Wednesday, April 23, 2008


အရေးကြီး လှုပ်ရှားဖို့ ကိစ္စတွေ မရှိတဲ့ အခါ စခန်းလုံခြုံရေးအတွက် ခံစစ်ကို အကောင်းဆုံး ပြင်ဆင်ရင်း တစ်နေ့ပြီး တစ်နေ့ ရှေ့တန်း ရက်များကို ကြေးနန်းပို့လိုက် ၊ ခံစစ်ပြင်လိုက်နဲ့ အချိန်ကုန်ခဲ့ရပါတယ်။ တခါတလေ အဘကိုယ်တိုင် လက်အောက် စခန်းတွေဆီကို သွားရောက်စစ်ဆေးတဲ့ အချိန် လိုက်ရတာက လွဲလို့ ကျန်တာ မယ်မယ်ရရ ဘာမှ လုပ်ရတာတော့ မရှိပါဘူး။ အနက်မိုးလင်းလျှင် သစ္စာဆို ၊ နောက်တော့ ကိုယ့်စီတာဝန်ခွဲ ၊ နေ့လည်း ထမင်းစား ၁၂ ခဏတန်းဖြုတ် ၊ နေ့လည် ၁ နာရီ အလုပ်ပြန်စ ၊ ကင်းစောင့်တဲ့ သူက စောင့် ၊ ထမင်းချက်တဲ့ သူကချက် ၊ ကျွန်တော်ကတော့ ရုံးအလုပ်လည်း လုပ် ၊ ဖက်ထိတ် ပေးတာလဲ လုပ်ပေ့ါဗျာ။ ဖက်ထိတ် ဆိုတာက တပ်မတော်မှာ အမြဲတမ်း ကြားနေရတဲ့ စကားလေး တစ်ခွန်းပါ။ အရပ်သားစကားနဲ့ ပြောရမယ်ဆိုရင်တော့ အလုပ်လုပ်ရတာပေ့ါ။ စနေ နေ့မနက်တိုင်း သင်တန်းကျောင်းတွေမှာ တန်းစီပြီး ဟိုနေရာကို ရှင်း ၊ ဒီပစ္စည်းတွေ ဟိုသယ် ၊ ဟိုပစ္စည်းတွေ ဒီပို့နဲ့ လုပ်ရတာပါ။ နွေရာသီထဲ မရောက်လာသေးပေမယ့် မြန်မာရာသီဥတုက ပူပူနဲ့ နေပူပူ လေပူပူမှာ အလုပ်တွေ လုပ်လိုက် ၊ သစ်ပင်ရိပ်မှာ ထိုင်ပြီး ဘာဆက်ဖြစ်မယ် မသိသေးတဲ့ ဘ၀အကြောင်းကို တွေးကြည့်လိုက် ၊ ဌာနေက မိဘညီအစ်ကိုမောင်နှမတွေနဲ့ သူငယ်ချင်းတွေ ဒီအချိန် ဘာလုပ်နေကြမလဲ ဆိုတာကို တွေးလိုက်နဲ့ တခါတခါ ၀မ်းနည်း သလိုလိုတော့ ခံစားခဲ့ရပါတယ်။ ဂစ်တာကလည်း အဘက ဆူထားတော့ မတီးရဲဘူး။ သူနဲ့ စခန်းပြောင်းရတဲ့ အခါမှ အပိုင်တီးမယ်လို့တော့ ဆုံးဖြက်ထားရင်း တစ်နေ့တော့......

“ ဟေ့ကောင် ဗိုလ်ကြောင် ၊ အခုချက်ချင်း လူစု ၊ လက်နက်တိုက်ဖွင့် ၊ သေနတ် အကုန်ထုတ်ထား ၊ လက်နက်ကြီး တွေကလွဲလို့ ကိုယ်ပိုင် လက်နက်တွေ အကုန်ထုတ် ၊ ပြီးရင် တန်းစီထားနှင့် ငါလာခဲ့မယ့် ” ဆိုပြီး နေ့လည်ထမင်းစားချိန်ကြီး အဘက အရေးပေါ် အမိန့်ပေးလာတာကြောင့် ကျွန်တော်လည်း ၀ီစီမှုတ် ၊ ဆရာကြီးကို ခေါ်ပြီး တဆင့် ထပ်မှာ ၊ ကိုယ်တိုင်လည်း Equipment လွယ် ၊ ပစ္စတိုကျည်စစ် ပြီး တန်းစီကွင်းကို ထွက်လာခဲ့ပါတယ်။ ဟိုရောက်တော့ ရှေ့ကြည့် သတိခေါ်ပြီး တန်းအပ်ဖို့ အဘကို စောင့်နေလိုက်ပါတယ်။ တအောင့်နေတော့ အဘက ဗျူဟာက ပြန်လာပြီး စကားပြောတာက

“ ဘယ်သူတွေ နေခဲ့ ၊ ဘယ်လူက ဘာလုပ်ထား ၊ စက်သမားက စက်ကို ကားပေါ်တင် ၊ ကားဘယ်နှစ်စီးမှာ လူက ဘယ်လို ခွဲလိုက်ရမယ် ” ဆိုပြီး ဒီလောက်ပဲ ညွှန်ကြားပါတယ်။ ကျွန်တော့်ကိုလည်း ဘာမှ မပြောပါဘူး ။ ဒီတော့ ကျွန်တော်လည်း သူခိုင်းတာပဲ လုပ်ရတာတော့တာပေ့ါ။ ကားလာတော့ သူ့အနောက်က ခုံမှာ ထိုင်ရင်း ကိုယ်လည်း သေနတ်ကို အဆင်သင့်နဲ့ ရမ်ဘို နဲ့ပဲ ယှဉ်ပစ်ရတော့မလိုလို စိတ်ဓတ်တက်ကြွနေတာ။ ကားက အချိန်တော်တော် ကြာကြာကို မောင်းရပါတယ်။ လမ်းက တောင်ပေါ်လမ်းတွေ ဖြစ်တဲ့ အပြင် စနစ်တကျ ဖောက်လုပ်ထားတာ မဟုတ်ဘဲ ထော်လာဂျီ ၊ လှည်း တို့လောက် သွားလို့ရအောင် လုပ်ထားတဲ့ အပြင် တခါတလေ တဖက်မှာ တောင် ၊ တဖက်မှာ ချောက် ၊ လမ်းက ကျောက်ခင်းလမ်း ဖြစ်တဲ့ အခါ ဖြစ်နဲ့ ကားသမားလည်း တော်တော်လေးကို သတိထားမောင်းနေ ရသလို ကျွန်တော်တို့လည်း ဘုရားစာ ဆိုပြီး လိုက်လာခဲ့ရတယ်။ အဲဒီအချိန်အထိတော့ ကျွန်တော်တို့ စစ်သားတွေချည်းပါပဲ။

“ ဖောင်းဆိုင် ” ဆိုတဲ စခန်းခွဲ တစ်ခုကိုရောက်တော့ ရဲစခန်းထဲကို မောင်းဝင်သွားပြီး အဘနဲ့စခန်းမှုး စကားပြောကြပြီး အတူ ပြန်ထွက်လာပါတယ်။ ရဲတပ်သား ၅ ယောက်လောက်ကိုလည်း ၀တ်စုံပြည့် လက်နက်တွေနဲ့ ကားပေါ်တက်ခိုင်းပြီး ဆက်လက် ခရီးထွက်လာခဲ့ပါတယ်။ ရဲတွေပါ ပါလာပြီဆိုတော့ ဇာတ်လမ်းက ပိုရှုပ်သွားတယ်ဗျ။ ဘာဖြစ်မှန်း မသိဘူး။ တစ်ခု စဉ်းစားမိတာက အင်းအားမလောက်လို့ ခေါ်တာလား ဆိုတာပါပဲ။ ဒါနဲ့ ကားတန်းဟာ ဆက်လက် ထွက်ခွာလာခဲ့ပါတယ်။ အချိန်တော်တော်ကြာ မောင်းပြီးတော့ ရွာတစ်ရွာ အ၀င်လမ်းမှာ ခဏနားပြီး ဗျူဟားမှုးဆီကို စက်နဲ့ သတင်းပို့ပါတယ်။ ၁၀ မိနစ်လောက် ကြာပြီးတဲ့ အခါမှာတော့ ဗျုဟာမှုးကား ရောက်လာပြီး ဆွေးနွေးကြပါတယ်။ ကျွန်တော်နဲ့ ကျန်တဲ့သူတွေကတော့ ရပ်ကြည့်ပေ့ါ။ ကိုယ့်အဆင့်နဲ့ ကိုယ်လေ သိတယ် မဟုတ်လား။ ဒီလိုနဲ့ ဗျုဟာမှုးနဲ့ လုံခြုံရေး အဖွဲ့တွေက တစ်လမ်း ၊ ကျွန်တော်တို့က တစ်လမ်း ခွဲသွားရပါတယ်။ ကားပေါ်ရောက်တော့မှ အဘက “ ဗျူဟာမှုးတို့က သစ်ကားများ ဖြက်နေသည်ဟု သတင်းရသောကြောင့် ဖမ်းဖို့ သွားတာ ဖြစ်ပြီး ၊ ကျွန်တော်တို့ကတော့ လောင်းကစားဝိုင်းတစ်ခု တရုတ်-မြန်မာနယ်စပ် သံလွင်မြစ်ဘေးတွင် အကြီးအကျယ် ကျင်းပနေကြောင်း သတင်းရ၍ သွားရောက် ဖမ်းဆီးရန် တာဝန်ပေးလာသောကြောင့် ယခု သွားရခြင်း ဖြစ်ကြောင်း ” ပြောပြပြီး ဟိုရောက်လျှင် ၀င်ဆီးမိတာနဲ့ စစ်သည်တွေကို လုံခြုံရေးကို ချက်ခြင်း တာဝန်ယူခိုင်းရန် ၊ မှတ်တမ်းတင် ဓတ်ပုံရိုက်ရန် မှာကြားပါတယ်။ ကျွန်တော်လည်း ရင်တခုန်ခုန်နဲ့ ဘယ်လိုတွေများ တွေ့ရမလဲလို့ စိတ်ဝင်စားနေတာပေ့ါ။ ဒီလိုနဲ့ နောက်ထပ် မိနစ် ၂၅ လောက်လဲ မောင်းပြီးရော သံလွင်မြစ်ဘေးကို ရောက်လာပါတယ်။ အဲဒီနားမှာ ဆိုင်တန်းလို အစုအဝေးလေးကို တွေ့လိုက်ရတာနဲ့ ကျွန်တော်တို့လည်း ကားကို ချက်ခြင်း အတင်းမောင်းဝင်ပြီး သေနတ်တွေနဲ့ ချိန် ၊ အလစ်ဝင်စီးကြတာပေ့ါ။

အဲဒီနားမှာပဲ တိုင်းရင်းသား လက်နက်ကိုင် အဖွဲ့အစည်းတစ်ခုက တပ်သားတစ်ယောက်က သေနတ်နဲ့ ဘေးချပြီး တခြားတစ်ယောက်နဲ့ စကားပြောနေတာကို တွေ့လိုက်တာနဲ့ လက်မြန်တဲ့ ရဲဘော်တစ်ယောက်က ချက်ခြင်း သေနတ်ကို ကောက်သိမ်း ၊ ဒီကောင့်ကိုဖမ်း ၊ ရုတ်တရက်ဆိုသလို ထပြေးတဲ့ လူတွေက တရုတ်နယ်ထဲ ၀င်ပြေးတာ လောင်းကစားသမားတွေ တော်တော်လွတ်သွားတယ်ဗျာ။ အဲဒီနားမှာ တံတားဆောက်ထားတော့ အလွယ်တကူ ၀င်ပြေးတော့ ကျွန်တော်တို့က ၀င်ဖမ်းလို့ မရဘူးဖြစ်နေပါတယ်။ တရုတ်က သူ့နိင်ငံထဲ သူ့နိင်ငံသားတွေ ၀င်ဖမ်းတယ်ဆို ပြဿနာက ရှည်လာတော့မှာကြောင့် လောင်းကစားဝိုင်း ခေါင်းဆောင်ကိုပဲ လက်ရ ဖမ်းဆီးလိုက်ပါတယ်။ တခုထူးထူး ခြားခြားတွေ့ရတာက တဖက်တဲတန်းက လောင်းကစားဝိုင်း ၊ ၆ ၀ိုင်းလောက်ရှိတယ် ၊ ခုံတွေက တကယ့်အကောင်းစားတွေ ၊ လုပ်နေတာလဲ တော်တော်ကြာပြီ ထင်ပါတယ်။ အဲဒီဝိုင်းတွေနောက်မှာ ရေပူရေအေး ချိုးတဲ့ ရေချိုးခန်းတွေ ရှိပြီး မျက်နှာချင်းဆိုင် တဲတန်းမှာတော့ စားသောက်ဆိုင်လိုလို ၊ တဲလိုလို ဟာမျိုးလေးတွေ စီတန်းစွာ တည်ရှိနေပြီး တဲရှေ့က ခုံတန်းပေါ်မှာ အသက် ၅ နှစ်ကနေ ၆၀ နှစ်အထိ ကလေး လူကြီး ကျားမ စုံနေအောင် ထိုင်နေတာ တွေ့ရပြီး အ၀တ်အစားတွေကလည်း တောထဲ ချောင်ထဲမှာ နေလို့လား မသိဘူး တော်တော်လေးကို ညစ်ပတ် စုတ်ပြက်နေပါတယ်။ အများအားဖြင့် မိန်းခလေးတွေ ပိုများပါတယ်။ အရွယ်အားဖြင့် ၁၆ နှစ်ကနေ ၂၀ လောက်က အဲဒီအထဲမှာ တော်တော်ပါပါတယ်။ လူတိုင်းနီးပါး စုတ်ပြက်နေတာ မဟုတ်ပေမယ့် အဲဒီအရွယ်မိန်းခလေးတွေက ပြင်ထားဆင်ထားကြတာ ( ကန့်တော့ပါရဲ့ - မကောင်းတဲ့ မိန်းခလေးလို ) ပုံစံမျိုးတွေပါ။ မြန်မာစကားလည်း တစ်လုံးမှ မတက်ကြပါဘူး။ ကျွန်တော်တို့ကို တွေ့တော့ ပုန်းတဲ့ သူက ပုန်း ၊ ထိုင်ကြည့်နေတဲ့ သူက ကြည့်နဲ့ ကျွန်တော်လည်း သူတို့ကို လိုက်ကြည့်ပြီး စိတ်တော့ တော်တော် မကောင်း ဖြစ်မိပါတယ်။ ဒါပေမယ့် ကျွန်တော်လည်း ဘာတက်နိင်မှာလဲ ။ ဒါကြောင့် ကိုယ့်ကို တာဝန်ပေးထားတဲ့ အတိုင်း လုံခြုံးရေးကို တာဝန်ယူ ၊ မှတ်တမ်းတင် ဓတ်ပုံရိုက် ၊ တရားခံ စောင့်ကြည့်နဲ့ ဒါပဲ ရှိတယ်။

လောင်းကစားဝိုင်းဆိုတဲ့ အတိုင်း ပိုက်ဆံတွေကတော့ သောက်သောက်လဲဗျာ။ အားလုံးက အနီရောင်တွေ ချည်းပဲ ။ အနီရောင်ဆိုတာ တရုတ်ငွေ ၁၀၀ တန်ပါ။ မြန်မာငွေဆို ၁ သိန်းပေ့ါဗျာ။ အဲဒီမှာ အဘက ကျွန်တော့်ကို ငွေတွေ ရေတွက် သိမ်းဆည်းတဲ့အထဲ မလုပ်ခိုင်းပါဘူး။ ငယ်ငယ်ရွယ်ရွယ်နဲ့ ပိုက်ဆံနောက် လိုက်သွားမှာ စိုးရိမ်လို့ နေမယ်ထင်ပါတယ်။ ပါလာတဲ့ စခန်းမှုးနဲ့ တပ်ကြပ်ကြီးတစ်ယောက်ကို ရေခိုင်းပါတယ်။ လောင်းကစား ၀ိုင်း ဒိုင်ကလည်း မြန်မာလိုမတက်ပဲ သူ့သူဌေးဆီကို ဖုန်းဆက်ချင်ကြောင်း တရုတ်လိုလို တတွင်တွင် ပြောနေပါတေ့ာတယ်။ ကျွန်တော်လည်း တရုတ်လို တက်လို့တော့ မဟုတ်ပါဘူး။ လုပ်သက်ရင့်နေတဲ့ ဆရာကြီးက ပြောပြလို့ သိတာပါ။ ဒါနဲ့ စခန်းမှုးက သူတို့ ရဲတွေ လုပ်နေကြ သက်သေယူ ၊ မှုခင်းရေး အစရှိတာတွေ လုပ်ဆောင်ပြီး ကျွန်တော်တို့လည်း ပြန်လည် ထွက်ခွာလာခဲ့ပါတယ်။ ကျွန်တော်တို့ ပြန်သွားရင်တော့ ဘာတွေ ပွတ်လောရိုက်ပြီး ကျန်ခဲ့မလဲဆိုတာတော့ မတွေးတက်တော့ပါဘူး။ စခန်းရောက်တော့ လောင်းကစားငွေတွေကို ရေတွက်ကြည့်တာ ( ၁၀၀ ) တန် အနီရောင် အရွက်ချည်းပဲ ၁၅၀၀ ကိုတွေ့ရပါတယ်။ ကာလပေါက်ဈေးနဲ့ဆို သိန်း ၁၅၀၀ ကျော်ပါတယ်။ ဒါတောင် ၅၀ တန် ၊ ၂၀ တန် ၊ ၁၀ တန် ၊ အရွက်ပေါင်းကတော့ အသေးစိတ် မမှတ်မတော့ပါဘူး ။ ဒါပေမယ့် ရာနဲ့ ချီတာတော့ သတိရပါသေးတယ်။

Khakhu

ဒီပုံမှာတော့ ဘိန်းပါမယ်ထင်ပါတယ်

နယ်စပ်ဒေသ အစွန်အဖျား နေရာများမှာ မဖွံဖြိုး မတိုးတက်သေးတာကြောင့် စီပွားရေးအရ အသက် မွေးဝမ်းကြောင်း ပြုရာတွင် ဘိန်းစိုက်ပျိုးခြင်း ၊ ထင်းခုတ်ခြင်း နဲ့ တောင်ယာလုပ်ငန်းအားဖြင့် အနည်းငယ်သာ လုပ်ကိုင်ကြတာကို တွေ့ရပါတယ်။ အခုပြောပြချင်တာက ဟိုတလေက ကိုစိုးထက် ဘလော့ဂ်မှာ လေမှုတ်တူရိယာ များဆိုပြီး တင်ထားတုန်းက ကျွန်တော်ရှေ့တန်းမှာနေတုန်း တရုတ် ၊ ရှမ်း လူမျိုးတွေ Khakhu ရူတာကို သတိရမိပါတယ်။ ကျွန်တော်လည်း လုပ်ဖူးတယ် ရှိအောင် တခါတော့ ရှုကြည့်ခဲ့ပါသေးတယ်။ ခတ်ပုန်ပြောင်းတွေကို တရုတ်နဲ့ နယ်စပ်နေတဲ့ ကချင်ပြည်နယ် ၊ ရှမ်းပြည်နယ်တွေမှာ အလွယ်တကူ တွေ့နိင်ပါတယ်။ ရှုတဲ့ ပြောင်းဆေးကတော့ တန်ဖိုးအလိုက်ရှိပြီး ၊ ပြောင်းတံကလည်း အလှလုပ်ထားရင် လုပ်ထားသလို ဈေးအမျိုးမျိုးရှိပါတယ်။ ဆေးရွက်ကြီးတွေကို ပြောင်းထိပ်က အပေါက်လေးထဲမှာထည့် မီးရှို့ပြီး တဖက်အပေါက်က ပါးစပ်နဲ့ လေလုံအောင် ပိတ်ကာ စုပ်ရတာပါ။ အမှုန်အမွှားတွေက ဘူးထဲက ရေကို ဖြက်သန်းတဲ့ အခါမှ ကျန်ခဲ့ပြီး အငွေ့တခုတည်းကိုသာ လူ့ပါးစပ်ထဲကို ရောက်စေတာကြောင့် သောက်သုံးတဲ့သူဟာ ကျန်းမာရေး ထိခိုက်မှု့နည်းသလို သက်ကြီးရွယ်အို အဘိုးအဘွားကြီးတွေမှ အစပြုကာ သောက်သုံးကျတာကို တွေ့မြင်နိင်ပါတယ်။ အိမ်တစ်လုံးမှာ အနည်းဆုံးတော့ ခတ်ပုန်ရှုတဲ့ ပြောင်းဟာ ၂ ခုလောက်တော့ ရှိတက်ကြပါတယ်။

လောင်ကစားဝိုင်းက ပြန်လာပြီးတော့ ကျွန်တော်တို့လည်း ရလာတဲ့ ငွေတွေကို ဗျူဟာကို ပို့ရပါတယ်။ သူတို့ကလည်း သူတို့ထက် ကြီးတဲ့ တိုင်းစစ်ဌာနချုပ်ကို ပြန်ပို့ရမယ်နဲ့ တူပါတယ်။ အဲဒီနေ့ပြီးတော့ ကျွန်တော်လည်း လာရာ စခန်းသစ် စခန်းကုန်းကို ပြန်ပြီး စခန်းထိုင်ဖို့ အဘက ညျွန်ကြားလာတာကြောင့် လေးလပတ် အစည်းအဝေးမသွားခင်တုန်းက နေခဲ့ရတဲ့ စခန်းသစ် စခန်းကုန်း ကို ကျွန်တော်လည်း ပြန်လည် ခြေချခဲ့ရပါတယ်။

ဆက်ရန် “ ဇာတ်သိမ်း ”

လာရောက်ဖတ်ရှု့ကြသော ချစ်စွာသော ဘလော့ဂ်ဂါ ညီအစ်ကို မောင်နှမများအား လေးစားစွာ အထူးကျေးဇူးတင်မိပါကြောင်း ဒီနေရာမှနေ၍ တက်နိင်သလောက်ပဲ ပြောကြားလိုက်ပါတယ်။ စိတ်၏ ချမ်းသာခြင်း ကိုယ်၏ ကျန်းမာခြင်းနှင့် ပြည့်စုံကြပါစေ။ မကြာမီ ဇာတ်သိမ်းတော့မှာ ဖြစ်ပါကြောင်း သတင်းကောင်းပါးအပ် ပါသည်။ စောင့်မျှော်ဖတ်ရှု့ခြင်းမှ ကင်းဝေးကြပါစေ။း)


5 comments:

လားရှိုးသူ said...

လာဖတ်သွားပါတယ်၊ ဇာတ်သိမ်းကိုမျှော်နေပါတယ်
စောင့်ရမှာပေါ့ စထားမှတော့၊ အဆုံးထိသွားရမှာပေါ့။

Soe Mya Nandar Thet Lwin (Borros Roxo) said...

Thanks a lot for sharing your experiences.,

I am really impress as you have great memories that u can represents every details of it.

It is not easy to remember to do like that. It's nice to sharing in your Blog and I am sure every single person enjoy reading it as i do..,

Cheers Bo Cat..,
Soe Mya Nandar Thet Lwin

Apprenticeship said...

h`h` ကိုယ့်အဆင့်နဲ့ ကိုယ်နော်..just a reminder :P Kg ei Kg ei. Waiting for the conclusion too. And start a new chapter once you finish the old one naw. :P

Unknown said...

ဟာ....ဖတ်ကောင်းပါသေးတယ်.... သိမ်းပြီလားဗျ..
ဟိုအာဏာသိမ်းတဲ့ တိုင်းရင်းသားခေါင်းဆောင်ကို ဖမ်းတဲ့
အထဲမှာပါသေးလားဗျ... ပါရင်အဲဒီအကြောင်းရေးစမ်းပါဗျာ။
ဖတ်ချင်လို့ဗျ။

စိုးထက် - Soe Htet ! said...

ခါးခူ ရှူတာ တွေ့ဖူးတယ် ဗျ ခဏခဏ :P