ဆိုးသွမ်း

(၁)
စိတ်ကူးအရင့်အမာကြီးနဲ့ လွမ်းရတာ
တစ်ကမ္ဘာလုံးကို ထမ်းထားရတာထက်
ပိုလေးတယ်.....

(၂)
ကောင်မလေးရယ်.....
နောက်ကျခဲ့တာက
တစ်စုံတစ်ရာကို ချစ်ဖို့.....
ငါတို့.....
ဘာမှ အဆင်သင့် မဖြစ်ခဲ့ကြတာ တစ်ခုပါပဲ။

(၃)

“ ခေါင်းကလေး ၀င်ပါရစေ ”

(၄)

“ လက်ကလေး ၀င်ပါရစေ ”

(၅)

“ ခြေထောက်ကလေး ၀င်ပါရစေ ”

(၆)
အချစ်ဟာ ကုလားအုတ်တစ်ကောင်ပါပဲ။
ငါ့ရင်ဘတ်ရွက်ထည်ထဲမှာ လာမိုးခို
ငါကတော့.....
စွန့်လွှတ်ဖို့ အတွက် သက်သက်ပဲ ကြိုခဲ့တယ်။
“ ၀င်ခဲ့လေကွယ်.....”

(၇)
ပြီးတော့.....
အဲဒီ ကုလားအုတ်ရဲ့ ခြေဖမိုးကို နမ်းရှုပ်....
ရက်ထည်တဲရဲ့ အပြင်ဘက်ကို
( ငါ့ဘာသာငါ ) သုံးရာသီလုံးလုံး နောက်ဆုတ်ပြီး ထွက်ခဲ့တယ်။
ကြည့်စမ်း.......
ငါဟာ ပိုးစိုးပက်စက် မြင့်မြတ်နေလိုက်ပုံများ

(၈)
ကောင်မလေးရေ....
တို့တွေ နားလည်လိုက်ရအောင်
မင်းနဲ့ငါ တကယ်နားလည်သွားသလိုပုံမျိုးနဲ့
နားလည် ပစ်လိုက်ကြရအောင်လေ.....................။


မင်းခိုက်စိုးစန်