ဆိုးသွမ်း

“ ရှာပုံတော် မင်းသားကြီး~~~~~ဘယ်အရပ်ဆီ~~~~~မသိတော့ အခက်တွေ့ပြီ ” တချက်ချက် ပျံလွှင့်လာတဲ့ တေးသံက ကျွန်တော့်နားထဲကို မကြားတစ်ချက် ကြားတစ်ချက်နဲ့ ၀င်ရောက်လို့လာပါတယ်။ ဒါနဲ့ ကျွန်တော်လည်း လန့်သွားတယ်။ ဟာ...ငါ ကင်းစောင့်ဖို့ ပြောထားတာ လာမနိုးဘူးဆိုပြီး နာရီကို အလန့်တကြား ကြည့်တော့ ၇ နာရီကျော်နေပြီ။ ဒါနဲ့ အိပ်ရာ လူးလဲထပြီး တဲအပြင်ကို ထွက်လိုက်တော့ “ နိးလာပြီလား ဗိုလ်လုံ ” “ ဗိုလ်လုံကို မနိးရက်လို့ အိပ်ပါစေ ဆိုပြီး ကျွန်တော်ပဲ စောင့်လိုက်တာ ” ဆိုတော့ ကျွန်တော်လည်း အပြစ်မတင်ရက်တာနဲ့ “ အင်း...ကျေးဇူးတင်ပါတယ် ဆရာကြီးရေ ၊ နောက်တစ်ခါတော့ မလုပ်ပါနဲ့ ဟုတ်ပြီလား ဆိုပြီး ” ကျွန်တော်လည်း မှန်ပြောင်းယူ ပြီး စခန်းပတ်လယ် လိုက်ကြည့်နေပါတယ်။ ကျွန်တော် မပြောင်းခင်တုန်းက အဘက မနက်ဆို ကိုယ်နေတဲ့ စခန်းပတ်လည်ရဲ့ အခြေအနေကို ၂ နာရီခြား တစ်ခါ မှန်ပြောင်းနဲ့ ထူးခြားဖြစ်စဉ် ရှိမရှိ ကြည့်နေရမယ်တဲ့။ ဒါနဲ့ ကျွန်တော်လည်း ဟိုလျှောက်ကြည့် ဒီလျှောက်ကြည့်ပြီးတော့ အသံကြားရာ မြို့ထဲဘက်ရှိရာကို ကြည့်ဖို့ စခန်းရဲ့ အရှေ့ဘက်ကို ထွက်လာခဲ့ပါတယ်။

ကျွန်တော်တို့ စခန်းကနေ မြို့ကိုကြည့်မယ် ဆိုရင် မြို့ကို ကောင်းစွာ မြင်နိင်သည့် အပြင် တရုတ်ဘက်ကိုလည်း ထင်ရှားစွာ မြင်တွေ့နိင်ပါတယ်။ တစ်ခုရှိတာက တရုတ်တွေက သူတို့ နိင်ငံဘက်ခြမ်းက တောင်ပေါ်က သစ်ပင်တွေကို တပင်မှ မခုတ်ခိုင်းပါဘူး။ ဒီတော့ ရာသီဥတုက ကောင်းတဲ့အပြင် စစ်ရေးအရလည်း ပုံဖျက်ဖုံးကွယ်မှု တွေရရှိတယ်လို့ သက်မှတ်လို့ရပါတယ်။ ကျွန်တော်တို့ တောင်ထက် တော်တော်မြင့်တဲ့ တောင်တစ်လုံးကတော့ အောင်ဆန်းသူရိယ အေးချို ကျဆုံးသွားတဲ့ တောင်ကုန်းပါ။ သူက တပ်ရင်းတပ်ရင်းလုံး ဆုတ်ခွာနိင်အောင် သောင်းကျန်းသူ ရောင်စုံ သူပုန်တွေကို တစ်ယောက်တည်း ခံပစ်ရင်း အသက်အသေ ခံခဲ့တဲ့ အတွက် အမိမြန်မာနိင်ငံတော်က ထိုက်တန်စွာ အောင်ဆန်းသူရိယ ဘွဲ့ကို ချီးမြင့်လိုက်ခြင်းဖြစ်ပါတယ်။ အဲဒီတောင်က ပြေပြေလျော ဆင်းသွားပေမယ့် အမြင့်ကတော့ တော်တော်မြင့်ပါတယ်။ တောင်ပေါ်မှာ နာဂအိမ်တစ်လုံးရှိတာကို တွေ့ရပေမယ့် အမြင်နီး၍ ခရီးဝေး ဆိုတော့ မရောက်ဖြစ်ခဲ့ပါဘူး။ နာဂ လူမျိုးလား ၊ ပလောင်လူမျိုးလား မသိဘူး သူတို့က နေကို အရင်ဆုံးတွေ့ရတဲ့ နေရာ (၀ါ) နေနဲ့အနီးဆုံး ဆိုတဲ့ တောင်ပေါ်တွေမှာ နေကြပါတယ်။ ဘာလို့လည်းဆိုတော့ အဲဒီလို နေခြင်းဖြင့် ကောင်းကင်ဘုံနဲ့ ပိုပြီး နီးစပ်ဖို့ ဖြစ်နိင်တယ်ဆိုလား ကြားဖူးပါတယ်။ ဒါက မသေချာပါဘူး ခင်ဗျာ။ အမှားပါရင် ခွင့်လွှတ်စေချင်ပါတယ်။ ဒါနဲ့ အသံကြားရာ အရပ်ကို လှမ်းကြည့်တော့ ၀ိုးတ၀ါးနဲ့ စင်ပေါ်မှာ ကနေတာကို လှမ်းတွေ့လိုက်ရပါတယ်။

ဒါနဲ့ ကျွန်တော်လည်း တော်တော်လေး ၀မ်းနည်းသွားတယ်ဗျာ။ ဘယ်နှင့် ကိုယ်လည်း လူငယ်ပဲ မဟုတ်လား ပျော်ချင် ကဲချင်တာပေ့ါ။ ဒါနဲ့ ထင့်ခနဲ့ ဖြစ်သွားတဲ့ စိတ်ကို အမြန်ပြန်လည် ထိန်းချုပ်စုစည်းရင်း ဒီနေ့ လုပ်စရာ ရှိတာတွေကို လုပ်ဆောင်ဖို့ ကိုယ့်တဲ့ ရှိရာကို ခြေဦးပြန်လှည့်လာခဲ့ပါတယ်။ နားထဲမှာတော့ တချက် တချက် ပျံလွှင့်လာတဲ့ သင်္ကြန်သီချင်းများကို နားထောင်ရင်းပေ့ါ။ ပါးစပ်ကတော့ တခါတခါ သီချင်းလေး လိုက်ညည်းမိပါသေးတယ်။ ဆရာကြီးတွေကလည်း ပုံမှန်ပါပဲ။ ဒါပေမယ့် သာမာန်ထက် ပိုပြီး စခန်းက ပိုတိတ်ဆိတ် နေသလိုပါပဲ။ အော်....သူတို့လည်း လူလွတ်ဆို လူလွတ် အလျောက် ၊ အိမ်ထောင်သည် ဆိုလည်း မိသားစုနဲ့ လည်ချင် ပတ်ချင်ကြတာပဲ မဟုတ်လား။ တိုင်းပြည်တာဝန် ထမ်းဆောင်နေတော့လဲ ဖြစ်ချင်တာတွေ ကို အသာထား ဖြစ်သင့်တာတွေကို ဦးစားပေးရတယ် မဟုတ်လား။ ဒါနဲ့ ကျွန်တော်လည်း အဘနဲ့ စခန်းမှာ နေတုန်းက သင်ပေးလိုက်တဲ့ အတိုင်း စခန်းမှာ ဘာတွေ လိုအပ်လဲ ၊ ဘာတွေ ပြင်ဆင်ရမလဲ ၊ ဆိုတာကို စဉ်းစားရင်း လုပ်ဆောင်ရမဲ့ တစ်ဆင့်ခြင်းဆီကို ဆောင်ရွက်ဖို့ စခန်းပတ်လည် လိုက်ကြည့်မိပါတယ်။

တပ်စခန်း တစ်ခုမှာ လုံခြုံရေးက အဓိက ကြပါတယ်။ တနည်းအားဖြင့် ခံစစ်ပေ့ါ။ “ အခိုင်ခံဆုံးသော ခံစစ်သည် အကောင်းဆုံး တိုက်စစ်ဖြစ်သည် ” ဟုလည်း ကျက်မှတ်လေ့လာခဲ့ရပါတယ်။ ဒါကြောင့် ပထမ ခံစစ်စည်း ၊ ဒုတိယ ခံစစ်စည်းတွေကို လိုက်ကြည့်ပြီး ယိုင်နဲ့နေသော တိုင်များဖယ်ရှားခြင်း ၊ ခံစစ်စည်း တစ်ခုနှင့် တစ်ခုခြား ပေါက်နေသော မြက် ၊ ခြံနွယ်များ ရှင်းခြင်း နဲ့ပဲ တစ်နေ့တာ သင်္ကြန် အကြိုနေ့ကို ကုန်လွန်ခဲ့ရပါတယ်။ ဒီလို ခြံနွယ်တွေ ၊ မြက်တွေ ရှင်းရတာက ရန်သူက လာတိုက်တဲ့ အခါ ခံစစ်စည်းကို မီးရှို့ဖျက်စည်းသောအခါ ထိုအရာတွေက အထောက်အကူ ဖြစ်နိင်သည့် အတွက်အပြင် ၊ ရန်သူ စခန်းကို အလွယ်တကူ ချဉ်းကပ်ဖို့ရန် အကာအကွယ် မရအောင် ပြုလုပ်ရခြင်း ဖြစ်ပါတယ်။ စခန်း ပတ်ပတ်လည် လုပ်ဆောင်ရခြင်း ဖြစ်တာကြောင့် တစ်နေ့ကို နည်းနည်း နဲ့ တစ်ခုခြင်းဆီကို လုပ်ဆောင်ရပါတယ်။ ဒီနေရာ မလုပ်တော့ ဘာဖြစ်လဲ။ မလုပ်လဲ ရတာပါပဲ။ ကျွန်တော်တို့က ထာဝရနေရမှာမှ မဟုတ်တာ။ နောက်လူလာရင် လုပ်မှာပေ့ါ ဆိုပြီး ပစ်ထားခဲ့လို့ကတော့ တပ်မတော်ဆိုတာ ဘယ်ရှိလာပ့ါမလဲ။ ဒီလို အလုပ်တွေကို မခိုင်းဘဲနဲ့ ကိုယ့်တာဝန် ကိုယ်ယူပြီး လုပ်ရတာပါ။ ပြီးတော့ အဘကလည်း တစ်နေ့ကို စက်နဲ့ ၂ ကြိမ် ဒီနေ့ လုပ်တဲ့ အကြောင်းအရာတွေကို စက်နဲ့သတင်းပို့ပြီး လူကိုယ်တိုင်ကတော့ ၁ နေ့ကို ၁ ခါကြေးနန်း တင်ရပါတယ်။ နောက်ပြီး အဘကလည်း ၁ လ ၁ ခါလောက် စခန်းတွေကို လိုက်လံစစ်ဆေးလေ့ ရှိသလို တိုင်းမှုး ၊ ဗျူဟာမှုးတွေကလဲ အခါအား လျော်စွာ လာရောက် စစ်ဆေးလေ့ ရှိပါတယ်။ အဲဒီအခါ လုပ်ဆောင်ထားမှု မရှိဘူး ဆိုရင်တော့ ရာထူးအဆင့်တိုး လျော့ပြစ်ဒဏ် ၊ သတိပေး ဆုံးမ အဲဒီလို တာဝန်ပျက်ကွက်မှု့အပေါ် လိုက်၍ အပြစ်ပေးလေ့ ရှိပါတယ်။ အဲဒီဟာတွေက ဘာထိခိုက်လဲဆိုတော့ တဆင့်တိုး ရာထူး တိုးဖို့ကြတော့ နောက်ကျတဲ့ ဒဏ်ကို ခံရပါတယ်။ ပြီးတော့လဲ ဒီလိုလုပ်ဆောင်ရခြင်းဟာ ရန်သူအလွယ်တကူ လာရောက် တိုက်ခိုက်နိင်ခြင်း မရှိနိင်တာကြောင့်ပါ။ ဒီလိုနဲ့ ညရောက်လာတော့ ထမင်းစား ၊ စကားပြော အိပ်ရာဝင်ပေ့ါဗျာ။

သင်္ကြန်အကျနေ့

“ ဗိုလ်လုံ အဘက မှာလိုက်တယ် ဒီနေ့ ဆရာလှတင့်နဲ့ ရဲဘော် ပေါက်ချွန်းတို့ ကို လူလက်နက်နဲ့ တောင်အောက်ကို အရင်လွှတ်ပေးပြီး အလှူလာစားပါတဲ့ ။ အောက်မှ အဘကိုယ်တိုင် မုန့်လုံးရေပေါ်လုပ်ပြီး ကျွေးနေတယ် ၊ ဗိုလ်လုံတို့ကတော့ သူတို့ကို ပြန်လွှတ်လိုက်မှ ဆင်းခဲ့ပါတဲ့ ” လို့ ပျော်ရွှင်ဖွယ်ရာ သတင်းစကားကြားလာရပါတယ်။ ဒါနဲ့ ကိုယ်လဲ အပိုင်ကဲ မယ်ပေ့ါ။ ရေပတ်မယ် ၊ မြို့ထဲ လျှောက်လည်မယ် ဆိုပြီး ရှိသမျှ ယူလာတဲ့ အ၀တ်အစားတွေထဲက အကောင်းဆုံး ဆိုတာလေးကို ထုတ် ။ ယူလာသမျှ အ၀တ်အစားက လဲ တော်တော်များတာကြောင့်ပါ။ အရပ်ဝတ် ၂ ထည်ထဲရယ်။ ကျန်တာတွေက ယူနီဖောင်းတွေမို့ပါ။ ဒါနဲ့ ကျွန်တော်လည်း တောင်အောက် ဆင်းရတော့မယ်ဆိုတော့ ရေမိုးချိုး အ၀တ်အစားလေးဝတ်ပြီး စောင့်နေတုန်း ၊ စက်က ထက်ပြောလာပါတယ်။ ဗိုလ်လုံလဲ တောင်အောက်ကို ဆင်းမယ်ဆိုရင် ယူနီဖောင်းနဲ့ သေနတ်ပါယူပြီး ရဲဘော်တစ်ယောက်နဲ့ အတူ ဆင်းလာခဲ့ပါတဲ့။ ဒါနဲ့ ကျွန်တော်လည်း မျှော်လင့်ထားတာလေးဖျက် ၊ ယူနီဖောင်း ပြန်လဲပြီး ပစ္စတိုခါးမှာ ပတ်လို့ မဆင်းချင် ဆင်းချင်နဲ့ တောင်အောက်ကို ဆင်းချလာခဲ့ပါတယ်။ ဟိုရောက်တော့ အဘကို အလေးပြုပြီး ရောက်ရှိပါပြီပြောတော့ အဘက “ အေး ရောက်ရင် ဘုရားသွားရှစ်ခိုး ၊ ပြီးရင် ဒီမှာ မုန့်လုံးရေပေါ် လာဝိုင်းလုပ်တဲ့ ။ ဗိုက်ကလည်းတော်တော် ဆာနေပါပြီ။ ဒါနဲ့ မုန့်လုံးရေပေါ် အရင်စားလိုက်တယ်။ အဲဒီလို စကားနားထောင်လို့လဲ အဘက သူ့နားမှာ မထားတာပါ။ မုန့်လုံးရေပေါ် လုံးပြီး လာသမျှ လမ်းမှာ ဖြက်သွားဖြက်လာ ခရီးသွားတွေကို အတင်းခေါ်ပြီး ကျွေးတော့တာပဲ။ စားချင်တာ မစားချင်တာ မသိဘူး။ ဘေးနားမှာလဲ ရဲဘော်တွေက သေနတ်တွေနဲ့ ဆိုတော့ သူတို့လဲ စားချင်ရက်နဲ့လား မစားချင်ရက်နဲ့ သေနတ်မြင်လို့လား မသိဘူး။ စားတော့ စားသွားကြတယ်ဗျား) ။

ကျွန်တော်လည်း ပြီးတော့ အဘကို ခွင့်တောင်းပြီး မြို့ထဲ သွားမယ်လို့ ပြောမလို့ ရှိသေးတယ် အဘက “ မင်းလည်း မြို့ထဲ သွားချင်သွားလေ ၊ အခု ၁၂ ရှိပြီ ၊ ညနေ ၄ နာရီ ငါ့ကို ပြန်သတင်းပို့ ၊ ပြီးရင် တောင်ပေါ် ပြန်တက် ဟုတ်ပြီလား ” ဆိုပြီး လွှတ်လိုက်ပါတယ်။ အဲဒီမြို့က ကလေးတွေလည်း သိပ်မတွေ့ရပါဘူး။ ဘာဆို ဘာမှ မရှိ။ အသံတွေသာ ကြားနေရတယ် လူတစ်ယောက်မှ မတွေ့ဘူး။ ကိုယ်ကလဲ ယူနီဖောင်းကြီးနဲ့ သေနတ်ကလည်း ပါသေးတယ် ဆိုတော့ ဘယ်သူမှလဲ ရေမလောင်းရဲ ကြဘူး။ ဒါနဲ့ မြို့ထဲ ထိရောက်အောင် လမ်းလျှောက်သွားရင်း ငါတော့ ဒီလိုနေ့မှာမှ ရေမဆိုရင် ဘယ်နေ့မှ ဆိုမှာ မဟုတ်တော့ဘူး ဆိုပြီး စဉ်းစား မိလိုက်ပါသေးတယ်။ ဒါနဲ့ ဟိုရောက်တော့ ဈေးရှိတဲ့ နေရာလေးမှာ စင်လေး ထိုးထားပြီး ကလေးတွေ ယိမ်းလိုမျိုးနဲ့ သင်္ကြန်သီချင်းဖွင့်ပြီး ကနေကြတာပါ။ တစ်ချို့ လူကြီး ၊ ကလေးတွေကလည်း ၀င်ကပေ့ါ။ အဲဒါကို ဘေးနားက လူတွေ ၊ ကလေးတွေက ရေ၀ိုင်းပတ်နေကြတာ။ အော်.....သူတို့ဒေသက ခေါင်တော့ ဘယ်သူမှလဲ လာလို့မရ ၊ လျှောက်လည်ဖို့ကလဲ မြို့က ကားဘီး ၅ ပတ်လောက် လှိမ့်လိုက်တာနဲ့ အိမ်က ကုန်နေပြီ။ ဒီတော့ ကျွန်တော်လည်း ဒီထက်တော့ နည်းနည်းလေး ပိုထင်ထားတာ ၊ ကိုယ်ထင်ထားတာ ထက်တောင် မဖြစ်ထွန်းဘူး ဖြစ်နေပါတယ်။ ဒါနဲ့ ဘေးနားက မြန်မာ လက်ဘက်ရည်ဆိုင်လေးထဲ ၀င်ပြီး သူတို့ကိုပဲ ထိုင်ကြည့်နေမိတော့တယ်။ ဆိုင်ရှင်က ဗိုလ်လုံ ကြာဇံဟင်းခါး လှူတယ် သောက်သွားပါဦး ဆိုလို့ ကာလအတန်ကြာ ငတ်ပြတ်နေသော အစားအစာ တစ်ခုကို အားမနာပဲ ၃ ပွဲလောက် သောက်ပေးလိုက်တယ်။ အော် ဆိုးပ ဆိုးပ။ ဒါနဲ့ သင်္ကြန်အကျနေ့လည်း ရေလောင်းမခံရဘဲ လာရာလမ်းအတိုင်း နောက်ပြန်လှည့်လာခဲ့ ရပါတယ်။ ဟိုရောက်တော့ အဘက မင်းက ရေတောင် အလောင်းမခံရဘူးလား ဆိုပြီး စနေပါသေးတယ်။ ကျွန်တော်လည်း ဘာမှ ပြောချင်စိတ် မရှိတာနဲ့ စခန်းမှာ ဆရာကြီးတွေနဲ့ စကားနည်းနည်းပါးပါး လိုက်ပြော နုတ်ဆက်ပြီး လာရာလမ်းကို ပြန်ခဲ့ပါတယ်။ စခန်းပြန်ရောက်တော့ သေနတ်ကို အိပ်ရာဘေးထားရင်း ဘယ်သူမှ မလောင်းလဲ ကိုယ့်ဟာကိုယ် လောင်းတယ်ကွာ ဆိုပြီး ၀တ်စုံတောင် မလဲဘဲ ရေ ၂ ပုံးလောက် ခေါင်းလောင်း ချိုးပစ်လိုက်တယ်။ ဆရာကြီးတွေက ကြောင်ပြီး ၀ိုင်းကြည့်လို့။ ကျွန်တော်လည်း ရှက်ရှက်နဲ့ တဲထဲ ပြန်ဝင်ပြီး အ၀တ်လဲ ပြန်အိပ်နေလိုက်တော့တယ်။ မှတ်ကရော။ ဒီလိုနဲ့ အကြက် ၊ အတက် ၊ နှစ်ဆန်းတစ်ရက်နေ့တွေကို တောင်ပေါ်မှာ ဘယ်သူ့ကိုမှ ရေမလောင်းရဘဲ ဆက်သွယ်ရေးမြောင်း ရေခွလောင်းကာ ၂၀၀၄ ခုနှစ် သင်္ကြန်ကြီးကို အောင်မြင်စွာ ပြီးဆုံးစေခဲ့ပါတယ်။ အဲဒီအချိန်တုန်းက တော်တော် ခံလိုက်ရတာ။ တစ်နေ့တစ်နေ့ ဘာလုပ်ရမှန်းမသိဘူး ဘာမှလည်း မလုပ်ချင်ဘူး။ ညဆို စောစောအိပ် ၊ နေ့ခင်းဘက်ဆို အိပ်လိုက် ၊ အလုပ်လုပ်လိုက် ၊ သင်္ကြန်အကြောင်းတွေးလိုက်နဲ့ ဒီအချိန်ဆို ဘယ်သူငယ်ချင်းတွေကတော့ ဘယ်လို ၊ ဘယ်သူတွေကတော့ ဘယ်လို ဆိုပြီး စဉ်းစားမိရင် ခံစားရတာ ပိုဆိုးတယ်ဗျာ။ ဘယ်လိုပြောမလဲ ဆေးဖြတ်တဲ့ ဆေးသမားလိုပဲ ။ အချိန်တန် ဆေးမရတော့ ယင်းထနေသလို ခံစားနေရတာပေ့ါ။

သင်္ကြန်အချိန်တွေ တောင်ပေါ်မှာ ကုန်ဆုံးတော့ ကျွန်တော်လည်း တောင်ပေါ်က တစ်ဆင့် တောင်အောက်ကို စခန်းခဏပြန်ချိန်းပါတယ်။ ဘာဖြစ်လို့လဲ ဆိုတော့ တပ်မတော်မှာ အမြဲကျင်းပလေ့ရှိတဲ့ လေးလပတ် အစည်းအဝေးပွဲကို သွားတက်ရမှာ မို့ပါ။ ကျွန်တော့် ဒုဗိုလ်အဆင့်နဲ့ တက်ရမယ်လို့တော့ မဟုတ်ပါဘူး။ တပ်ရင်းမှုးတွေနဲ့ တိုင်းမှုး ၊ စကခမှုး ၊ တွေ ကိုယ်တပ်ရဲ့ အခြေအနေနဲ့ ဖြစ်စဉ် လုပ်ဆောင်ချက်တွေကို ရှင်းလင်းတင်ပြရတဲ့ အစည်းအဝေးလို့ပဲ သိစေချင်ပါတယ်။ ကျွန်တော်တို့ တပ်မတော်သားတွေကတော့ ပိုနားလည်မှာပါ။ ကျွန်တော်မပြောလည်းပေ့ါ။ ဒါနဲ့ အဘက ကျွန်တော့်ကို ပြန်ခေါ်ပြီး အစည်းအဝေး တက်ဖို့ ရှေ့တန်းမှ တဆင့် နောက်တန်း တပ်စခန်းကို ပြန်ရောက်ခဲ့ရပါတယ်။ တနည်းအားဖြင့် ကွတ်ခိုင်ပေ့ါ။ အဲဒီ ပြန်ရောက်ခဲ့တဲ့ အချိန်လေးမှာပဲ ကွတ်ခိုင် အကြောင်းကို စတင်လေ့လာခွင့်ရခဲ့တာပါ။ ကျောင်းဆင်းလာတုန်းက ရောက်ရောက်ခြင်း ၁ ပတ်နေပြီး ရှေ့တန်း ကိုတခါတည်း ထွက်လာခဲ့ရတယ် ဆိုတော့ မသိဘူး မဟုတ်လား။ ဒါနဲ့ သက်မှတ်ထားတဲ့ နေ့ရောက်တော့ အဘရယ် ၊ ကျွန်တော်ရယ် ၊ ထောက်လှမ်းရေး အကြပ်ကြီး ဆရာကြီး သန့်ဇင်ရယ် ၊ အဘ ရဲဘော် ၃ ယောက်ရယ် ကွတ်ခိုင်မြို့ကို ပြန်လာခဲ့ကြပါတယ်။

ကွတ်ခိုင်ပြန်ရောက်တော့ အဘက သူ့အိမ်သူပြန် ၊ ကျွန်တော်က ဗျူဟာက ပေးထားတဲ့ ၆ ခန်းတွဲမှာ တစ်ယောက်ထဲ တည်းရပါတယ်။ အဲဒီမှာ ကျွန်တော်နဲ့ ခလရ ( ၄၅ ) တပ်ရဲ့ အထီးကျန် ခြင်းနဲ့ စတွေ့တော့တာပါပဲ။ ကျွန်တော်နေတဲ့ အခန်းတွေက မီးမရပါဘူး။ ၆ ခန်းလုံးမှာ ၂ ခန်းတွဲဆီ ရေချိုးခန်း ၊ အိမ်သာ အတူတူ ရှိပါတယ်။ ၄ ယောက်ကို မျှသုံးပေ့ါ။ ကျွန်တော့် အဆောင်အနောက်မှာ တင်းနစ်ကစားတဲ့ ကွင်းလေး ရှိပြီး အဲဒါနဲ့ ကပ်လျက်ကတော့ တပ်နယ်ဆေးရုံလေးပါ။ ဒါနဲ့ စကားမစပ် အဲဒီတပ်နယ် ဆေးရုံက သရဲမက တော်တော်ကြမ်းတယ် ကြားတယ်ဗျ။ ညဆို တက်ဖိထားတယ် ဆိုလား မသိပါဘူး။ ကလေးမီးဖွားရင်းနဲ့ သေသွားတာပါတဲ့။ အခန်းက မီးမလာရတဲ့ အထဲ လာကြပ်နေသေးတယ်ပေ့ါဗျာ။ ကျွန်တော်နေတဲ့ အခန်းဆောင်တွေက လူနေအိမ်တွေနဲ့လည်း ဝေးပါတယ်။ ဒါကြောင့် ညဆို တော်တော် တိတ်ဆိတ် နေတာကြောင့် ထိတ်လန့်ဖို့ ကောင်းပါတယ်။ ဘေးနားပတ်လည် က မှောင်လို့ ။ အရှေ့မှာ မြင်နေရတဲ့ ယူကလစ်ပင်တွေကလည်း လေတိုက်တော့ တရှဲရှဲနဲ့ အဲဒီအပင်တွေပေါ်က လူက ပြုတ်ကျပြီး သေထားတယ် ဆိုလား ၊ ဟာဗျာ...နေချင်စရာ မရှိအောင်ကို ဖြစ်နေတာ။ တပ်ရင်းမိသားစု အိမ်တွေထားတဲ့ လိုင်းခန်းတွေနဲ့က ၁ မိုင်လောက် ဝေးတယ်။ အလယ်မှာက ဆေးရုံ နဲ့ ပြီးတော့ ကွင်းပြင်ကြီး ၊ ပြီးတော့မှ တပ်ရင်း ဗဟိုကင်း ၊ အဲဒီနားမှာ အပင်အကြီးကြီး တစ်ပင်ရှိတယ်။ ပြီးတေ့ာ ရေစင်ကြီးလည်း ရှိတယ်။ အဲဒီရေစင်နားက ကုန်းက တော်တော် ခြောက်တာ နာမည်ကြီးတယ်တဲ့ ညနေ ၆ နာရီ ကျော်ရင် တစ်ယောက်တည်း မသွားနဲ့ဆိုလား ။ သတင်းတွေကလည်း ကြားလိုက်ရတာ ဗျာ။ ကျွန်တော်က တစ်ယောက်တည်း အိပ်ရပါတယ် ဆိုမှ အဖော်အရာရှိ တွေကလည်း မရှိတော့ တစ်ယောက်တည်း ညဆို စောစော အိပ်၇ာဝင်ဖြစ်တယ်။ ဒါတောင် ဖယောင်းတိုင်မီးကို ဘုရားရှစ်ခိုးပြီးတာနဲ့ ဆက်ခနဲ့ မှုတ်ပြီး ခြင်ထောင်တဲ့ တန်းဝင် ၊ စောင်ခေါင်းမြှီးခြုံပြီး အိပ်တာပါ။ အဲဒီလိုတွေ ကြားလို့ ဘုရားရှစ်ခိုးပြီ အိပ်ပါတယ် ဆိုမှ......တစ်ညတေ့ာဗျာ

ဆက်ရန် ။

အားပေးမှုအား အထူးကျေးဇူးတင်လျက်