ဆိုးသွမ်း

ရှေ့တန်းရောက်ပြီ.....

ဒီလိုနဲ့ မြို့ကို ၀င်လာတော့ ပထမဆုံးတွေ့ လိုက်ရတာက ရဲကင်းတစ်ခုပါ။ ရဲကင်းမှာ ရဲတပ်သား ( ၂ ) ယောက် ကင်းစောင့်နေတာကို တွေ့ရပါတယ်။ အထဲမှာတော့ ( ၄ ) ယောက် ရှိပါသေးတယ်။ ဒါနဲ့ ရဲကင်းရှေ့ကို ဖြက်တော့ တားပြီး ဟိုကြည့် ဒီကြည့် စစ်ဆေးရေး လုပ်ပါသေးတယ်။ ကားပေါ်မှာ ကျွန်တော်တို့ကို တွေ့တော့ “ နေကောင်းလား ၊ တာဝန်ကျတာလား ” နူတ်ဆက်ပြီး ပြန်ဆင်းသွားပါတယ်။ ဒါနဲ့ မြို့ထဲကို ဆက်မောင်းလာတော့ စစ ၀င်လိုက်တယ် ဆိုရင်ဘဲ လမ်းမကြီးကတော့ ဖြူးနေတာပါပဲ။ ကွန်ကရစ်လမ်းမကြီးပါ။ ဘုရား ၊ ကျောင်း ၊ ရဲစခန်း ၊ ဆေးရုံ ၊ မြန်မာရုပ်မြင်သံကြား ထပ်ဆင့် အသံလွှင့်စက်ရုံ ၊ တည်းခိုခန်း သူ့နေရာနဲ့သူ စုံလင်စွာ တည်ရှိပါတယ်။ မြို့အ၀င်မှာ ၅ ရက်တစ်ခါ ဈေး ရှိပါတယ်။ ဒါနဲ့ ကျွန်တော်တို့ စီးလာတာ လိုင်းကားဆိုတော့ ဟိုနေရာ ရပ် ၊ ဒီနေရာ ရပ်နဲ့ ကုန်တင် ကုန်ချ ပြုလုပ်လျက်ရှိပါတယ်။ နောက်ဆုံး ဘယ်သူမှ မကျန်တော့မှ ကျွန်တော်တို့ တပ်စခန်းရှိရာ မြို့အစွန်ကို မောင်းခဲ့ပါတယ်။ ဟိုရောက်တော့ စခန်းဂိတ်ထဲကို ၀င် ၊ အထုတ်တွေ အပိုးတွေချ ၊ ကားပြန်ထွက်သွားတော့ ဆရာကြီးတွေကို တန်းစီ ၊ ကျန်တဲ့ ကျွန်တော်တို့ နှစ်ယောက်လည်း တန်းစီ ၊ ကျွန်တော့်ထက် BC နံပတ်စောတဲ့ သူငယ်ချင်းက အဘကို ရောက်ရှိပြီ ဖြစ်ကြောင်း သတင်း သွားပို့ပါတယ်။ ခဏကြာတော့ အဘထွက်လာတော့ သတင်းပို့ပြီး တန်းအပ်ပါတယ်။

အဲဒီမှာတင် အဘက ၊ ကျွန်တော်တို့က ရှေ့တန်း ဒီနယ်မြေကို အခုမှ ရောက်ဖူးတာ ဖြစ်တာကြောင့် ရှောင်သင့်သည့် အကြောင်း အရာများ ၊ လိုက်နာသင့်သည့် အချက်အလက်များ ၊ ရန်သူ့အခြေအနေ ၊ လက်ရှိ တပ်စွဲထားသည့် မြေနေရာ အနေအထား ၊ စသည်တို့ကို ရှင်းပြပါတယ်။ အဲဒီမှာ ကျွန်တော် မောင်ဆိုးသွမ်း ရောဂါက စပါပြီ။ အဘက စကားပြောတဲ့ အချိန်က နေ့လည်း ၁၂ နာရီ တိတိ ၊ နေက ခေါင်းပေါ်မှာ တည့်တည့်ရောက်နေတဲ့ အပြင် သူ့က စကားပြောချိန်က ၁၂ ကနေ ညနေ ၃ နာရီထိ ကြာအောင် မနားတမ်း စကားတွေ ပြောပါတယ်။ ကိုယ်က လမ်းမှာ ၂ ရက်လုံး မအိပ်ခဲ့တာက လူကို ဒုက္ခပေးပါတော့တယ်။ ခေါင်းထဲ မိုက်ခနဲ့ ဖြစ်သွားတာကြောင့် တန်းစီနားထောင် နေရာကနေ အလေးပြုပြီး ရေချိုးခန်း ရှိရာကို အပြေးသွားလိုက်ရတယ်။ ဟိုရောက်တော့ အခန်းက တော်တော် သန့်ပါတယ်။ ထင်တောင် မထင်မိပါဘူး။ ဒီလိုနေရာ မျိုးမှာ ဒီလို မျိုးတွေ ရှိလိမ့်မယ်လို့ ။ အခန်းထဲမှာ ကြွေပြားအဖြူထည်တွေနဲ့ မျက်နှာသုတ်ပ၀ါ အဖြူ ၊ သွားပွတ်တံ အသစ် ( မဖောက်ရသေးသော ) ၊ ဆပ်ပြာမွှေး ၊ စုံနေအောင်ကို ရှိတာပါ။ အခန်းက တော်တော်လေးလည်း အေးတာကြောင့် အဲဒီမှာ အန်ချပြီး ကိုယ်လက် သန့်စင်လိုက်ပါတယ်။ ၅ မိနစ်လောက် နားပြီး စကားပြောရာကို ပြန်လာပြီး နားထောင်ပါတယ်။ ၁ နာရီလောက် ကြာလာတော့ နောက်ထပ် မိုက်ခနဲ့ ဖြစ်သွားပြန်ရော။ ဒါနဲ့ စောနက နေရာကို ပြန်သွား ။ ပြန်နားနဲ့ ။ ၂ ခါလောက်လဲ ဖြစ်လိုက်ရော အဘ ( ဒုတပ်ရင်းမှုး ) လည်း အခြေအနေမှန်ကို နားလည်သွားတယ်နဲ့ တူပါတယ်။ တန်းစီတာကို ဖြုတ်ပေးလိုက်ပါတယ်။

ဆရာကြီးတွေကို ဘယ်သူက ကိုယ့်တပ်ခွဲရှိရာ ဘယ်နားကို သွား ၊ ဘယ်သူ့ကိုတော့ ဘယ်စခန်းကို ပြောင်းရမယ် အစရှိသည်ဖြင့် ပြောပြပြီး ကျွန်တော်တို့ ( ၃ ) ယောက်ကိုတော့ ဒီနေ့ တစ်ည ဒီမှာနားပြီး မနက်ဖြန်မှ မင်းတို့ ဘာတွေ လုပ်ရမယ် ဆိုတာကို ညွှန်ကြားမယ် ဆိုတာကြောင့် သူ့အိပ်ခန်းနဲ့ ကပ်လျက်တခန်းကျော်မှာ နေရာ ချပေးပါတယ်။ ရှေ့တန်းဆိုလို့ ကျွန်တော်တို့က တောထဲ တောင်ထဲ သွားရတာ မဟုတ်ပါဘူး။ မြို့အစွန်မှာ တပ်စခန်း ချပြီး နယ်မြေလုံခြုံးရေး ယူရတာပါ။ ဒါပေမယ့် ဒါက စစ်ကြောင်း ( ၁ ) တည်ရှိတာ ကြောင့်ပါ။ ကျန်တဲ့ တပ်စခန်းခွဲတွေကတော့ တောတောင်နဲ့ နီးစပ်တဲ့ နေရာတွေမှာပါ။ အဓိက တာဝန်ယူရတာ ကတော့ နယ်မြေလုံခြုံရေးပါ။ ဘာလို့လည်း ဆိုတော့ တိုင်းရင်းသား လက်နက်ကိုင်တွေနဲ့ အပစ်အခက် ရပ်စဲရေး သဘောတူညီထားတာ ကြောင့်ပါ။ ဒါပေမယ့် သူတို့လည်း တပ်စခန်းတွေ ဖွင့်ထားပါတယ်။ လက်နက်နဲ့ တရားဝင် သွားလာခွင့် ပြုထားရပါတယ်။ ဒီတော့ ကျွန်တော်တို့လည်း ဘယ်နေရာ သွားသွား အနည်းဆုံး ၂ ယောက်အပြင် ၊ လက်နက်လည်း တပါတည်း ယူဆောင်သွားရပါတယ်။ အဲဒီမှာ ရှိတဲ့ တိုင်းရင်းသား အဖွဲ့အစည်းတွေက SSNA / SSA / KDA အဖွဲ့တွေ ဖြစ်ပါတယ်။ ဒါနဲ့ နေရတာက ဘာကြောင့် အခန်းတွေနဲ့ ဖြစ်နေလဲ ဆိုတော့ ကျွန်တော်တို့ အခုနေရတဲ့ စစ်ကြောင်း ( ၁ ) တည်ရှိနေရာက မြို့ဖြစ်တဲ့ အပြင် ၊ အရင် ဒီနေရာမှာ တုန်းက ဆက်သွယ်ရေးရုံး တည်ရှိတာကြောင့်ပါ။ အခုပြောင်းရွှေ့ဖွင့်လှစ် လိုက်ကြောင့် ဖြစ်ပါတယ်။ တိုက်ခန်းတွေတော့ မဟုတ်ပါဘူး ။ အဆောင်က အပေါ်က အမိုးရှည်တစ်ခုမှာ အခန်းငယ် အဖြစ် ( ၅ ) ခု ကန့်ထားပါတယ်။ ဆောက်ထားတာကတော့ အုတ်တွေနဲ့ပါ။ တရုတ်အုတ် အကြီးစားတွေပါ။ အခန်းထဲမှာတော့ ဘာမှ မရှိပါဘူး။ ၀ါးကပ်ကို ကုတင်လုပ် အိပ်ရတာပါ။ တပ်စခန်းနဲ့ ကပ်လျက်ကတော့ ရှမ်းရွာငယ်လေးပါ။ ကြားမှာ ခြံစည်းရိုးပဲ ခြားပါတယ်။ ကျွန်တော်တို့ ခလရ ( ၄၅ ) စစ်ကြောင်းနဲ့အတူ အမှတ် ( ၁ ) လှုပ်ရှားစစ်ဗျူဟာ လဲတည်ရှိပါတယ်။ နောက်ပိုင်း ကျွန်တော် ခေါင်းမူးပြီး အန်ခဲ့တာက ဗျူဟာမှုး ရေချိုးခန်းမှန်း သိလာရပါတယ်။ ကံကောင်းလို့....ရင်ဆိုင်တွေ့ရင်တော့ မလွယ်လောက်ဘူး။ ၁၀ တန်းတုန်းက ဆရာမပြောသလို “ နင်တို့တွေ စာမေးပွဲ မလာသေးတော့ စာမကျက်ကြနဲ့ ၊ တော်ကြာ ရင်ဆိုင် အတွေ့မှာ...ဖင်ထိုင်မေ့မယ်တဲ့ ” ဆရာမပြောတာ မှားသွားပြီ။ အဟဲ။ ကျွန်တော် ဗျူဟာမှုးနဲ့ ရင်ဆိုင်မတွေ့ခဲ့လို့ တော်သေးတယ် ဆရာမရေ။

တပ်စခန်းနဲ့ ကပ်လျက် ရွာကတော့ ရွာငယ်လေးပါ ။ အိမ်ခြေ ( ၁၅ ) လုံးလောက်တောင် မရှိပါဘူး။ ရွာထဲမှာလည်း လူငယ်တွေကို သိပ်မတွေ့ရပါဘူး။ ဘာကြောင့်လဲဆိုတော့ နောက်ပိုင်း ပြောပြပါ့မယ်။ ကျွန်တော်တို့ အဲဒီကို ရောက်တော့ မှတ်မှတ်ရရ တရုတ်နှစ်သစ်ကူး ကာလနဲ့ သွားတိုက်ပါတယ်။ ၁ လပိုင်းပေ့ါဗျာ။ ၂၀၀၄ ခုနှစ်ရဲ့ ( ၁ ) လပိုင်း ထဲမှာပါ။ နေရာတွေ ချပေးပြီးတော့ အဘရဲ့ ကိုယ်ရံတော် ရဲဘော်လေးက လာမေးပါတယ်။ နာမည်ကတော့ ရဲဘော် သန်းဝင်းပါ။ နောက်ပိုင်း ကျွန်တော်နဲ့ တတွဲတွဲပေ့ါ။ တွဲဖြစ်တာပေ့ါ တပ်ရင်းမှုးရဲ့ အရာရှိ ဘော်ဒီဂတ် ( I.O ) နဲ့ ရဲဘော်ဆိုတော့ ခိုင်းသမျှ အတူတူ လုပ်ရတာကြောင့်ပါ။ အိုင်အို ဆိုတာက ( Intelligent Office ) လို့ခေါ်ပါတယ်။ သူက ဗိုလ်ကြီး “ နေကောင်းရဲ့လားတဲ့ အဘက ၊ နေမကောင်းရင် သောက်ဖို့ ဆေးပေးလိုက်တယ်လို့ပြောတော့ ” ကိုယ်လဲ ယူထားပြီး ဆေးသောက်ကာ လှဲအိပ်နေလိုက်တယ်။ သေချာပါတယ် ကျွန်တော်ဖျားနေခဲ့တာပါ။ အမေကတော့ ဂုဏ်ယူလိုက်တာ “ စစ်သားကြီး လုံးလုံး...ဗိုလ်မှုးကြီး ရှုံးလောက်ပါရဲ့ ” သူ့သားကို ချီမွမ်းနေလိုက်တာ ကျွန်တော်ကတော့ ရှေ့တန်းရောက်တာနဲ့ ဖျားနေတော့တာပဲ။ ကျန်းမာသန်းစွမ်းတာ ကတော့ ပြောစရာကို မလိုတာ။ ဒီလိုနဲ့ တစ်နေ့ ကုန်ဆုံးပြီး မနက်ဖြန်ရောက်လာတော့ အထက်ဌာနက ကြေးနန်းဝင်လာပါတယ်။ ဘယ်ပွိုင့် ၊ ဘယ်နေရာ ၊ ဘယ်တောင်ကုန်းကို တပ်ရင်းမှုး ဦးစီးပြီး ရှင်းလင်းရေး ၀င်ပါ။ စီမံချက် နဲ့ ဖြစ်စဉ်ကို အသေးစိတ် ပြန်တင်ပါတဲ့။ ဒီတော့ ချက်ချင်း လူစုပါတယ်။ ကျွန်တော့်ကိုတော့ ဖျားနေလို့ စခန်းမှာပဲ ဦးစီးပြီး နေခဲ့ရန် မှာကြားပါတယ်။ သူငယ်ချင်း ( ၂ ) ယောက်ကိုတော့ ယူဆောင်ရမဲ့ ပစ္စည်းတွေမှာ လူစုနဲ့ ရှုပ်ယှက်ခက်သွားပါတယ်။ ကျွန်တော်တို့ တပ်မတော်မှာ အစဉ်အလာ တစ်ခုရှိတာက တကယ်လို့ တပ်စခန်းချတဲ့ နေရာမှာ ပွဲတော် ရှိလာတယ် ဆိုတာနဲ့ စခန်းမှာ မထားတော့ပဲ ရှင်းလင်းရေး စီမံချက်လုပ်ကာ စေလွှတ်တက်ပါတယ်။ ဘာမှ မဖြစ်ပေမယ့် တာဝန်က တာဝန်ဆိုတော့ တပ်ရင်းမှုးလဲ အမိန့်နာခံရပါတယ်။ အဲဒီအချိန်တုန်းက တရုတ်နှစ်ကူး ကာလကြီးမို့ပါ။ ရှင်းလင်းရေးအတွက် ကြာမဲ့ရက်ကတော့ ( ၁ ) ပတ်တိတိ ဖြစ်ပါတယ်။

ဒါကြောင့် ကျွန်တော့်ကို ကျန်ခဲ့သည့် စစ်သည်များအား သေသေချာချာ ၊ ပြဿနာ မတက်စေဘဲ ကြီးကြပ် အုပ်ချုပ်ရန် ၊ ကိုယ်တိုင်လည်း ဘယ်မှ လျှောက်မသွားဘဲ စည်းကမ်းလိုက်နာရန် လိုအပ်ဖို့ ၊ အရေးအကြောင်း တစ်စုံတစ်ရာ ရှိပါက စခန်းနဲ့ ကပ်လျက် ဗျူဟာ ဌာနကို သတင်းပို့ရန် မှာကြားခဲ့ပြီး ထွက်ခွာသွားပါတယ်။ ဒါနဲ့ ကျွန်တော်လည်း စခန်းပတ်ပတ်လည် ကို လိုက်ကြည့် ၊ တစ်စိတ်တွေ တပ်စွဲရာ စခန်းတွေ လိုက်ကြည့်ပြီး အဘမှာသွားတဲ့ အတိုင်း တပ်စိတ်ခေါင်းဆောင် ဆရာကြီးတွေကို တဆင့် ပြန်လည် မှာကြားပါတယ်။ အမိန့်ဆိုတာ ဒီလိုပဲ လက်ဆင့်ကမ်းရပါတယ်။ ဒါမှ အောက်ခြေအထိ သိရှိနားလည်ပြီး လိုက်နာ ဆောင်ရွက်နိင်တာ ကြောင့်ပါ။ ညနေဘက်ရောက်လာတော့ တပ်ခွဲတပ်ကြပ်ကြီး CQ ကိုခေါ်ပြီး စကားပြောစရာ ရှိသောကြောင့် ကင်းသမား နှင့် စက်သမား မှ အပ ကျန်သူများ လာရောက် တန်းစီပြီး သတင်းပို့ရန် မှာကြားခဲ့ပါတယ်။ CQ ( စီကျူ ) ဆိုတာက တပ်ရင်းမှုးအပါအ၀င် ဒီစစ်ကြောင်းမှာ ရှိသော စစ်သည်နှင့်အရာရှိ များ၏ စားဝတ်နေရေးကို စီမံရသော သူပါ။ တန်းစီပြီးပြီ ဖြစ်ကြောင်း လူစုံကြောင်း တန်းလာအပ်ပါတယ်။ ဗဟုသုတ ရရန် အလို့ဌာ ဖော်ပြပေးလိုက်ပါ့မယ်။ တန်းစီပုံ နည်းကတော့ လူတိုင်း မကြည့်ဘူးရင်တောင် မြင်ဘူးကြမှာပါ။ ဗီဒီယိုကားတွေမှာပါ။

ဆရာကြီး ။ ရှေ့ကြည့် ။ သတိ ။
( အနောက်လှည့်ပြီး အလေးပြုပါတယ် ။ ပြီးတော့... )
ဆရာကြီး ။ အမှတ် ခလရ (၄၅) စစ်ကြောင်း ( ၁ ) ၊ ရှိရင်း ( - ) ၊ တန်းစီ ( - ) ၊ ပျက်ကွက် ( - )
(ပျက်ကွက်မှာ တာဝန် ) အလေးပြန်ပြု )
ကျွန်တော် ။ ( အလေးပြန်ပြုပြီး ) အေးစေ။

ကျွန်တော် ။ ကျွန်တော် နာမည်ကတော့ .....ပါ။ ဘာလို့ အခုလို့ ဆရာကြီးတို့ကို တန်းစီခိုင်းရတာလဲ ဆိုတော့ ကျွန်တော်တို့က အသစ်ရောက်လာတာရယ်ကြောင့် မိတ်ဆက် ချင်တာနဲ့ ၊ နောက်ပြီး တပ်ရင်းမှုးကလည်း တာဝန်နဲ့ ထွက်သွားတာကြောင့် မှာသွားတာတွေ ပြန်လည် မှာကြားချင်တာကြောင့်ပါ။ ကျွန်တော်ကတော့ စစ်တက္ကသိုလ် အပတ်စဉ် ( - ) က ကျောင်ဆင်းလာတာပါ။ ကျွန်တော်က ဒီက ဆရာကြီးတို့ထက် အသက်အရွယ် များစွာ ငယ်ရွယ်ပေမယ့် ဆရာကြီးတို့ရဲ့ တိုက်ပွဲအတွေ့အကြုံ ၊ ဇွဲသတ္တိရှိမှု ၊ တိုင်းပြည်အပေါ် သစ္စာစောင့်သိမှု့ တွေကို လေးစားသလို့ ၊ ဆရာကြီးတို့ကလည်း ကျွန်တော့်ရဲ့ တာဝန်ယူရမှု အပေါ် တဖန် ပြန်လည် လေးစားစေချင်ပါတယ်။ အခုကာလမှာ တရုတ်နှစ်သစ်ကူး ကာလဖြစ်တာကြောင့် မြို့ထဲမှာ ပွဲလမ်းသဘင် အခမ်းအနားတွေ ရှိမယ် ၊ နောက်ပြီး လူငယ်ပီပီ သောက်စားပျော်ပါးရင်း အမှုးလွန်နေကြတဲ့ လူတွေလဲ ရှိပါလိမ့်မယ်။ ဒါကြောင့် အဘက မည့်သူ့ကိုမှ တပ်စခန်းက ပေးမထွက်ခိုင်းပါဘူး။ ကုန်ကုန်ပြောရရင် ကျွန်တော့်ကိုလည်း မထွက်ခိုင်းပါဘူး။ ဒီစခန်းထဲမှာပဲ သူပြန်မလာချင်း နေဖို့မှာခဲ့ပါတယ်။ တကယ်လို့ အပြင်မှာ အဲဒီလို ကိစ္စတွေ ဖြစ်နေတယ် ဆိုတာ မြင်နေရင်တောင် ၀င်မစွတ်ပါနဲ့။ ရဲစခန်း ရှိပါတယ်။ သူတို့ တာဝန် ယူပါလိမ့်မယ်။ နောက်ပြီး ဒီက ဆရာကြီးတွေရဲ့ ကျန်းမာရေး ၊ လူမှုရေး ၊ စားဝတ်နေရေး ကိစ္စအ၀၀ အခက်အခဲ အားလုံး ရှိလာခဲ့သည် ရှိသော် ကျွန်တော့်ကို လာရောက် ပြောကြားနိင်ပါတယ်။ အတက်နိင်ဆုံး ကူညီပေးနိင်ဖို့လည်း ကျွန်တော် ကြိုးစားပါ့မယ်။ ကျွန်တော် တပ်ရင်းမှုးနဲ့ တခန်းကျော်မှာ နေပါတယ်။ ကျွန်တော် ပြောချင်တာက ဒီလောက်ပါပဲ။ အားလုံးလည်း ကျွန်တော်နဲ့ အတူ အဘ အမိန့်ကို နာခံကြမယ်လို့ ယုံကြည်ပါတယ်။ ဘာသတင်းပို့ စရာ ရှိလဲ ။

စစ်သည်များ ။ မရှိပါဘူး။
ကျွန်တော် ။ ရှေ့ကြည့် ။ တပ်ရင်း....သတိ ။ တပ်ခွဲတပ်ကြပ်ပြီး.....ဆက်လုပ်။
ဆရာကြီး ။ ဆက်လုပ်ခွင့်......ပြုပါ။
ကျွန်တော် ။ ဆက်လုပ်။ ဆရာကြီးလည်း မှာစရာ ရှိတာ မှာပြီး တန်းဖြုတ်ပေးလိုက်ပါဟု ပြောပြီး

အလေးပြုကာ ကျွန်တော်လည်း ထွက်လာခဲ့ပါတယ်။ ယေဘုယျအားဖြင့်တော့ ဆရာကြီးတွေ ကို ခန့်မှန်းကြည့်တဲ့ အခါမှာ အသက်အရွယ်တွေကတော့ အမျိုးမျိုးပေ့ါ။ ( ၂၀-၄၅ ) အတွင်းလောက် ရှိကြပါတယ်။ တချို့က ပိန်ပိန် ပါးပါး ၊ တစ်ချို့က နည်းနည်း တောင့်တောင့် နဲ့ မျိုးစုံပေ့ါ။ ယူနီဖောင်းတွေကတော့ နွမ်းတော့ နွမ်းနေကြပါပြီ။ စစ်သည် ဆိုတာကလည်း ဘယ်ချမ်းသာနိင်ပ့ါမလဲ။ ဒီနေရာမှာ တစ်ချို့ အခြေအနေလေးတွေကို တင်ပြချင်ပေမယ့် အနည်းငယ် ဆွေးနွေးဖွယ်ရာ တွေ ရှိလာနိင်တာကြောင့် မရေးတော့ပါဘူး။ ဒီလိုနဲ့ ( ၁ ရက် ၊ ၂ ရက် ၊ ၃ ရက် လောက်ကြာ ) နေလာလိုက်တာ တစ်နေ့မှာ တပ်ကြပ်ကြီး တစ်ယောက်က နေမကောင်း ဖြစ်လာတာကြောင့် မြို့ထဲကို ဆေးထွက်ဝယ်ဖို့ အကြောင်းက ပေါ်လာပါတယ်။ ဒါနဲ့ ကျွန်တော်လည်း ဆရာကြီး တစ်ယောက်ကို ခေါ်ပြီး မြို့ထဲကို ထွက်လာခဲ့ပါတယ်။ အချိန်ကတော့ ညဘက်ကြီးပါ ။ မှတ်မှတ်ရရ ညနေ ( ၅ ) နာရီလောက် ရှိပါတယ်။ မြိုထဲက ထွက်လာတော့ စခန်းအပြင်ဘက်မှာ ညောင်ပင် အကြီးကြီး ရှိပါတယ်။ အဲဒီမှာ မီးဖိုပြီး လူတွေ စုထိုင်နေကြတယ်။ ဒီလိုနဲ့ ကျောင်း ၊ ရဲစခန်း ၊ ဘုရား ၊ တို့ကို ကျော်လာတော့ အလာတုန်းက မှတ်မှတ်ရရ မကြည့်ခဲ့တာ အခုမှ သေသေချာချာ ကြည့်မိတော့ အိမ်တွေ အကုန်လုံးက ချိတ်ပိတ်ထားတာ...နည်းတာ မဟုတ်ပါဘူး။ အိမ်တွေ ဆိုပေမယ့် အဆောင်တွေလို့ အပေါ်အောက် အထပ်တွေ ဖြစ်ပြီး ချိတ်အကုန် ပိတ်ထားတာပါ။ ဒါနဲ့ နောက်မှာ စုံစမ်းကြည့်ဦးမယ်ဆိုပြီး ဆေးခန်း လိုက်ရှာပါတယ်။ ကံကောင်းတော့ ဆေးခန်းရှာတွေပေမယ့် ဆရာဝန် မရှိပါဘူး။ ဆေးရောင်းတဲ့ နပ်စ့်မ တစ်ယောက်ပဲ တွေ့တယ်။ သူကလဲ ရှမ်းမ ဆိုတော့ မြန်မာလိုလဲ မတက်ပါဘူး။ ဒါနဲ့ မတောက်တခေါက် အင်္ဂလိပ်လို ပြောတော့ ပိုဆိုး ။ ဆေးခန်းလာတာတော့ သိတယ်။ တစ်ခုခု ဖြစ်မှန်း ။ ဒါနဲ့ တရုတ်လိုလည်း ကျွန်တော်က မတက်တာကြောင့် နိင်ငံတကာသုံး ဘာသာ စကားအဖြစ် ( Body Language ) ကို သုံရတော့တာပေ့ါ။ နဖူးကို စမ်းပြ ၊ မျက်နှာကို ရှုံပြ ၊ ကိုယ့်ကို အားမရှိအောင် နှုန်းနေတဲ့ ဟန်လုပ်ပြနဲ့ ။ နောက်ဆုံး တော့ နားလည်သွားပါတယ်။ ကံဆိုးချင်တော့ ကျွန်တော် ကလည်း ပါတာစီတမော့ကို နာမည် မေ့နေတာ ကြောင့်ပါ။ ဖြစ်ရလေ.... မောင်မင်းကြီးသားရေ။

ဆေးဝယ်ပြီးတော့ ကျွန်တော်တို့လည်း ပြန်လာခဲ့ပါတယ်။ ဒါနဲ့ ဟိုရောက်တော့ ဆရာကြီးကို နိး ၊ ဆေးတိုက်မယ် လုပ်တော့ ငယ်ငယ်က အဖေ ပြောပြထားတာ ၊ ကိုယ့်ကို့ပြောထားတာကို ကြားယောင်မိတယ် ။ အစာမရှိဘဲ ဆေးမသောက်ရဘူး ဆိုတာကြောင့် ။ ဆရာကြီးကို ဘာစားထားလဲ ဆိုတော့ ဘာမှ မစားရသေးဘူးတဲ့။ ဆန်ပြုတ်လေးတော့ လုပ်တိုက်ဖို့ ထမင်းချက်ဆရာကြီးကို မှာထားတယ်တဲ့ ။ အင်း...ဒါနဲ့ ဆရာကြီးကို ကြည့်လိုက်တော့ ပိုက်ဆံလည်း ရှိမဲ့ ပုံ မပေါ်တာနဲ့ ကိုယ်လက်ကျန်ထဲက ပိုက်ဆံနဲ့ မုန့်ဝယ်ဖို့ စဉ်စားရပြန်ပါတယ်။ မြို့ထဲကို သွားဖို့ကလည်း မှောင်နေပြီဆိုတော့ ရွာထဲမှာ မုန့်ဆိုင်လေးများ ရှိမလားလို့ ဆိုပြီး ရွာဘက်ကို ထွက်ခဲ့ပါတယ်။ ဟိုရောက်တော့ ကံကောင်းထောက်မစွာ မုန့်ဆိုင်လေးတစ်ခုတော့ တွေ့ပါတယ်။ ဒါပေမယ့် ပိတ်သွားပါပြီး။ နောက်ပြီး အဲဒီ ဒေသကလည်း တော်တော် အေးတာကြောင့် ညဘက်ဆို ရှမ်းတွေက မီးလှုံပြီး စကားပြောလေ့ အကျင့်ရှိတာကြောင့် အဲဒီဆိုင် ပိုင်ရှင် အမကြီး (၂) ယောက် ၊ တခြား ရှမ်းကောင်လေး ( ၃ ) ယောက် ၊ ရှမ်းမလေး ( ၂ ) ယောက် နဲ့ ကျွန်တော်တို့ စစ်ဗျုဟာက ရဲဘော်လေးတွေ စကားပြောနေတာနဲ့ သွားတွေ့ပါတယ်။ အမယ် ဒီကောင်လေးတွေက ခြေကုတ်ယူနေတာ။ ရှမ်းမလေးတွေကို လာလာပိုးကြတာပေ့ါ။ လူပျိုတွေ ဆိုတော့လည်း ဒီလိုပါပဲ။ ဒါနဲ့ သူတို့ထဲက တစ်ယောက်က ကျွန်တော့်ကို မြင်သွားတော့ ကျွန်တော်လည်း ကော်ဖီမစ်ထုပ်နဲ့ ကိတ်မုန့်လို မျိုးလိုချင်ကြောင်း ၊ ဒါကြောင့် ၀ယ်ပေးပါဆိုပြီး ပြောလိုက်ပါတယ်။ ဒီတော့ ရဲဘော်လေးက ရှမ်းမ ( ပီနန်း ) ကိုခေါ်ပြီး လိုချင်တာ မှာလိုက်ပါတယ်။ သူ့က ခဏဆိုပြီး ဆိုင်ထဲ ၀င်တော့ ကျွန်တော့်ကို လာပါ ထိုင်ပါ ဆိုပြီး ၀ိုင်းခေါ်ကြတာကြောင့် ကျွန်တော်လည်း မထိုင်ချင် ထိုင်ချင်နဲ့ ၀င်ထိုင်လိုက်ရတယ်။ ကျွန်တော့်မှာက တာဝန်ကြီးနဲ့ အထူးသဖြင့် တပ်ရင်းမှုး မရှိတဲ့ အချိန် ၊ တာဝန်က ကျွန်တော့်မှာ ရှိတာကြောင့် ကြာကြာမနေချင်တာရယ် ၊ဆေးတိုက်ရမှာရယ် ကြောင့်ပါ ။ သူတို့ထဲက အနည်းငယ်ရဲတင်း သွတ်လက်ဟန်ရှိတဲ့ ရှမ်းမတစ်ယောက်က “ နင်ကလည်း လာစမ်းပါ ၊ ဘာကြောက်နေတာလဲ ၊ လာမီးလှုံ ၊ မခင်ဘူးလား ” ဆိုပြီး ဆောင့်ဆွဲလိုက်တာကြောင့် ကျွန်တော် ငပိန်လည်း ယက်ကန်ယက်ကန်နဲ့ မုန့်အလာကို စောင့်ရင်း ထိုင်ချလိုက်ရတယ်။

စောနက စကားကို ရဲဘော်တစ်ယောက်က ရှမ်းလိုတက်တော့ သွားပြောပါတယ်။ အဲဒါ ငါတို့လို ရဲဘော်မဟုတ်ကြောင်း ၊ ဗိုလ်လုံ ( ဗိုလ်ကြီး - လုံ=ကြီး ) ဖြစ်ကြောင်း ပြောပြလိုက်တော့ သူလည်း နည်းနည်းတော့ လန့်သွားတယ်။ ဘာလန့်တာလဲတော့ မသိဘူး ။ အဲဒီအချိန်တုန်းက ၀တ်စုံနဲ့ လည်း မဟုတ်ဘူး။ အထင်တော့ ရုပ်ကို လန့်သွားတာ ဖြစ်လောက်တယ်။ မှောင်မှောင်မည်းမည်းနဲ့ ပိန်ပိန်လိန်လိန် ဆိုတော့ ဒီငနဲ့ကတော့ မလွယ်လောက်ဘူး ဆိုပြီးတော့ ထင်လို့နေမှာ။ တစ်အောင့်နေတော့ လိုချင်တာတွေ ရပြီဖြစ်သောကြောင့် အားလုံးကို နှုတ်ဆက်ပြီး ပြန်ခဲ့ပါတယ်။ သူတို့ကတော့ အားလျှင် နောက်နေ့ လာခဲ့ဖို့လည်း မှာလိုက်ပါသေးတယ်။ ဒါနဲ့ စခန်းကို ပြန် ။ ဟိုရောက်တော့ ဆရာကြီးကို ဆေးတိုက်ပြီး ကောင်းကောင်း အနားယူဖို့နဲ့ အရေးအကြောင်း ရှိလျှင် အချိန်မရွေး တစ်ယောက်ယောက် လွှတ်ကာ မှာကြားဖို့ ပြောခဲ့ပြီး ကျွန်တော်လည်း အဆောင်ပြန်ခဲ့ပါတယ်။ ညရောက်တော့ စခန်းတွေကို လှည့်ပတ်ကြည့်ပြီး မောမောနဲ့ ဘုရားရှစ်ခိုး အိပ်ရာဝင်ခဲ့ပါတယ်။ ရှေ့တန်းမှာ အားကိုးစရာက ဘုရား ၊ တရား ပဲ မဟုတ်လား။ ဒီတော့ အမွှေးတိုင် ၊ ဖရောင်းတိုင် ၊ ပန်းက အစ ကပ်ပြီး နေ့တိုင်း ပူဇော်ဖြစ်ပါတယ်။ ပြီးတော့ တစ်နေကုန် လုပ်ခဲ့တာတွေ ပြန်စဉ်စားရင်း ၊ စောနက ရွာထဲက တွေ့လိုက်ရတဲ့ ရဲဘော်တွေ နဲ့ ရှမ်းမ တွေအခြေအနေကိုလည်း မဆီမဆိုင် တွေးမိပါသေးတယ်။ ကျွန်တော်တွေးတာက ဒီကောင်တွေ ဒီအချိန်ကြီး စခန်းမပြန်ဘဲ ဘာလုပ်နေလဲလို့ပါ။ စခန်းနဲ့ကလည်း ခြံစည်းရိုးပဲ ကွာတာကြောင့် သိပ်တော့ အကြောင်း မဟုတ်ပါဘူးလေ ဆိုပြီး အိပ်ရာဝင်ခဲ့ပါတော့တယ်။

နောက်တစ်နေ့ မနက် ( ၅း ၄၅ ) ကျတော့ အိပ်ရာကထ ၊ မျက်နှာသစ်ပြီး စခန်းတွေကို တစ်ခါပြန်လိုက်စစ် ၊ မနက် ( ၆း၀၀ ) နာရီထိုးတော့ ထူးခြားဖြစ်စဉ် မရှိကြောင်းကို စက်နဲ့ အထက်ဌာနကို သတင်းလှမ်းပို့ရပါတယ်။ ဒါက မနက် ၆ ၊ နေ့လည် ၁၂ ၊ ည ၆ နာရီ တိုင်းပုံမှန် သတင်းပို့ရတာပါ။ တစ်အောင့်နေတော့ မနက် ( ၇း ၀၀ ) နာရီထိုးတော့ မှာကြောင့် သစ္စာဆိုဖို့ တန်းစီပါတယ်။

“ ငါတို့သည် နိင်ငံတော်နှင့် နိင်ငံသားတို့၏ သစ္စာကို စောင့်သိ ၊ ရိုသေပါမည် ”
“ ငါတို့သည် ကျဆုံးလေပြီးတော့ တပ်မတော်သား တို့၏ သစ္စာကို စောင့်သိ ၊ ရိုသေပါမည် ”
“ င့ါအား အထက်မှ ပေးအပ်သော အမိန့်နှင့် တာဝန်ကို ကျေပွန်စွာ ထမ်းဆောင်ပါမည် ”
“ င့ါနိင်ငံတော် ၊ ငါ့နိင်ငံသား ၊ ငါ့တပ်မတော် အတွက်...ငါ၏ အသက်ကို စွန့်လွှတ်ရန် အဓိဌန် ပြုပါ၏ ”

ဟု ရွတ်ဆိုပြီးနောက် တစ်နေ့တာ လုပ်ဆောင်ရမဲ့ တာဝန်တွေကို ခွဲဝေပေးဖို့ စီစဉ်ရပါတယ်။ သစ္စာလေးချက် ရွတ်ဆိုတဲ့ အခါ အားနဲ့မာန်နဲ့ ရွတ်ဆိုရတာကြောင့် ရွတ်ဆိုပြီးတိုင်းလည်း စိတ်ဓတ်တက်ကြွလာပါတယ်။ ဒါပေမယ့် ရွတ်ဆိုရုံတင်မကဘဲ လက်တွေ့မှာလည်း အမှန်တကယ် လိုက်နာဖို့ လိုသေးတယ် မဟုတ်လား။ ဒီလိုနဲ့ တာဝန်တွေ ခွဲပေးတော့.....

ဆက်ရန်

ဒီလိုနဲ့ ရှေ့တန်း မထွက်မီနေ့ မတိုင်ခင် အမေ့ကို ဖုန်းဆက်တော့ အမေက ငိုနေလေရဲ့ ။ မြန်မာဗီဒီယို တွေထဲမှာ ရှေ့တန်းဆိုတာတွေ သူတွေ့ဖူး ကြားဖူးနေတော့ သူသား ကျွန်တော့်အတွက် စိုးရိမ်ရှာမှာပေ့ါ။ နောက်ပြီး အသက်ကလည်း ငယ်သေးတာကြောင့် တစ်ခုခုများ တကယ်လို့ ဖြစ်များ ဖြစ်သွားရင် သူရင်ကျိုးရပါချည်ရဲ့ ဆိုပြီး ငိုသံဝဲ၀ဲနဲ့ ဘုရားတရားကို အမြဲအာရုံပြုဖို့အကြောင်း ၊ လက်အောက် ငယ်သားတွေကို နိင်ထက်စီးနင်း မလုပ်ဖို့အကြောင်း ၊ ကိုယ့်အထက် အရာရှိ စကားကို သေသေချာချာ နားထောင်စေချင်ကြောင်း တတွတ်တွတ် မှာနေပါတော့တယ်။ အမေပြီးတော့ ၊ အဖေ ၊ အမ ၊ ညီမ အကုန်လုံးကို စုံအောင် ပြောပြီးတဲ့ အခါမှာတော့ စိတ်မပူဖို့ အခွင့်ရတာနဲ့ ချက်ခြင်း ရသလို ဆက်သွယ်ပါ့မယ်လို့ ကတိအထပ်ထပ်ပေးရင်း ဖုန်းကို တိုးတိတ်စွာ ချခဲ့မိပါတယ်။ ဖုန်းခ ကလည်း ပိုက်ဆံမလောက်တော့တာကြောင့် မို့လို့ပါ။ သူတို့ကို ကိုယ်က ဖုန်းဆက်တုန်းကတော့ စိတ်ဓတ်မာမာနဲ့ အသိပေးတယ် ဆိုရုံလေး ပေးလိုက်တာ အခုတော့ သူတို့ဝိုင်းပြော ၊ စိုးရိမ်နေတာနဲ့ပဲ ကိုယ်တောင် ရှေ့တန်းသွားရမှာ လန့်လာပြီ။

ဒါပေမယ့် ဘာတက်နိင်မှာလဲ....ကျရာ တာဝန်ကို ထမ်းဆောင်ဖို့က ကိုယ့်အလုပ်ဖြစ်နေပြီပဲ။ ဒီတော့ ဖုန်းဆက်ပြီး အခန်းကိုပြန် မနက်ဖြန် အတွက် လိုအပ်တာတွေ ထည့်ဖို့ပြင်တော့ ပြဿာနာက စတာပါပဲ။ အိတ်...ပစ္စည်းတွေထည့်ဖို့အိတ်။ ဟာ...ငါမှ ရှေ့တန်းမသွားဘူးတာ ဘာနဲ့ထည့်ရမှာလဲပေ့ါ။ ကျန်တဲ့ ၂ ယောက်ကလည်း ယောင်တောင်တောင် နဲ့ ဘာလုပ်ရမှန်း မသိဘူး။ ဒါကြောင့် ( ၃ ) ယောက်သား တိုင်ပင်ပြီး တပ်ရေးဗိုလ်ကြီး အိမ်ကို ချီတက်သွားကြတယ်။ အစ်ကိုကြီး လုပ်ပါဦး ။ ကျွန်တော်တို့ ရှေ့တန်းသွားဖို့ ဘယ်လိုအိတ်နဲ့ သွားရမှာလဲ ဆိုတော့ သူက တော်တော် အံသြသွားတယ်။ “ ဟေ...မင်းတို့ ဗိုလ်လောင်းတုန်းက မသင်ခဲ့ရဘူးလား ၊ ကျောပိုးအိတ် အစိမ်းရောင်လေကွာတဲ့ ” အော်....အဲဒီတော့မှ မျက်လုံးထဲ ပြေးမြင်လိုက်တာ။ ဟုတ်ပနော်....ကိုယ် သုံးနှစ်တာလုံး ရင်းနှီးခဲ့တဲ့ ၊ Outdoor ထွက်တိုင်းလည်း ဒီအိတ်နဲ့ပဲ သွားနေကြကို အခုမှ မေ့နေရတယ်လို့ ။ ဒါနဲ့ လိုတာတွေ မေးပြီးတော့ ပြန်လာခဲ့ကြပါတယ်။ ခက်တာက သူ့ရှေ့မှာမို့ မပြောရဲတာ ။ အဲဒီလို အိတ်ကလည်း မရှိဘူးဗျ။ ကျွန်တော်က ဗိုလ်လောင်းတုန်းကပဲ သုံးမယ်ထင်တာ။ အခုတော့ လက်တွေ့ဘ၀မှာလည်း ဒါပဲ သုံးတာဆိုတော့ ဒါလေးတောင် မသိရကောင်းလား ဆိုပြီး ကိုယ့်ကို ကိုယ် နည်းနည်းတော့ ဒေါသဖြစ်သွားတယ်။ နောက်ပြီး မြန်မာရုပ်မြင်သံကြား နဲ့ မြ၀တီမှာ လာတဲ့ စစ်ကားမှန်သမျှ မှာလည်း စာဖတ်သူတို့ မြင်ဖူးကြမှာပါ။ ကျောပိုးအိတ် အစိမ်းရောင်လေးနဲ့ ချီတက်နေကြတဲ့ တပ်မတော် စစ်ကြောင်းတွေကိုပေ့ါ။

အခန်းပြန်ရောက်တော့ ရှေ့တန်းမှာ ၀တ်ဖို့ ယူနီဖောင်း ၊ ခြေအိတ် ၊ ပုဆိုး ၊ သွားပွတ်တံ ၊ သောက်ရေခွက် ပြီးတော့ လိုအပ်မယ်ထင်တဲ့ စာအုပ်စာတမ်း ၊ ပြီးတော့ အပွင့်အမည်းရောင်တွေပေ့ါ ။ အပွင့်က တောထဲမှာ ဆိုတော့ ၀ါဝါထိန်ထိန် ရွှေရောင်တွေ တက်ဆင်လို့ မရပါဘူး။ ရန်သူက အလွယ်တကူ ခေါင်းဆောင်ကို ရွေးချယ် သုတ်သင်နိင်တာကြောင့်ပါ။ ဒါနဲ့ မနက်စောစော ရှေ့တန်းတက်ရမှာဆိုတော့ ညက ပြင်ဆင်စရာ ရှိတာကို ပြင်ဆင်ပြီး ဘုရားရှစ်ခိုးကာ စောစော အိပ်ရာဝင်ခဲ့ပါတယ်။ “ ဒက်...ဒက်....ဒက်.....ဒက် ၀ုန်း.....ရွှီးးးးးးး ဖုန်း.... ဆိုတဲ့ ပစ်သံခက်သံ တွေကြားမှာ ကျွန်တော် အသည်းအသန် ကြိုးစား ရှောင်တိမ်းနေရင်း ဒုန်း ဒုန်း .....ဒုန်း ဆိုတဲ့ အသံနဲ့ အတူ ဟိုဘက်ခန်းက စစ်ကိုင်းသား ( ၂ ) ယောက်က တစ်ယောက် တံခါးလာခေါက်တာကြောင့် အိမ်မက်ထဲက လူးလဲထလာခဲ့ရတယ်။ “ ဟေ့ကောင်.... ထ ... ထ ။ သေနတ်ထုတ်ရမယ် ၊ ဒါကြောင့် စောစောစီးစီး ဗဟိုကင်းကို သွားရအောင် ” ဆိုတာနဲ့ မပွင့်တပွင့် မျက်လုံးကို အသာပုတ်ခက် ပုတ်ခက်လုပ်ကာ တကိုယ်ရေ သန့်ရှင်းရေးပြီးတော့ ဗဟိုကင်း ရှိရာကို ချီတက်လာခဲ့ပါတယ်။ ဟိုရောက်တော့ ထုတ်ပေးတဲ့ သေနတ်တွေက အားလုံးပေါင်း ၂ လက် ။ ဘီအေ (၉၄) လို့ခေါ်တဲ့ အူဇီသေနတ် ၊ ပစ္စတို ပါ။ ကျည်ကတော့ အားလုံးပေါင်း ( ၂၄၀ ) နဲ့ ပစ္စတိုကြည် ၂၄ တောင့်ပါပါတယ်။ အဲဒါနဲ့တင် လူက တော်တော်ဝပ်နေပြီ။ အရပ်က ၅ပေ ၅ လက်မ ၊ ပေါင်က ( ၁၂၀ ) လောက်ပဲ ရှိတာ ဆိုတော့ သိပ်မဟန်ချင်တော့ပါဘူး။

ဒါနဲ့ ကျန်သေးတဲ့ မြေပုံ ၊ ၀ှက်စာ( ဆိုက်ဖာ ) တွေ ထပ်ထုတ်ပြီး ၊ ကိုယ်နဲ့ အတူ လိုက်မဲ့ ဆရာကြီး ၅ ယောက်ကိုလည်း သေနတ်ထုတ်ဖို့ ကြီးကြပ်ရပါသေးတယ်။ သူတို့ သေနတ်တွေက ကိုယ့်ထက်များတာကြောင့် သေသေချာချာ စိစစ်နေရတယ် ။ MA - 1 ခြေမှုန်းရေးရိုင်ဖယ် ၊ BA-100 ဒုံးပစ်လောင်ချာ ၊ MA-4 စက်သေနတ် ၊ အစရှိသည့် သေနတ်တွေ နဲ့ နောက်ထပ် လိုအပ်တဲ့ အရာတွေ ထုတ်ပြီးတော့ လူစစ်တန်းစီပါတယ်။ ၀ှက်စာ ( ဆိုက်ဖာ ) ဆိုတာက ဆက်သွယ်ရေး လျို့ဝှက်ချက် စကားဝှက်တွေပါတဲ့ စာလို့ အဓိပါယ် ခေါ်လို့ရပါတယ်။ တပ်စခန်းတွေ တစ်ခုနဲ့ တစ်ခုဆက်သွယ်ရာမှာ သုံးပြီး တပ်စခန်း တစ်ခု၏ ခေါင်းဆောင်အရာရှိ ၊ အရာရှိ မရှိလျှင် အကြီးဆုံး ရာထူးရှိသူက အလုံခြုံဆုံး သိမ်းဆည်းထားရသည်။ အကယ်၍ ကျပျောက်ပျက်ဆီး ခဲ့သည် ရှိသော ကြီးလေးသော အပြစ်ဒဏ် ကြခံရသောကြောင့် ကျွန်တော့်တို့လည်း အတက်နိင်ဆုံး လုံခြုံအောင် သိမ်းဆည်းကာ လက်အောက် စစ်သည်များ မည်သည့်အရာများ လိုအပ်သလဲ ဆိုတာ လိုက်လံကြည့်ရှုရင်း တပ်ရင်းမှုးမှ ခေါ်လာမည့် အချိန်ကို ဆက်သွယ်ရေး စက်နားမှာ အသင့်ထိုင်စောင့် နေခဲ့ပါသည်။ ကွက်ခိုင်ရောက်တာမှ ၁ ပတ်မပြည့်သေးဘူး လျှောက်ကြည့်မယ် ကြံကာ ရှိသေးတယ် ရှေ့တန်းတက်ရမည် ဆိုသောကြောင့် သိပ်တော့ မကျေနပ်ချင်ပါဘူး။ ပြီးတော့ ရှေ့တန်းသာ ဆိုတယ် ဘယ်ကို သွားရမှန်းလဲ မသိဘူး။ နောက်တစ်နာရီ အကြာတော့ အဘက ဆက်သွယ်ရေးစက်က ခေါ်လာတာကြောင့် တပ်ရင်းဆက်သွယ်ရေး စခန်းကို အသည်းအသန် ပြေးလွှားခဲ့ပါတယ်။

အဘ ။ ဟလို...အခု ငါပြောတာ ကြားလား
ကျွန်တော် ။ ဟုတ်ကဲ့..အဘ။ ကြားပါတယ်
အဘ ။ အေး...ကြားရင်....မင်းတို့ အခု ကားနဲ့ထွက်လာပြီးရင် မူဆယ်တပ်စခန်းကို ၀င်။
ကျွန်တော် ။ ဟုတ်ကဲ့...
အဘ ။ ပြီးရင် အဲဒီမှာ တစ်ညအိပ်။ နောက်နေ့ မနက်ငါ့ဆီ အဲဒီကနေ ဖုန်းပြန်ဆက်။ ကြားလား ....
ကျွန်တော် ။ ဟုက်ကဲ့...အဘ။ ၉၆ ပါ။
အဘ။ အေး...ဖုန်းနံပတ်က.....@$#%!*&# ။ အေး....အေး။ ဒါဆို ဖုန်းချလိုက်တော့မယ်။ မှာလိုက်တာတွေ ယူဖို့မမေ့နဲ့။
ကျွန်တော် ။ ဟုတ်ကဲ့...အဘ။ လေးစားပါတယ်။

ဆိုပြီး စက်က ချသွားပါတယ်။ ဒါနဲ့ ရှေ့တန်း တက်ဖို့ ကားအလာကို စောင့်ကြာတာပေ့ါ။ တစ်အောင့်နေတော့ ကားလာပြီဆိုတော့ ကြည့်လိုက်တော့ ကားက ထော်လာဂျီ ကို ကိုယ်ထည်တွေနဲ့ ကာရံထားတဲ့ အဆင့်ပဲရှိတယ်။ အင်ဂျင်ကတော့ ထော်လာဂျီထက်တော့ ပိုကောင်းတာပေ့ါ။ လေဘီးကားအဆင့်ထက် နည်းနည်းကျော်တယ် မြန်နှုန်းကို ပြောတာပါ။ ဒါနဲ့ တော်တော် စိတ်ပျက်သွားတယ်။ ကိုယ်မြင်ဘူးတာက စစ်ကြောင်းတွေ ရှေ့တန်းထွက်ရင် တီအီး ၊ Faw ကားတွေ နဲ့ တစီတတန်းကြီး ထွက်ကြတာ ။ အခုတော့ ကိုယ်အလှည့် ကြမှ ဘယ်လို ဖြစ်ရတာတုန်းလဲ လို့ ဘယ်သူ့ကို မေးလို့ မေးရမှန်း မသိဘူး။ ဆရာကြီးတွေ ကြည့်လိုက်တော့လဲ သူတို့က ကြိုသိနေသလို မျက်နှာထားတွေနဲ့ ဆိုတော့ ၊ သူတို့ကိုလဲ မမေးဖြစ်ဘူး။ ဒါနဲ့ ဗျူဟာက ကျွန်တော်တို့ တပ်ကို ရောက်တုန်းက လာတဲ့ G-3 အစ်ကိုကြီး ရောက်လာပြီး ဟိုမှာ နေရမဲ့၊ လိုက်နာရမဲ့ အခြေအနေ လေးတွေ ပြောပြ ၊ သူပြောတာ ကိုယ်နားထောင်ပြီးတော့ ဘယ်ရမလဲ ။ အခု ကိုယ့်အလှည့်ပေ့ါ။ ကိုယ်ပြောတာ သူပြန်နားထောင် ရမဲ့ အလှည့် ရောက်လာပြီ။

“ အစ်ကိုကြီး....ဒီကားကြီးလား ” လို့မျက်နှာငယ်လေးနဲ့ မေးလိုက်တော့။ “ ဟုတ်တယ်...ညီလေး ၊ မင်းတို့က နောက်က လိုက်တာဆိုတော့ ဒီလိုပဲ ၊ ကြုံရာ ကားနဲ့ တက်ရတာ။ ” ဆိုတော့ ကိုယ်လည်း ဘာမှ ဆက်မပြောတော့ပါဘူး။ ဖြစ်တက်ပါတယ်လေလို့ သဘောထားပြီး။ ကားပေါ်ကို တက်ကြ တက်ကြ လို့ပြောရင်း ဆရာကြီးတွေကို ကားပေါ်တက်ခိုင်း ၊ နောက်ဆုံးလူစစ်ပြီး ကိုယ်ပဲ ကျန်တော့မှ ကားပေါ်လည်း တက်လိုက်ရော...စတွေ့လိုက်ရတာက ဖြူဖြူအိတ်တွေ။ ကြည့်လိုက်တော့ ဆန်အိတ်တွေ ဖြစ်နေတယ်။ အော်....သူတို့က မူဆယ်ကို ဆန်ပို့မယ့်ကားကို ချောဆွဲထားတာကိုး။ စိတ်တော့...မကောင်းပါဘူး။ လမ်းခရီးက တူနေတော့ သူတို့လည်း ကျွန်တော်တို့ ပါတော့ မလွတ်လပ် ၊ ကျွန်တော်တို့ကလည်း သူတို့ နဲ့ မသွားချင်ပေမယ့် မတက်နိင်တာကြောင့်( ဒိုးရတော့ အချစ်ရေ ~~~~~ နုတ်ဆက်ခဲ့ပါတယ် ~~~~~~~ ဒိုးရတော့မယ်...အချစ်ရေ ၊ နုတ်ဆက်ခဲ့ပါတယ်~~~~ ကိုယ်တကယ် မခံစားနိင်ဘူး~~~~ အချစ်ရယ် ) ဆိုတဲ့ ဦးကျော်ဟိန်းဆိုတဲ့ သီချင်းကို ကြားယောင်မိပါတယ်။ ဒါနဲ့ ဖွတ်ချက် ဖွတ်ချက်....ကားကိုစီးရင်း ကွတ်ခိုင်-မူဆယ် ခရီးကို စတင်ခဲ့ပါတော့တယ်။

လားရှိုး - သီန္ဒီ ( ၃၂ မိုင် )
သီန္ဒီ - ကွတ်ခိုင် ( ၁၆ မိုင် )
ကွတ်ခိုင် - နမ့်ဖက်ကာ ( ၂၉ မိုင် )
နမ့်ဖက်ကာ - မုန်းယု ( ၂၈ မိုင် )
မုန်းယု - မူဆယ် ( ၈ မိုင် )

၁၉.၁၂.၂၀၀၇ တုန်းက ကျွန်တော်တို့ အမှတ်စဉ် ( ၄၆ ) ဗိုလ်လောင်းသင်တန်း ကျောင်းဆင်း ခဲ့တာ ( ၄ ) နှစ်ပြည့် အထိန်းအမှတ် အဖြစ်ရော ၊ ဗိုလ်ကြီး အဖြစ် ရာထူး အဆင့်တိုးမြင့်ခြင်း အထိမ်းအမှတ် အဖြစ် မြန်မာနှင့် ရုရှား နိင်ငံတွင် ပညာသင်ကြားနေသော သူငယ်ချင်း အားလုံးမှာ စုပေါင်း၍

၁. ဓမ္မစကုမုဒြာ ၊ ဓမ္မစကြာင်္ ဗုဒရုပ်ပွားတော်မြတ်ကြီး - ၄၆သိန်း
၂. ဓမ္မစကုမုဒြာ၊ဓမ္မစကြာင်္ ဗုဒရုပ်ပွားတော်မြတ်ကြီး(ကျောင်းဆောင်) - သိန်း၅၀
၃. ဒိုးပင် မိဘမဲ့ကလေးကျောင်း - ၅သိန်း
၎. မျက်မမြင်ကျောင်း (ရေသန့်စက်) - ၁၀သိန်း
၅. ဘိုးဘွားရိပ်သာ - ၅သိန်း
၆. ရေစက်ချ နှင့် အလှူတော် မင်္ဂလာ - ၁၄သိန်း

တို့ကို အလှူဒါန ပြုခဲ့ပါတယ်။ ဓတ်ပုံများ ဒီနေ့မှ ရ၍ ဖော်ပြနိင်ခြင်း ဖြစ်ပါသည်။ အလှူငွေ စုစုပေါင်းမှာ ကျပ်ပေါင်း ( ၁၃၀၀၀၀၀၀ ) ဖြစ်ပါသည်။









ရရှိသော ကုသိုလ် ကောင်းမှု အစုစုအား လက်ရှိ မြန်မာနိင်ငံ အနှံအပြား အရပ်ဒေသ အသီးသီးတွင် တာဝန်ထမ်းဆောင်နေသော သူငယ်ချင်းများနှင့် တိုင်းပြည်အတွက် အသက်စွန့်ခဲ့သော သူငယ်ချင်းများ ရောက်ရာ ၊ ကြားရာ အရပ်မှ သာဓုခေါ်နိင်ကြပါစေ။ တိုင်းပြည်၏ အမျိုးဘာသာ ၊ သာသနာ နှင့် ပြည်သူ့ အသက်အိုးအိမ် စည်းစိမ်ကို အမှန်တရားဘက်မှ ရဲဝင့်စွာ ရပ်တည်နိင်သော “နောင်တစ်ခေတ်၏ အောင်စစ်သည်တော် ” များ ဖြစ်ကြပါစေ လို့ ဆုတောင်းရင်း

ဗိုလ်ကြီး ကျော်လင်းထွန်း
ခလရ ( ၄၅ ) ကွတ်ခိုင် ၊ အရှေ့မြောက်တိုင်း စစ်ဌာနချုပ် ၊ လားရှိုးမြို့။

“ ဟောင်းရွက်တွေ ညှာတံကြွေတဲ့ ခါယံ နွေဦးနှင့် အတူ ” စာပန်းချီ အမှတ်(၃) မဂ္ဂဇင်းဟာ အကြောင်းအမျိုးမျိုး ကြားမှ အောင်မြင်စွာ ထွက်ရှိလာခဲ့ပါပြီ။ ကဗျာ ( အတို/အရှည် ) ၊ ၀တ္တုတို ၊ ဆောင်ပါး ၊ ကာတွန်း မျိုးစုံနှင့် ဤနေရာ သို့ကလစ် နှိပ်၍ ရယူဖတ်ရှု နိင်ပါကြောင်း သတင်းကောင်း ပါးအပ်ပါသည်။

လားရှိုးမြို့အကြောင်း

လားရှိုးမြို့က ယေဘုယျအား ဖြင့်တော့ အဓိက လိုင်းကား လမ်း အတိုင်းသွားမယ်ဆိုရင် စတုရန်းပုံစံလို သွားပါတယ်။ မြို့ပုံသဏ္ဍာန်ကို ဆိုလိုခြင်း မဟုတ်ပါဘူး။ လားရှိုးမှာ ဆိုင်ကယ်ကို အိမ်တိုင်းနီးပါး သုံးနိင်ပေမယ့် လိုင်းကား ပါပလက်ကာ ကားအဖြူရောင်လေးတွေ ဘာကြောင့်ရှိနေတာလဲဆိုတာ စစရောက်ခြင်းတော့ အထူးအဆန်း ဖြစ်မိပါသေးတယ်။ နောက်ပိုင်းမှ သိလာတာက လားရှိုးမြို့က ပြင်ဦးလွင်-မူဆယ် အထိ ဆက်စပ်သွားလို့ ရတာကြောင့် ကူသန်းရောင်းဝယ်ရေး ထွန်းကားသည့် မြို့ဖြစ်သည့် အပြင် ခရီးသွား ဧည့်သည်များတာကြောင့် ရောက်လာကြသော ခရီးသွားများ လည်ပတ်နိင်ရန် ၊ သွားလာရ လွယ်ကူနိင်ရန် လိုင်းကားများ စီစဉ်ထားခြင်း ဖြစ်နိင်ပါသည်။ နောက်တစ်ခု ရှိတာက မြို့၏ အဓိက တည်နေရာများ ဖြစ်သော ဘူတာ ၊ လေယဉ်ကွင်း ၊ မြို့ဈေးကြီး နှင့် ဆေးရုံ ၊ ကားကြီးဂိတ် ၊ မန်ဆူဘုရား ၊ လားရှိုးဒီဂရိ ကောလိပ် တို့သည် တစ်ခုနှင့်တစ်ခု တည်နေရာ မှာ ဆန့်ကျင်ဘက် ဖြစ်တာကြောင့် သွားလာရာတွင် ခဏတဖြုတ် ရောက်လာကြသော ခရီးသွားများ လွယ်ကူစေရန် စီစဉ်ထားခြင်း ဖြစ်နိင်ပါသည်။ ကျွန်တော် ရောက်ရှိခဲ့စဉ်က ကားခမှာ တစ်ဦးလျှင် ကျပ်ငွေ ၅၀ ဖြစ်ပြီး ၊ ဘူတာမှ မြို့ထဲသို့ သွားပါက ကုန်းတက်လမ်း ဖြစ်သောကြောင့် တစ်ချို့ကားသမားများက ၁၀၀ိကျပ် တောင်းပါတယ်။ အများဆုံး အသုံးပြုသော ပို့ဆောင်ရေးမှာ ဆိုင်ကယ်ဖြစ်ပါသည်။

ဒီဂုဏ်ပြုလွှာလေး မှတ်တမ်းကတော့ လှိုင်သာယာ မီးဘေးသင့်ခံရသော အိမ်ထောင်စုသည် များအတွက် ကျွန်တော်တို့ အဝေးရောက် မြန်မာကျောင်းသားများမှ အလှူငွေ မှတ်တမ်းလေး ဖြစ်ပါသည်။ ပါဝင်လှူဒန်းသည့် ကျောင်းများမှာ MPEI , BMSTU , MUCTR , MAI ကျောင်းများ ဖြစ်ပြီး လှူဒန်းငွေ ပမာဏမှာ ကျပ်ငွေ ၇၇၀၀၀၀ ဖြစ်ပါသည်။

မောင့်နှလုံးသားရဲ့ဇာတာကို ကြိုသိနေခဲ့လို့
နောင်တတွေကို ပိုင်ဆိုင်သင့်တယ်တဲ့လား .....

မပြောပါနဲ့တော့လား ကံကြမ္မာရယ်
ထုဆစ်လို့မရတဲ့အနာဂါတ်ကို ငေးကြည့်ရင်း
ကျွန်မအတွေးတွေ ရပ်တန့်ခဲ့ရတာ များပါပြီ။

ဒီတစ်ကြိမ်တော့ ကျွန်မကို
ခေါင်းမာခွင့်ပေးပါ .......မောင်

မာယာဆိုတဲ့ ခေါင်းစဉ်အောက်မှာ
နံမည်ပျက်ပေါက်ရင်ပေါက်ပါစေတော့
နှလုံးသားက ဘယ်သူ့ကို ကိုးကွယ်တယ်ဆိုတာ
ဟောဒီ မျက်ရည်တွေ သိပါတယ်။

ကျွန်မကတော့
မောင်ရှိတဲ့အရပ်ကနေ
အံတစ်ချက်ကြိတ်ရင်း ပြန်ခဲ့ပါပြီ။

ကျွန်မရဲ့ မျှော်လင့်ချက်တွေနဲ့
မောင့်ရဲ့အိမ်မက်တွေကို ၀န်မလေးစေချင်ဘူး ......
ကျွန်မအပေါ်တိုင်တည်ထားတဲ့သစ္စာတွေအတွက်
မောင့်ရဲ့အနာဂါတ်ကို မရူးနှမ်းစေချင်ဘူး ........

ကျွန်မကိုသယ်ဆောင်ချင်တဲ့မောင့်ရည်မှန်းချက်မှာ
အားကောင်းမောင်းသန်အချစ်တွေမြင်ပေမဲ့
ဆူးတစ်ချက်မ၀င်စေ့ချင်ဘူး

ကျွန်မနှလုံးသား ဖောက်ပြန်ခြင်းကင်းတယ်ဆိုတာတော့
ဘုရားသခင်တိုင်းက ခေါင်းညိမ့်မှာပါ .. မောင်။

မောင်မရှိတော့ပေမဲ့
မောင်ရှိခဲ့ဖူးတဲ့ရင်ခွင်ကို......နွေးနွေးလေးထားပါ့မယ်

မောင်ရှိတဲ့အတိတ်ကို
မျက်စိလေးမှိတ်ပြီး...တိတ်တိတ်လေးလာခဲ့မယ်

မောင်နေတဲ့ရင်ခွင်ခန်းကို
ဘယ်တော့မှ မနွမ်းအောင်.....အသက်နဲ့ကျမ်းကျိန်ပြီး လွမ်းပါ့မယ်

သမုဒ္ဒရာ အနား ဘယ်လိုပဲသတ်သတ်
ကျွန်မနဲ့မောင်ရဲ့ အအဆုံးသတ်ကိုတော့
လွမ်းမျက်ရည်တွေနဲ့ ဘောင်ခတ်ပါရစေ
ဘယ်တော့မှ ဖောက်မထွက်ဘူး ....... မောင်

ကျွန်မရဲ့ နှလုံးသွေးတွေ
အဲဒီ စာမျက်နှာမှာ အမြဲလည်ပတ်ပါ့မယ်
မောင်တစ်ယောက် ကျေနပ်ပါစေ။

သုံးယောက်သား ရထားလက်မှတ် သွားဝယ်ဖို့ ချီတက်ကြပါတယ်။ အဲဒီအချိန်မှာ ဘယ်သူတွေနဲ့ သွားတိုးသလဲ ဆိုတော့ ခွင့်ပြန်လာတဲ့ ဗိုလ်လောင်းတွေနဲ့ သွားတွေ့ပါတယ်။ သူတို့ကလည်း ရန်ကုန်ပြန်ကြမှာ ဆိုတော့ လက်မှက်ကို အဖေနဲ့ အမေ့အတွက်ပဲ ၀ယ်ပြီး ၊ ကျွန်တော်ကတော့ ကိုယ့်ကျောင်းတူခြင်း ညီအစ်ကိုတွေ ပျော်ပျော်ပါးပါး စီးဖို့ သူတို့အတွဲမှာပဲ သွားနေလိုက်ပါတယ်။ လက်မှက်ဖိုး မကုန်တော့ ဘူးပေ့ါဗျာ။ ဒီလိုနဲ့ မန္တလေး-ရန်ကုန် မီးရထားလမ်း ကို ညနေ ၆ နာရီမှာ စထွက်ခဲ့ပါတယ်။

ပြောရမယ် ဆိုရင် ဒီခရီးဟာ ကျွန်တော်တို့ ဗိုလ်လောင်းတုန်းကလဲ အရမ်းပျော်တာဗျ။ ရထားထွက်တော့မယ် လို့ အသံကြားလိုက်တာနဲ့ ရထားနံရံတွေကို ထုပြီး အော်ဟစ်တော့တာပဲ။ ၀ူး...ဟေး...၀ိုး အသံမျိုးစုံထွက် ၊ ရေသန့်ဘူးတွေ ထုတဲ့သူက ထုနဲ့ ကမ္ဘာပျက်နေသလား မှတ်ရတယ်။ လိုက်ပို့တဲ့ အရာရှိတွေကလည်း ဘာမှ မပြောပါဘူး။ ဘာလို့လဲဆိုတော့ ဒီအချိန်ဟာ ကျွန်တော်တို့ အတွက် သိပ်ပျော်နေတဲ့အချိန် ဆိုတာ သူတို့လည်း သိတယ် ၊ ပြီးတော့ သူတို့လည်း ဒီအရသာကို ခံစားဖူးတာကို။ ကျွန်တော်တောင်မှ ကိုယ်က အရာရှိဖြစ်နေတာက တစ်ကြောင်း ၊ အခုအတူ ပြန်နေတာကလည်း ကိုယ့်ထက်အငယ်တွေ ဆိုတော့ နည်းနည်းတော့ ဟန်လုပ်နေရတာပေ့ါ။ ဒါပေမယ့် ကျွန်တော်လည်း သူတို့ကို ကြည့်ရင်း ပျော်နေတာပေ့ါ။

ကျွန်တော် ဗိုလ်လောင်းတုန်းက ခွင့်ပြန်ရင်လည်း ရထားနဲ့ပဲ ပြန်ပါတယ်။ သူငယ်ချင်းတွေက သူတို့နဲ့ အတူကားနဲ့ ပြန်ဖို့ခေါ်တာပေ့ါဗျာ။ ဒါပေမယ့် ဘယ်လိုပြောမလဲ ကျွန်တော်က လွတ်လွတ်လပ်လပ် သမား ၊ ပြီးတော့ သူငယ်ချင်းတွေ တပျော်ကြီးနဲ့ ပြန်ရမှာ ဖြစ်တဲ့အပြင် ၊ နောက်တစ်ချက်က အရိုးသားဆုံး ၀န်ခံရရင် ရထားပေါ်မှာ ရောင်းတဲ့ မုန့်တွေဝယ်ဝယ်စားရတာကို အင်မတန် ခုံမင်တာကြောင့်ပါ။ ပြီးတော့ ရထားက ကားနဲ့ သွားရတာထက် စာရင် ပိုပျော်ဖို့ကောင်းတယ်ဗျ။ လမ်းဘေးတစ်လျှောက် လယ်ကွင်းတွေ ၊ အိမ်တွေ ၊ ဘုရားတွေ ကိုငေးရင်း လေတဖြူးဖြူးလေးနဲ့ အရမ်း ကြည်နူးဖို့ကောင်းတယ်။ စားပြီးတဲ့ ဟာတွေကိုလည်း ရထား ဘောင်ပေါ်ကနေ အလွယ်တကူ လွှင့်ပစ်နိင်တယ် ( နိင်ငံကြီးသား ပီသတာ ) ၊ မျက်နှာ အလွယ်တကူ သစ်နိင်တယ် ၊ ပြီးတော့ ရထားလမ်းဆိုတာက ရွာတွေ ၊ လယ်ကွင်းတွေထဲက ဖောက်ထားတာ ဆိုတော့ မျက်စိအေး ၊ နားအေးတယ်။ ကားလမ်းကြတော့ မြို့ထဲမှာ ဖောက်ထားတာ မဟုတ်လား။ ဒီတော့ နားညီးတယ် ။ မလွတ်လပ်ဘူး။ အဆိုးဆုံးက အပေါ့အပါးသွားတာ မရှိတာ။ ရထားမှာ ကြတော့ ၀မ်းလွယ် တက်သူတွေ အတွက် အရမ်းကို အဆင်ပြေပါတယ်။ အိမ်သာပါတာကိုး။ ပြီးတော့ ဘူတာတွေ ၀င်တိုင်းလည်း ရွာတွေက လာရောင်းကျတဲ့ အသီးအနှံတွေ ၊ အိမ်ပြန်လက်ဆောင်တွေ ၊ အစားအသောက်တွေ စိတ်ကြိုက် ၀ယ်ယူနိင်တယ်ဗျာ။ ကဲ...ဟန် မကြဘူးလား။ ကျွန်တော်ကိုယ်တိုင်က ကိန်းကြီးခန်းကြီး မနိင်တော့ ကားနဲ့သွားရတာကို အလွန် စိတ်ပျက်ပါတယ်။ ကျန်တဲ့ ဒေသတွေမှာ ဆိုရင်တော့ ကားနဲ့ သွားချင်ပေမယ့် ရန်ကုန်-မန္တလေး ကိုတော့ ဘာအကြောင်းနဲ့ပဲ ဖြစ်ဖြစ် မီးရထားစီးသွားရတာကို နှစ်ကြိုက်မိပါတယ်။



ဒီလို မြင်ကွင်းလေးတွေ မြင်တွေ နိင်တာပေ့ါဗျာ။ ဒါကတော့ ရထားနဲ့ သွားခြင်းရဲ့ အကျိုးကျေးဇူး လေးတွေပေ့ါ။ စာဖတ်သူတို့မှာလည်း ရထားနဲ့ ခရီးသွားဖူးတဲ့ သူတွေ ရှိတော့ ဒီအရသာကို ခံစားဖူးကြမယ်ဆိုတာ ယုံကြည်ပါတယ်။ တစ်ခုရှိတာကတော့ မန္တလေး ပဲ ဖြစ်ဖြစ် ရန်ကုန်ပဲ ဖြစ်ဖြစ် ( မန္တလေး ဘက်က ပိုများပါတယ် ) ဘူတာကို ၀င်လာပြီဆို ကလေးတွေဗျာ ရေသန့်ဗူးးလေး ပေးခဲ့ပါ...ရေသန့်ဗူးလေး ပေးခဲ့ပါဆိုပြီး လက်လေးပြလို့ တောင်းနေကြတာ။ တစ်ချို့ကလေးတွေက ကျောင်းစိမ်း ၀တ်စုံနဲ့ တစ်ချို့က အကျီမပါဘူး။ တစ်ချို့ကျတော့ နည်းနည်း အသက်ကြီးကြီး ဘယ်လိုပြောမလဲ ( ၉ ) နှစ်လောက် ရှိမှာပေ့ါ ၊ အဲဒီကလေးက နောက် ၃ နှစ်လောက် ရှိတဲ့ကလေးကို ခါးမှာ ချီထားပြီး အပေါ်က ပစ်ချပေးတဲ့ ရေဗူးကို လိုက်ကောက်နေတာ။ တကယ့် စိတ်မချမ်းမြေ့စရာ မြင်ကွင်းပါပဲ။ တစ်ချို့ခရီးသည်တွေက လည်း စေတနာတော့ ပါပါရဲ့။ ပစ်ချပေးလိုက်တာ ဆိုပေမယ့် ဝေးဝေးပစ်တာ မဟုတ်ဘူး။ ရထားနဲ့ နီးနီးလေးကို ဖြစ်ကတက်ဆန်း ပစ်လိုက်တာ။ ဟိုက ကလေးတွေကလည်း သိတာမဟုတ်ဘူး ။ ရေဗူးပဲ မြင်တာဆိုတော့ မတော် ရထား အောက်တွေများ ရောက်သွားရင် မတွေးဝံစရာပါပဲ။ ဒီကိစ္စတွေနဲ့ ပတ်သက်ပြီး ဘယ်သူ့ကို အပြစ်တင်ရမှန်း စာဖတ်သူပဲ ဆုံးဖြက်ပါတော့။

ခွင့်ဆိုသည်မှာ.....

ဒီလိုနဲ့ ကျွန်တော်တို့လည်း ရန်ကုန်ရောက် ဟိုအမျိုးအိမ်ဝင် ၊ ဒီအမျိုးအိမ်သွား ။ သူငယ်ချင်းတွေ နဲ့ တက္ကသိုလ်တွေ လိုက်လည် ၊ အမေ့ရွာကို အလည်သွား ။ အမေချက်ကျွေးတဲ့ ထမင်းဟင်းတွေကို တ၀တပြဲစားပြီး နေလာလိုက်တာ အချိန်တန်လာတော့ အိမ်ပြန်ရဖို့ ဖြစ်လာပါတော့တယ်။ ခွင့် ( ၁၀ ) ရက်မှာ အသွားအပြန် ခရီးလမ်း ( ၄ ) ရက်ကို နုတ်လိုက်ရင် ကျွန်တော် စုစုပေါင်း အိမ်မှာ နေခဲ့ရတာ အားလုံးပေါင်းမှ ( ၆ ) ရက်တည်းရယ်ပါ။ စစ်သားဖြစ်လာမှတော့ အချိန်ဆိုတာ ကိုယ်မပိုင်မှန်း သိပေမယ့် ပြန်လည်း မပြန်ချင်ခဲ့ပါဘူး။ ဒီခံစားမှု့ကို နားလည်ပေးနိင်ကြမယ်လို့လည်း ထင်ပါတယ်။ အသက် ( ၁၆ ) နှစ်ကတည်းက အိမ်ကထွက်ခဲ့တာ ( ၃ ) နှစ်လုံးလုံးမှာမှ ကျွန်တော် ခွင့်ရခဲ့တာ ( ၂ လ နဲ့ ၆ ) ရက်ထဲပါ။ ဒါ တပ်မတော်မှာ အကြီးမားဆုံး ခွင့်ခံစားမှု့ပါပဲ။ အဲဒါပြီးတော့ အခု ၂၀၀၈ ခုနှစ် ဒီအချိန်အထိ မိသားစု ၊ သူငယ်ချင်း တွေနဲ့ ကျွန်တော်တွေ့ရတာ ၂၀၀၄ ခုနှစ်ကတည်းကနေ ဆိုရင် အားလုံးပေါင်း ( ၄ ) နှစ်မှာ ခွင့် ( ၁ လ ) နီးပါးလောက်ပဲ ရလိုက်ပါတယ်။ ဒီတစ်လ ဆိုတာကလည်း ( ၁ ) လ လုံးလုံး ခံစားရတာ မဟုတ်ပါဘူး။ ၂ နစ်လောက် နေမှ သင်တန်း သွားခါနီး အိမ်ကို ခွင့် ( ၅ ) ရက် ၊ ( ၈ ) ရက် အဲဒီလောက်လေးပဲ ရတာပါ။ အားလုံးပေါင်းလို့ (၁) လောက်ပဲ ရှိတယ်လို့ ပြောရခြင်း ဖြစ်ပါတယ်။ တာဝန်ထမ်းဆောင်တာခြင်း မတူပေမယ့် ကျွန်တော်နဲ့ အတူ ဒီကိုလာတဲ့ ညီအစ်ကိုများလည်း ဒီလောက်ပဲ ခွင့်ရကြမယ်ဆိုတာ သိပါတယ်။ အခုလို ပြောပြရတာကလည်း သိစေချင်တဲ့ စေတနာ တခုတည်းနဲ့ သာ ဖြစ်ပါတယ်ခင်ဗျာ။

မနက်ဖြန် ပြန်မယ်ဆို ဒီနေ့ည ဘူတာကြီးမှာ လက်မှတ်ဝယ် ၊ အိမ်မှာ အမေက စားစရာတွေ ပြင်ဆင်ပေး ၊ ထည့်စရာရှိတာ ထည့်ပြီး ညကျတော့ အမျိုးတွေကို လိုက်နုတ်ဆက် ၊ အသက်ကြီးတဲ့ သူတွေကိုလည်း ကန့်တော့နဲ့ ပေ့ါ။ မနက်ဖြန် ညနေလောက် ရောက်လာတော့ အဖေနဲ့အမေ့ကို ကန်တော့ ၊ အစ်မ ညီမ ၊ ညီတွေကို နုတ်ဆက်ရင်း ဘူတာကြီး ကို ဆင်းလာခဲ့ပါတယ်။ ရထားမလာခင် အချိန်ထိတော့ လက်ဖက်ရည်ဆိုင်မှာ ထိုင်းရင်း ဟိုနောက် ၊ ဒီနောက်ပေ့ါ။ အမေကလည်း ရတနာ ( ၃ )ပါးကို အမြဲရွက်ဆို ဖို့အကြောင်း ၊ ကိုယ့်လက်အောက် ငယ်သားတွေအပေါ်ကို ကြင်၂နာ၂ ဆက်ဆံဖို့ ၊ လူကြီးသူမကို ရိုသေဖို့ စတဲ့ အမေတို့ ၀တ္တာရားရှိသည်ထက် ပိုစွာ မှာနေတာပေ့ါ။ ကျွန်တော်ကလည်း ဟုတ်ကဲ့ပါ ဆိုတာကို ဘယ်နှစ်ကြိမ် မြှောက်မှန်း မသိ ဖြေခဲ့ပါတယ်။ ဒီလိုနဲ့ ရထားလာတော့ ပစ္စည်းတွေ ကိုယ့်နေရာထားရင်း ဒုတိယ အကြိမ်မြှောက် နုတ်ဆက် ကြတာပေ့ါ။ ဒီတခါတော့ အမေရော ၊ အစ်မရော ၊ ညီမရော မျက်ရည်တွေက ၀ဲလို့။ ကျွန်တော်လည်း ယောင်္ကျားဆိုပေမယ့် အတူတူပါပဲ။ မနည်း ဟန်လုပ်နေရတယ်။ သူတို့ကို ဖျောင်းဖျဖို့ ကိုယ့်ခံစားချက်ကို နောက်ပို့ထားရတာပေ့ါဗျာ။ ဒါနဲ့ ရထားထွက်ဖို့ အချက်လည်း ပြရော....ကျွန်တော်လည်း ရထားပေါ် လှေကားကနေ တက်ပြီး အနောက်လှည့်ကြည့်တော့ အမေရော ၊ အမရောက ငိုနေပြီ။ ဒါနဲ့ ကျွန်တော်လည်း ကြာကြာ ကြည့်မနေတော့ဘူး သံယောဇဉ် တစ်ခါတည်း ဖြတ်လို့ နေရာသွားထိုင်နေလိုက်တယ်။ ဒါပေမယ့် စိတ်က မရပါဘူး။ ဒါနဲ့ ပြတင်းပေါက်က နေ ထွက်ကြည့်တဲ့အချိန် အဖေကတော့ ယောင်္ကျားကွာ အောင်မြင်ရမယ် ဆိုတဲ့ ပုံစံနဲ့ လက်မထောင်ပြတယ်။ အမေကတော့ ငိုပြီး ပြုံးနေတယ်။ ကျွန်တော်လည်း မျက်ရည်တော့ နည်းနည်းကျသွားတယ်ဗျ။ ရှက်စရာလို့တော့ မထင်ပါဘူး ။ ရထားက ထွက်သွားတော့မှပဲ သက်ပြင်းချနိင်တော့တယ်။ ၀ူး.....ဘယ်တော့မှ အိမ်ကို ပြန်လာရမလဲ မသိသေးအမေ။ အဖေနဲ့အမေ သာ ကျန်းမာရေးကို ဂရုစိုက် ။ အပွင့်လင်းဆုံး ပြောရရင် စစ်သားရယ်လို့ ဖြစ်လာမှတော့ အဖေ၊အမေ သေတာကို ဘယ်တော့မှ မြင်ရလိမ့်မယ် မဟုတ်ဘူးဆိုတာပဲ။ ဒီလိုနဲ့ အပြန်ခရီးမှာတော့ တိတ်ဆိတ်စွာနဲ့ပဲ အလွမ်းသင့်ပြီး ပြန်လာခဲ့ရတယ်။ တိုးတိုးတိတ်တိတ်နဲ့။ ကိုယ့်ဘေး၊ ဘယ်ညာ ကြည့်တော့လည်း အားလုံးကလည်း ငြိမ်သက်နေကြတယ်။ အော်...ကျွန်တော်တို့ မိသားစု ဖြစ်ပုံကို မြင်လိုက်လို့ စိတ်မကောင်း ဖြစ်နေကြတာ နေတာလားပေ့ါ ဆိုပြီး သေသေချာချာ ကြည့်လိုက်တော့မှ အမှန်က အိပ်ငိုက်နေကြတာကိုး။

ဒါနဲ့ မန္တလေး ဘူတာကြီးထဲ ရောက် ။ ဟိုရောက်တော့ ရထားပေါ်မှာ ခင်လာတဲ့ အစ်ကိုကြီးက သူနဲ့အသိ လူတွေ ရှိတယ်ပေ့ါ။ ဘူတာမှာ သေတ္တာသယ်ပေးခိုင်းမယ်ပေ့ါ။ ကားဂိတ်အထိ ၊ ဒါမှ မဟုတ် ဆိုက်ကား ဂိတ်အထိ တဲ့။ ဒါနဲ့ သေတ္တာဝိုင်းသယ်ပေးတဲ့ သူတွေ ဘာတွေနဲ့ ကျွန်တော် ဆိုးသွမ်းတို့များ ကံကောင်းနေလိုက်တာ။ အမယ်...ဒါတောင် သူက အစ်ကို ဆိုက်ကားဂိတ် အထိ လိုက်ပို့ပေးမယ် ဆိုပဲ။ ဒါနဲ့ ကိုယ်လည်း ဟုတ်ကဲ့...ကျေးဇူးပါပဲပေ့ါ။ ဒါနဲ့ အတူတူ စီးလာတဲ့ အစ်ကိုကြီးကို နုတ်ဆက်။ သေတ္တာတွေ သယ်ပေးတဲ့ လူတွေနောက် လိုက်ရင်း ဘူတာကြီးက ထွက်လာပါတယ်။ နောက်တော့မှ သိတယ်...ဆိုက်ကားဂိတ်လည်း ရောက်ရော အစ်ကို လက်ဖက်ရည်ဖိုးလေး မစပါတဲ့။ အင်း...ထင်တော့ ထင်သား။ အစကတည်းက မသင်္ကာနေတာ။ ဖြစ်ရမယ်ဆိုပြီး ၂၀၀ တန် တစ်ရွက်ထုတ်ပေး လိုက်တယ်။ နားလည်မှုပေ့ါ ။ ဒါတောင် ဒင်းက... သိပ်ကျေနပ်ပုံမပေါ်ဘူး။ ၅၀ တိုးမပေးလို့တဲ့။ ၂၅၀ တောင်းတာလေ။ ကျွန်တော့် အိတ်ထဲမှာလည်း ၂၅၀၀၀၀ လောက်ပဲ ပါတယ်ဗျ။ ဒါတောင် ဘယ်လိုပြောမလဲ တပ်ရောက်တဲ့ အထိပေ့ါနော်။ လမ်းမှာ စားရမယ့် သုံးရမဲ့ ကားစရိတ်တွေကလည်း ရှိသေးတယ် မဟုတ်လား။ အတက်နိင်ဆုံး ချွေတာနေရတာ။

သူတို့ဘ၀ကိုလည်း နားလည်ပါတယ်။ ပညာမတက်တော့ ကာယနဲ့ ရင်းရတဲ့ ဘ၀။ တစ်ချို့အန်တီကြီးတွေဆို ဗိုက်ကြီးသည်တွေ ဖြစ်နေတာတောင် သေတ္တာဝင်ထမ်းတယ်ဗျာ။ တစ်ချို့ကလည်း အဘွားကြီးတွေ ပေ့ါ။ ဘယ် ခိုင်းချင်ပါ့မလဲ။ သူတို့က ပိုတောင် လုပ်ချင်မှာ မဟုတ်ဘူးဆိုတာ သေချာတာပေ့ါ။ ဒါပေမယ့် ၀မ်းတထွာ အတွက် ရှာဖွေရတယ် မဟုတ်လား။ ပိုက်ဆံဆိုတာ ဘယ်လို ရှာရခက်တယ် ဆိုတာ သာမန် မိသားစုက မွေးဖွားလာတဲ့ ကျွန်တော် ကောင်း၂ သိတာပေ့ါ။ ဒါနဲ့ သိပ်မတွေးအားပါဘူး...ကိုယ့်ကိစ္စကလည်း ရှိသေးတယ် မဟုတ်လား ။ ဒါနဲ့ လားရှိုးသွားဖို့ ဘယ်ကားကို စီးရမှန်း မသိဘူး။ ဒါနဲ့ ဟိုနား ဒီနား လျှောက်မေးတော့ ဘူတာကြီး အရှေ့ဘက်မှာ န၀ရတ် ကားဂိတ် ရှိတယ် ။ အဲဒီကနေ သွားလို့ရတယ်ပေ့ါ။ ဒါနဲ့ ကိုယ်လည်း အဲဒီကို ရောက်။ ပြီးတော့ စုံစမ်းကြည့်တော့ ကားက ဗန်ကားနဲ့ဆို ( ၇၅၀၀ ) ကျပ် ၊ ညနေ (၄) နာရီထွက်မယ် ။ မှန်လုံနဲ့ဆို ( ၄၅၀၀ ) ကျပ်။ ဒါပေမယ့် မှန်လုံက ည ( ၉ ) နာရီလောက်မှ ထွက်မှာ။ ပြီးတော့ လမ်းမှာလည်း ကုန်တွေပါတော့ ကြာဦးမယ်ဆိုတော့ ကျွန်တော်လည်း ဗန်ကားကို ပဲ ရွေးရတော့တာပေ့ါ။ ဒါနဲ့ အိပ်ထဲက နောက်ထပ် ထောင်တန် (၇) ရွတ်နဲ့ ငါးရာတန် ( ၁ ) ရွတ် သူတို့ဆီ အပြီးပြောင်းသွားကြတယ်။

ညနေရောက်တော့ ကျွန်တော့်လိုပဲ ခရီးသည် ဦးလေးကြီး (၃) ယောက် ၊ အန်တီကြီး (၂ ) ယောက် ၊ ကျွန်တော်နဲ့ ကားသမား အပါအ၀င် ပေါင်း ( ၆ ) ယောက် လားရှိုးကို ချီတက်ခဲ့ကြပါတယ်။ ထုံးစံအတိုင်း ဗိုက်ဆာတော့ တွေ့ရာဆိုင်ရပ် ၊ ပြီးတော့ ခရီးဆက်နဲ့ လား၇ှိုးကို မနက် (၄) နာရီလောက် ရောက်ခဲ့ပါတယ်။ မိုးတောင် မလင်းသေးဘူးပေ့ါဗျာ။ နေရာကတော့ ကျွန်တော်တို့ကို ခဏထားတဲ့ ဆေးရုံထဲမှာပေ့ါ။ ဟိုရောက်တော့ တစ်ချို့သူငယ်ချင်းတွေက ရောက်နှင့်နေကြပါပြီ။ ဒီကောင်တွေ ဒီလောက်စောစော ပြန်ရောက်နေတာ အိမ်နဲ့ သံယောဇဉ် သိပ်မရှိဘူးနဲ့တူတယ်လို့ တွေးရင်း ရယ်မိပါသေးတယ်။ ဒါနဲ့ ပစ္စည်းတွေ ချရင်း ကြိုရောက်နေတဲ့ သူငယ်ချင်းတွေကို နုတ်ဆက်ပေ့ါ။

အဲဒီနေ့ညနေ ( ၆ ) နာရီမှာပဲ လူစုံလား ပြန်စစ်ပါတယ်။ အာလုံးစုံတော့ လူစစ်တဲ့ ဗိုလ်ကြီးက လောလောဆယ် ဒီမှာပဲ နေရမည် ဖြစ်ကြောင်း ၊ တိုင်းမှုးနှင့်တွေ့ပြီး သည်နှင့် တပ်တွေကို သွားရမည် ဖြစ်ကြောင်း မှာကြားပါတယ်။ မနက်ဖြန်ရောက်တော့ ဒီဆေးရုံထဲ က အဆောင်မှာ ဘယ်ကြာကြာနေနိင်မလဲ။ ဟိုစူးစမ်း ဒီစူးစမ်းဖို့ ထွက်တာပေ့ါ။ အဲဒီမှာ လားရှိုးမြို့နှင့် ကျွန်တော်တို့ ပထမဆုံး စတင်မိတ်ဆက်ခဲ့ပါတယ်။

ဒီလိုဗျ......

ဆက်ရန် ။

ကျွန်တော်တို့ ယဉ်တန်းဟာ လားရှိုးမြို့ရဲ့ တပ်ဆေးရုံတစ်ခုဖြစ်တဲ့ ကုတင် ( ၇၀၀ ) ကို ရောက်ရှိ လာပါတယ်။ ဒါနဲ့ ပစ္စည်းတွေချ ၊ လူစစ် ၊ တန်းစီ ပါတယ်။ တပ်မတော်မှာ ဘယ်နေရာကိုပဲ သွားသွား ၊ လူပြန်စစ်ပါတယ်။ အားလုံးပြီးတော့ ဘာဂျာဆောင်လို့ ခေါ်တဲ့ အဆောက်အဦး ( ဟော ) မှာ နေရာချပေးပါတယ်။ ဒါနဲ့ ကျွန်တော်လည်း နေရာကို ဖုန်ခါ ၊ သန့်ရှင်းရေး လုပ်ပြီး ပါလာတဲ့ ဟာလေးတွေ ထုတ်ခင်းတာပေ့ါ။ တော်သေးတယ် မုံရွာစောင် ခပ်ပါးပါး ၂ ထည်ပါလာလို့။ တစ်ထည်ကို ထုတ်ခင်း ၊ တစ်ထည်ကို ခြုံပေ့ါ။ ကိုယ့်သေတ္တာကိုယ် ဘေးမှာ ထားပြီး မျက်နှာသစ် ၊ ကိုယ်လက်ဆေးပြီးတာနဲ့ ထမင်းစားဖို့ အသင့်ပြင်ထားတဲ့ နေရာမှာ သွားစားကြပါတယ်။ အဲဒီတုန်းက ကျွန်တော်တို့ကို ( ၆၂၆ ) ထောက်ပံရေး တပ်က လာ ကျွေးပါတယ်။ ဒါနဲ့ စားပြီးတော့ ခရီးပင်ပန်းတာကြောင့် အိပ်ရာစောစော ၀င်ခဲ့ပါတယ်။

မနက်ရောက်တေ့ာ ကျွန်တော်တို့ ဆေးရုံထဲ ရောက်နေတယ်ဆိုတာ နိးတော့မှ သိတယ်။ ဒါတောင် အပြင်ထွက်တဲ့ သူတွေ ပြောမှ သိတာ။ တစ်ချို့သူတွေက အားထည့်တယ်လို့ ပြောရမလိုပါပဲ။ စောစောထပြီး ဟိုလျှောက်ကြည့် ဒီလျှောက်ကြည့်ပေ့ါ။ ဝေးဝေးတော့ သွားလို့မရပါဘူး။ ဘာလို့လည်း ဆိုတော့ တိုင်းမှုးက ကျွန်တော်တို့ကို တွေ့မယ်လို့ ပြောထားတာကိုး ။ နောက်ပြီး အကြားချင်ဆုံး စကားတခွန်းကိုလည်း ကြိုပြီး ပြောထားသေးတယ် ခင်ဗျာ။ တိုင်းမှုးနဲ့ တွေ့ပြီးတာနဲ့ ခွင့်ပြန်ရမယ် ဆိုတာပါပဲ။ ( ၁၀ ) ရက်ပေးမယ်တဲ့ ။ ဒီ ( ၁၀ ) ရက်တော့ ကျောင်းဆင်းလာတဲ့ အရာရှိငယ်တိုင်း ရကြပါတယ်။ တစ်ချို့တွေကြတော့လည်း နေတာက မြစ်ကြီးနား ၊ တာဝန်ကျတာက တနင်္သာရီ ဆိုတော့ လမ်းမှာတင် ကြာကုန်တာပေ့ါဗျာ။ အဲဒီလို့ ကပ်သီးကပ်သပ် အနေအထားမျိုးတွေလည်း ရှိတာပေ့ါ။ ဒါနဲ့ တိုင်းမှုးနဲ့ တွေ့မဲ့ နေ့ကို စောင့်ရင်း စောင့်ရင်း မျှော်လင့်ထားတဲ့ ရောက်ပြီး နောက် ( ၂ ) ရက် အကြာမှာတော့ တိုင်းမှုးနဲ့ တွေ့ရပါတယ် ခင်ဗျာ။ အဲဒီတုန်းက အရှေ့မြောက်တိုင်း စစ်ဌာနချုပ် တိုင်းမှုးက ဗိုလ်ချုပ်မြင့်လှိုင်ပါ။ အရပ်က ၅ ပေ ၅ လောက်ပဲရှိပါတယ်။ ပိန်ပိန် နဲ့ သဘောအင်မတန် ကောင်းတဲ့ တိုင်းမှုးတစ်ယောက်ပါ။ သူနဲ့တွေ့မယ်ဆိုတော့ ယူနီးဖောင်းဝတ် ၊ ဖိနပ် ၊ ခါးပတ် ၊ ကော်လံဂျက် ၊ အပွင့် အကုန်တိုက်ချွတ်ပြီး မနက် ( ၉ ) နာရီလောက် တိုင်းရုံးမှာ သွားစောင့်နေရတယ်။ လူစုံတော့ တိုင်းမှုး ရောက်လာပါတယ်။ အဲဒီအခါ သတင်းပို့ ၊ တန်းအပ်ပြီး တိုင်းမှုးက “ အခုလို သူ့အုပ်ချုပ်ရတဲ့ တိုင်းမှာ တာဝန်ကျတဲ့ အတွက် ၀မ်းသာဂုဏ်ယူမိကြောင်း ၊ ကြိုဆိုပါကြောင်း ၊ ပြီးတော့ ကျွန်တော်တို့ တပ်မတော်နဲ့ ပတ်သက်သော အချက်အလက် အနည်းအကျဉ်းကို မေးမြန်းပြီး ပြန်ထွက်သွားပါတယ်။ တိုင်းမှုး တစ်ယောက်ဆိုတော့ အချိန် မအားတာ ကြောင့်လည်း ပါတော့ သိပ်ကြာကြာ စကားမပြောလိုက်နိင်ပါဘူး။

နောက်တော့ G -1 ( စစ်ဆင်ရေးနှင့် ဆိုင်သော) ၊ Q - 1 ( အုပ်ချုပ်မှုနှင့် ဆိုင်သော ) ၊ A - 1 ( ဥပဒေနှင့် ဆိုင်သော ) စတဲ့ ဒုတိယ ဗိုလ်မှုးကြီးများက သူတို့နှင့် သက်ဆိုင်သော အခြေအနေ များကို လိုက်နာ စောင့်ထိန်းဖို့ မှာကြား ပါတယ်။ ဒီလိုနဲ့ အားလုံးပြီးတော့ အကြားချင်ဆုံး စကားလေး တစ်ခွန်းကတော့ ဒါပြီးရင် MO ထုတ်ပေးပြီး မနက်ဖြန် ခွင့် ( ၁၀ ) ရက်ပေးလိုက်ပါဆိုတော့ ရင်ထဲမှာ ၀မ်းသာလုံး ဆို့သွားတာပေ့ါ။ အိမ်ကို ခဏပြန်ရမယ် ဆိုတာ ကြိုသိနေပေမယ့် စောစောစီးစီး တော့ မမျှော်လင့်ထားပါဘူး။ ဒါနဲ့ လာရှိုးမြို့ကို ရောက်ခဲ့ပေမယ့် လျှောက်မကြည့်နိင် သေးပဲ အိပ်ပြန်ဖို့ ပြင်နေခဲ့ပါတယ်။ အဲဒီမှာ နည်းနည်း စပြီး အခက်တွေ့တာက ကား ။ လားရှိုးကားဂိတ်က ဘယ်နားရှိမှန်း လည်း မသိဘူး။ နောက်ပြီးတော့ MO ထုတ်ပေးတယ် ဆိုပေမယ့် ပြန်သွားရမှာ ရထားလမ်းကြီးပဲဗျ။ ဟဲ..ဟဲ ။ ဒီတခါတော့ ဘယ်ရမလဲ ။ မစီးတော့ဘူး။ သိသွားပြီ။ နောက်ပြီး အိမ်ကို မြန်မြန် ရောက်ချင်တာက တစ်ကြောင်း ၊ ရထားဆို နောက်ကျမှာက တစ်ကြောင်းကြောင့် ဘယ်သူမှ မစီးကြပါဘူး။ ဒါကြောင့် ကားစင်းလုံးဌားဖို့ စီစဉ်ရတာပေ့ါ။

အိမ်ပြန်လမ်းသို့....

ဘယ်က ဌားရမှန်းမသိဘူး။ နောက်တော့ ကားဂိတ်ဘယ်မှာ ရှိသလဲ မေးရင်းနဲ့ ကျွန်တော်ရယ် နောက်တစ်ယောက်ရယ် ကားသွားဌားတာပေ့ါ။ မေးစမ်းပြီး သွားရတာ။ ကားဂိတ်ရောက်တော့ ကားက ဟိုင်းလပ်ကားပါ။ သူတို့ကလည်း မန္တလေးကို ဆင်းမှာ အချိန်က မမှီတော့ဘူး။ ဘာလို့လည်း ဆိုတော့ အဲဒီအချိန်တုန်းက ညနေ ( ၄ ) နာရီ ရှိနေပါပြီ။ ဒီတော့ နောက်ချို ဂိတ်က ပိတ်တော့မှာ ဆိုတော့ သွားချင်ရက်နဲ့ သူတို့က မသွားဖြစ်တဲ့ အချိန် ၊ ကျွန်တော်တို့ကလည်း ပြန်ချင်နေတာဆိုတော့ သူတို့ကို ကတိပေးလိုက်ပါတယ်။ ရအောင်ပြောပေးမယ်လို့ ။ တိုင်းမှုးအမိန့်ပါတယ်။ အကြောင်းမဟုတ်ပါဘူးပေ့ါ။ ဒီလိုနဲ့ သူတို့ကလည်း ကုန်တွေအနည်းငယ်တင်ပြီး ဌားချလာခဲ့တယ်။ ဟိုရောက်တော့ လိုက်ချင်တဲ့ သူက များနေတယ်။ ကားက မဆန့်ဘူး။ အားလုံး ၂၀ လောက်ရှိမယ် ။ ပစ္စည်းတွေနဲ့တင် ရှုပ်နေတာ ဆိုတော့ ။ အရင်ပြောထားတဲ့ လူ ၇ ယောက်ကိုပဲ ခေါ်ပြီး တစ်ယောက်ကို ၃၀၀၀ ကောက်ပါတယ်။ ဈေးနည်းနည်း ချိုတာပေ့ါခင်ဗျာ။ ဒါပေမယ့် လူတွေချည်း သီးသန့်စီးတဲ့ ကားမဟုတ်တာကြောင့်ရယ် ၊ သူတို့ ကုန်တွေပါ ပါတာကြောင့်ရယ် ၊ မနက် သူတို့ကုန် ပစ္စည်း အချိန်မှ ရောက်တာ အားလုံးကြောင့် ယဉ်စီးခ လျှော့ယူတာပါ။

Van ကားနဲ့ဆို အပြန်ဆိုရင် ကျွန်တော်ဒီကိုမလာခင် ၂၀၀၄ တုန်းက ကျပ် - ၇၀၀၀ လောက်တော့ ရှိပါတယ်။ လခက အဲဒီတုန်းက ကျောင်ဆင်းစ အရာရှိ ဒုဗိုလ် ကျပ်- ၁၁၀၀၀ ပဲရတာပါ။ ဒီတော့ ပစ္စည်းတွေတင် လူစုနဲ့ ညနေ ၇ နာရီလောက်မှ စထွက်ဖြစ်ခဲ့ပါတယ်။ မြန်မာအချိန် ( ၇ ) နာရီဆိုတာကလည်း မှောင်နေပြီ မဟုတ်လား။ ဒီတော့ ကားမောင်းသမားကို အရက်မသောက်ဖို့ တောင်းပန်ရင်း ၊ သတိပေးခဲ့ပါတယ်။ အားလုံးပေါင်း ၉ ယောက်ဗျ။ ကားသမား ၊ စပယ်ယာ ၊ ကျွန်တော်တို့ ( ၇ ) ယောက် ပေ့ါ။ ဒီတော့ လမ်းခရီးသွားရင် ( ၉ ) ယောက်ဆို မသွားကောင်းဘူး ဆိုပြီး မောင်ကျောက်ခဲ မင်းလည်း လိုက်ခဲ့လို့ ပြောပြီး ကျောက်ခဲ တစ်လုံးကို ကောက်တင်ခဲ့ပါတယ်။ စားစရာ အတွက်ကတော့ မပူရပါဘူး။ ဘာလို့လည်း ဆိုတော့ ကျွန်တော်တို့ တတွေချည်းပဲ ဆိုတော့ ဗိုက်ဆာတာနဲ့ အနီးဆုံး ဆိုင်မှာ ၀င်ရပ်ပြီး စားလို့ ဖြစ်နိင်တာကြောင့် ဘာမှ မ၀ယ်ဘဲ ပြန်ခဲ့ပါတယ်။

ကားလမ်းခရီးက ညဘက်ဆိုတော့ သိပ်လည်း ဘာမှ မမြင်ရပါဘူး ခင်ဗျာ။ ဒါပေမယ့် တောင်တက်လမ်း အကွေ့အကောက်တွေ များတယ်ဆိုတာကတော့ သေချာတယ်ပါတယ် ။ ကျွန်တော်တို့က အိပ်လိုက်တာကိုး။ ကားနောက်ပိတ်ကို တွဲလောင်းချပြီး အဲဒီပေါ် တစ်ယောက်နဲ့ တစ်ယောက် ထပ်အိပ်ပြီးလိုက်တာ ။ နည်းနည်း ကြောက်တဲ့ ကောင်တွေကို အထဲမှာထည့် ၊ ကျွန်တော်တို့က အပြင်က ပေ့ါ။ ကျွန်တော်က မကြောက်တက်လို့ မဟုတ်ပါဘူး။ အထဲမှာ ကားစီးရင် အိုက်လို့ပါ။ ဒါကြောင့် အပြင်ထွက်စီးတာပေ့ါ။ အပေါ်က မိုးကောင်ကင်ကြီးကို ကြည့် ၊ သီချင်းတွေ အော်ဆိုကြရင်း ကာလမ်း ညခရီးကို ဖြက်သန်းခဲ့ကြပါတယ်။ အိပ်လိုက်တာ ဆိုတော့...တောင်ပတ်လမ်းတွေမှာ ကြယ်တစ်လုံးကို ကြည့်လိုက် ၊ အဲဒီကြယ်ကို ကြည့်နေရင်း တော်ကြာ ညာဘက် ရောက်လိုက် ၊ ဘယ်ဘက်ရောက်လိုက် ၊ အတည့်ဖြစ်လိုက် နဲ့ ကြယ်ကတော့ တစ်နေရာတည်းပေ့ါ ကိုယ်ကသာ တောင်တက် ဆိုတော့ ပတ်နေတာလေ။ ပျော်စရာတော့ တော်တော်ကောင်းတယ်ဗျာ။ ညဆိုတော့ နေမရှိတော့ မပူဘူး။ အေးကလည်း အေးနေတာကြောင့် ခရီးသွားရတာ သင့်တော်ပါတယ်။

လားရှိုးကားလမ်း တစိတ်တပိုင်း

ဒီပုံလေးကတော့ နောင်ချိုဂိတ်ပေ့ါ။ တံတားက ပေးမဖြတ်ဘူးဗျ။ ၆ နာရီကျော်ရင်လား ၉ နာရီကျော်ရင်လား ဆိုတောတော့ သေသေချာချာ မမှတ်မိတော့ပါဘူး။ ဒါနဲ့ အဲဒီနားကို ဖြက်တော့ တံတားမှာ တာဝန်ရှိသူတွေကို အကျိုးအကြောင်း ပြောပြပြီး ဖြက်သန်းခွင့် တောင်းကာ ဖြက်ခဲ့ကြပါတယ်။ တပ်မတော်သားတွေ ဆိုတော့ အကြောင်း မရှိပေမယ့် နောင်ချို အထွက်မှာတော့ မူးယစ်က စစ်ဆေးရေးနဲ့ တွေ့တဲ့အခါမှာတော့......

“ ကျွီ....အား ၊ သေပါပြီဗျ ၊ ဟ...ဘာဖြစ်တာတုန်း ” ဆိုတဲ့ အသံပေါင်းစုံနဲ့ အတူ ကျွန်တော်လည်း တော်တော် ဒေါသထွက်စွာနဲ့ ကားသမားကို အော်ပြောတာပေ့ါ။ အားလုံးက အိပ်နေကြတာ ဆိုတော့ အမှတ်မထင် ဘရိတ်အုပ်လိုက်တော့ တိုင်နဲ့ ဆောင့်တဲ့လူ ဆောင့် ၊ လူချင်း ခေါင်းချင်းတိုက်တဲ့သူ တိုက်နဲ့ ၊ တော်တော် ပျာယာခက်သွားကြတယ်။ နောက်တော့ ဘေးနားမှာ ဓာတ်မီးရောင်တွေ လက်ခနဲ့နဲ့ ဟိုထိုး ၊ ဒီထိုး လိုက်ထိုးတော့မှ အကြောင်းစုံသိတာ။ အဲဒီမှာ ပြဿာနာက........ သူတို့က ဟိုလှန် ဒီလှန် လုပ်တော့ အိပ်နေတဲ့ လူတွေလည်း အကုန်နိးကုန်ရော။ ပြီးတော့ တာဝန်အရ စစ်နေတယ် ဆိုပေမယ့် စကားပြောတော့ နည်းနည်း ချိုသင့်တာပေ့ါနော်။ ပြီးတော့ ကျွန်တော်တို့ကလည်း စစ်သားတွေဆိုတော့ နည်းနည်း နားလည်ပေးသင့်ပါတယ်။ ဒါနဲ့ ခွင့်ပြန်လာတာ ၊ အချိန်မမှီမှာဆိုးလို့ ညဘက်ကြီး ဆင်းလာတာပါပေ့ါ။ ပြောပြလိုက်တော့ နားလည်သွားပြီး ဆက်မောင်းခွင့် ရခဲ့ပါတယ်။

တဖြည်းဖြည်းနဲ့ မောင်းလာလိုက်တာ မနက် ၅ နာရီလောက် ကျတော့ ပြင်ဦးလွင်ကို ပြန်ဝင်လာပါတယ်။ ကျွန်တော်လည်း ရောက်တာနဲ့ အဖေ နဲ့ အမေ တည်းနေတဲ့ နေရာကို ကားကို မောင်းခိုင်း ။ ဟိုရောက်တော့ ၂ ယောက်လုံးကလည်း ၀မ်းသာနေကြတယ်။ ကားသမားတွေကို နုတ်ဆက် ၊ သူငယ်ချင်းတွေ ကို နုတ်ဆက်နဲ့။ ပြီးတော့ ၂၄ မိုင်ဂိတ်ကိုလည်း သေသေချာချာ ပြောပြဖို့ မှာလိုက်ပါသေးတယ်။ ကဲ..သွားပေဦးတော့ သူငယ်ချင်း တို့ရေ။ နောက် ၁၀ ရက်ကျော်ရင် ပြန်တွေ့မယ်ကွ လို့ ပြောရင်း ကားကလဲ ပြန်လည် မောင်းထွက်သွားခဲ့ပါတယ်။ အော်...ဒီလိုပဲ ဘ၀မှာ ခဏတာ ခွဲလိုက် ၊ ခဏတာ ပြန်တွေ့လိုက်နဲ့ ။ အတည်တကျ အခြေအမြစ် မရှိခဲ့ပါဘူး။ အထူးသဖြင့် ကျွန်တော်တို့ စစ်သားဘ၀တွေကို သွားချင်တိုင်း သွား ၊ လာချင်တိုင်း လာလို့မှ မရတာကိုး။။

ဒီလိုနဲ့ အဖေနဲ့ အမေ့ကို ပြန်တွေ့တော့ အကြောင်းစုံရှင်းပြရင်း ချက်ချင်း မန္တလေးကို ဆင်းဖို့ ပြင်ခဲ့ပါတယ်။ အိမ်ပြန်လက်ဆောင်ကတော့ ဘူတာကြီး ရောက်မှ ၀ယ်မယ်ပေ့ါ။ ဒီလိုနဲ့ သားအမိသားအဖ ( ၃ ) ယောက် မန္တလေးကို ဆင်းခဲ့ပါတယ်။ ကားက မန္တလေး ( ၃၅ ) လမ်းမှာ ရပ်ပေးတော့ အဲဒီမှာ ပစ္စည်းတွေ ချပြီး ဘူတာကြီးကို သွားဖို့ ( ၃ ) ဘီးကား ဌားပါတယ်။ ဟဲဟဲ...။ နီးနီးလေး ဆိုတော့ သေတ္တာကလည်း မသယ်ချင်တာနဲ့ ဌားလိုက်တာ။ ပစ္စည်းတွေလည်း အားလုံး စစ်လိုက်ရော ဘာပြောကောင်းမလဲ ဖိနပ်ထုပ်ကြီး ကားပေါ်ပါသွားတာ ။ ရှိသမျှ ဖိနပ် အကုန်ပါသွားတာ။ လောလောဆယ် စီးထားတဲ့ ခြေညှပ်ကတ္တီပါ ပဲ ကျန်ခဲ့တယ်။ ဒါတောင် မစီးဘဲ ထည့်ထားရင် ပါသွားမှာ။ ကွန်ဘတ်ဖိနပ် ၊ ဘောကန်ဖိနပ် ၊ ရှုးဖိနပ် ၊ ကင်းဘတ် ၊ အကုန်ပါသွားတာ။ ပြောင်ပါလေရော။ ဒါနဲ့ ၀တ်စုံကြီးနဲ့ ပြန်ရင် ရှုးဖိနပ်မရှိလို့ နှီးရာ ဆိုင်မှာ ၀င်ဝယ်တာ ၈၀၀၀ ပေးလိုက်ရတယ်။ ဆိုးပ...ဘ၀ကလည်း။ အဲဒီလို သေသပ်တာပေ့ါ ။

ဒီလိုနဲ့ ဘူတာကြီးကို ရောက်လာတဲ့ အခါမှာတော့ဗျာ......

ဆက်ရန် ။