပွဲပွဲ နွှဲလာသမျှ ရွှေဘ လည်း အခုမှ ခံရတယ် ဖြစ်နေတယ်။ ထိုးခံလိုက်ရခြင်း စိတ်ထဲမှာ ၀မ်းနည်းသွားပေမယ့် ကျွန်တော့်ကို ချစ်လို့ပဲလေ ဆိုပြီး ဘာမှတော့ မခံစားရပါဘူး။

ဒီလိုနဲ့ ကျွန်တော်လည်း ရှေ့တန်းမှာ ဟိုနေရာ ပြောင်း ၊ ဒီနေရာ ရွှေ့နဲ့ ၆ လနီးပါးလောက်ပဲ တာဝန် ထမ်းဆောင်ပြီး တဲ့အခါမှာ တွယ်တာခဲ့ရသော ၊ အတွေ့အကြုံရခဲ့သော ၊ တခါတလေ ပျင်းရိငြီးငွေ့ဖွယ် ကောင်းသော ၊ ချစ်ခင်တွယ်တာခဲ့ရသော လုပ်ဖော်ကိုင်ဖက် ဆရာကြီးများနှင့် တပ်စုမှုး သင်တန်း တပ်ရန် အလို့ဌာ ဗထူးမြို့သို့ သွားရောက်ရန် အကြောင်းကြားလာတာကြောင့် မုံးကိုး ရှေ့တန်း စခန်းကို စွန့်ခွာ ခဲ့ရပါတယ်။ ပြီးပါပြီ။

ကျွန်တော် ဒီပို့စ်လေး ရေးနေစဉ် အတွင်းမှာ မရည်ရွယ်၍ပဲ ဖြစ်ဖြစ် ၊ရည်ရွယ်ပြီး ရောက်လာတဲ့သူပဲ ဖြစ်ဖြစ် ၊ ကော်မန့်ရေးပေးတဲ့ ချစ်စွာသော ဘလော့ဂ်ဂါ ညီအစ်ကိုမောင်နှမတို့အား လှိုက်လှဲစွာ ကျေးဇူးအထူး တင်မိကြောင်းနှင့် အကြောင်းအမျိူးမျိုးကြောင့် စာမရေးနိင်ခြင်းကို စိတ်ရှည်သည်းခံစွာ ဖတ်ရှုပေးတဲ့ အတွက် ထပ်မံဝမ်းသာမိပါကြောင်း ပြောကြားအပ်ပါသည်။ ကိုယ် ၊ စိတ် ၊ နှလုံး သုံးပါးလုံး ကျန်းမာချမ်းသာခြင်းနှင့် ပြည့်စုံကြပါစေလို့ ဒီနေရာကနေ ဆုတောင်းရင်း.........



7 comments:

လားရှိုးသူ said...

You left us something to think. Thank you for letting us know how you were and some information. Anyway very good writing. God will be with you.

MgThaJan said...

ဆိုးသွမ်းကြောင်ရေ :P ဇတ်သိမ်းအထိ မပျက်မကွက် ဖတ်သွားပါကြောင်း...

မီးငယ် said...

အစ်ကို တပ်စုမှုးသင်တန်း အကြောင်းဆက်ရေးလေ...
ပြီးတော့ ရှရှားရောက်လာတဲ့အကြောင်းလေ..နော် အစ်ကို...
အစ်ကို အစ်ကို့ ရဲ့Post ကိုPDF ပြောင်းပြီးdownload ချလို့ရအောင်လုပ်ပေးလေ..
ဒါမှ ထပ်ဖတ်လို့ရမှာ

My Wonderful Moral Thoughts said...

Bo cat..,

Thanks ever so much to sharing your experiences and knowledges. From part 1 to the end, I do enjoy very much to reading it.

Knowing young army officer experiences is phenomenal. Weldone to how to represent about yourself in details.

Overall, it's remarkable to knowing your sense of humor through to reading your posts.

Good Luck..,
Soe Mya Nandar Thet Lwin

စိုးထက် - Soe Htet ! said...

ခွပ် ...

အသံကြားတော့ ဘယ်လိုနေလဲ :P

Apprenticeship said...

You have a quince life. Isn't it? Great thanks for your posts, needless to mention I learned lots form it. I am waiting for the book naw, in case you forgot h`h`.
When are you going to start a new chapter. Hope to read soon????

Nyo Htet Nyo said...

၁ ကနေ ၁၅ တထိုင်တည်း ဖတ်ရှုသွားပါတယ်ဗျာ။ နောက်လဲ ထပ်ရေးပါဦး။