Tuesday, June 24, 2008

စိတ်ဓတ်ကျခြင်း - ၂

“ When you are feeling depressed , your thoughts are dominated by a pervasive negativity ”

“ စိတ်ဓတ်ကျနေတဲ့ အခါ ကိုယ့်အတွေးတွေက အရာရာတိုင်းကို အဆိုးမြင်တဲ့ အတွေးတွေ ဖြစ်နေတယ် ၊ အရာရာတိုင်းကို အဆိုးမြင်တဲ့ ရှုထောင့်က ကိုယ့်အတွေးတွေကို လွှမ်းမိုးနေပါတယ် ”


စိတ်ဓတ်ကျဆင်း နေသူသည် ကိုယ့်ကိုယ်ကို အဆိုးမြင်ရုံတင် မကဘူး ၊ တလောက လုံးကို မျက်မှန်နက်တပ်ပြီး ကြည့်လိုက်ရသလိုပဲ မဲမဲမှောင်မှောင်နဲ့ စိတ်ပျက်စရာ ကောင်းတဲ့အနေနဲ့ မြင်တက်ပါသည်။ ဒီထက် ပိုဆိုးသည်က ဘာလဲဆိုတော့ - ကိုယ်က ဆိုးသည်ဟု ယူဆထားသည့် အခြေအနေဟာ တကယ်ပဲ ကိုယ်ထင်သလောက် ဆိုးတယ်လို့ ယုံသွားတာပါပဲ။ ထို့ကြောင့် -

“ အခြေအနေတွေဟာ တကယ်တော့ ငါထင်သလောက် မဆိုးဘူး ၊ ငါက တကယ်ဆိုးတာထက် ပိုပြီး ဆိုးတယ်လို့ မြင်တက်တဲ့ အကျင့်ရှိတယ် ။ ပြီးတော့လည်း တက်နိင်သလောက် ကြိုးစားရင် ကောင်းလာမှာပါ ”

လို့ လက်ခံနိင်တဲ့ စိတ်ကို မွေးသင့်ပါသည်။ စိတ်ဓတ်ကျနေတဲ့အခါ တစ်ယောက်ထဲ ကြိတ်ပြီးတော့ မနေသင့်ပါဘူး။ တစ်ယောက်တည်း ကြိတ်ပြီး တွေးလေလေ ပိုဆိုးလေလေပါပဲ။ ကိုယ်နဲ့ ပတ်သက်တဲ့ အရင်းနှီးဆုံး မိဘ ၊ မောင်နှမ ၊ ဆွေးမျိုး ၊ မိတ်ဆွေ ဆီမှာ ကိုယ့်ခံစားချက်ကို ပြောပြ တိုင်ပင်သင့်ပါတယ်။

နောက်ဆုံးအနေဖြင့် -

-ငါ့ကိုယ်ငါ လေးစားမှု ရှိနေသေးသ၍ သူများ ဘယ်လိုထင်တယ် ဆိုတာကို ကြောင့်ကျစိတ်ပူနေဖို့ မလိုအပ်ပါဘူး

-တကယ်ကြီးကျယ်တဲ့ ၊ ထိရောက်တဲ့ ၊ ကိုယ့်အတွက် စိတ်ကျေနပ်မှု အများဆုံးရတဲ့ အလုပ် ၊ ကိုယ့်အရည်အချင်းတွေလည်း အများဆုံး ထုတ်ပြီး သုံးရတဲ့ အလုပ်ကို လုပ်မယ့်သူဟာ အသေးအမွှား အဆိုးတွေကို တွေးဖို့ မသင့်ပါဘူး

-ကိုယ့်ဟာကိုယ် စိတ်ချမ်းသာအောင် မနေနိင်တဲ့သူဟာ သူများကို စိတ်ချမ်းသာအောင် အထောက်အကူ မပေးနိင်ဘူး

-ငွေကလွဲလို့ တခြားဘာမှ မရတဲ့အလုပ်ကို လုပ်တာဟာ ဘ၀ကို ရောင်းစားနေတာနဲ့ တူတယ် ၊ ကိုယ့်အလုပ်ဟာ ကိုယ့်ရဲ့ အကောင်းဆုံး စိတ်ထားနဲ့ အရည်အချင်းကို ဖော်ပြနိင်ရမယ် ။

မှတ်ချက် - ဆရာတော် ဦးဇောတိက၏ ( စိတ်နှလုံး ရွှင်လန်းစေဖို့ စာအုပ်ပါ အချက်များ ) နှင့် ကျွန်တော်၏ အတွေးတစ်ချို့


0 comments: