ဆိုးသွမ်း

ကဗျာရေးလိုက် ၊ နောက်တော့ သီချင်းလိုင်းရောက်လိုက် ၊ ရုပ်ရှင်ကြော်ငြာလိုက် ၊ ဘလော့ဂ်ရေးရတာ ကိုယ့်ကိုကိုယ် ဘယ်လိုင်း ရောက်နေတယ် လို့တော့ မသိတော့ပါဘူး။ ဒါပေမယ့် စာဖတ်သူအတွက် တခုခုတော့ ပေးစွမ်းနိင်မယ်လို့ ယူဆပြီး တင်ပြခွင့်ကို ကြိုးစားနေရတာနဲ့ပဲ ကြေနပ်ပါတယ်။ အခုလည်း တရားတွေ နားထောင်နေလို့ တရားရနေတာလည်း မဟုတ်ပါဘူး။ ရှေးက လူပြက်တွေပြောသလို “ နိဗ္ဗာန်ကို လာခေါ်ရင်တောင် ဒကာမလေး မပါသေးလို့ နောက်မှ လိုက်ပါမယ် ဘုရားလို့ပဲ ” ပြန်ထူးရမှာပဲ။ အကျွတ်တရား မရသေးတဲ့ လောကီလူသား ပီပီ သံသရာကို ခုံမင်ပါတယ်။ တရားသဘောကို နားလည်သဘောပေါက် သလို ထင်ရပေမယ့် မလုပ်နိင်သေးပါဘူး။ ဆရာတော် တပါးက ဟောပြောဖူးတယ်။ “ သိတယ်ဆိုပြီး မလုပ်ဘဲနေရင် တကယ်မသိသေးလို့ပဲတဲ့ ” အဲ ပြောရင်းနဲ့ ပြန်ရှုပ်လာပြီ။ နောက်တခုထဲကလို “ တစ်ဘ၀လုံးစာ အတွက် တချိန်လုံး စီးပွားရှာ ၊ ပညာရှာ နေရင် ၊ တစ်သံသရာ လုံးစာအတွက်တော့ အနည်းငယ် ၀ိပဿာနာ ရှာသင့်ပါတယ်တဲ့ ” ။ ပြောချင်တာနဲ့ ရောနေပြီ။

ကျွန်တော်တို့ အရပ်ထဲမှာ စကားပုံ တခုရှိတယ်။ ဘာတဲ့ “ ဖွတ်မရ ဓါးမဆုံး ” သူ့ဆိုလိုချက်နဲ့ သူတော့ မှန်သလိုလိုတော့ ရှိတယ်နော်။ သေချာစဉ်းစားကြည့်။ ဖွတ်တစ်ကောင်တွေ့တယ်။ လိုက်တယ် ။ လမ်းမ ဓါးမကျပျောက်တယ် ၊ ဒါမှမဟုတ် ဖွတ်က ရေကန်ဘေးနားနေလို့ ဓါးနဲ့ လှမ်းပစ်တာ ဖွတ်မထိပဲ ဓါးရေထဲကျတယ်။ ကြိုက်သလိုပေ့ါဗျာ။ ဆိုလိုရင်းက “ ဟိုဟာကိုလည်း မရဘူး ၊ ကိုယ့်ဟာလည်း ဆုံးရှုံးတယ် ” ။ ဒီစကားပုံက အရပ်ထဲက စကားပုံ။

တခါတုန်းကလည်း ကျန်စစ်မင်းအကြောင်း ရေးခဲ့ဖူးပါတယ်။ အဲဒီတုန်းက အင်မတန်လေးစားရတဲ့ ကျန်စစ်မင်းကြီးဟာ ကိုလူမင်းရဲ့ ရိုက်ချက်အောက်မှာ အခြေအနေအရ မယားတွေပဲ ယူပြနေရလို့ နှာဘူးကြီး လို့တောင် ထင်ကုန်ကြပါတယ်။ ယခုလည်း ကျန်စစ်မင်းနဲ့ အနော်ရထာ အကြောင်းကို အနည်းငယ် ပြောပြချင်ပါတယ်။ အထူးသဖြင့် အနော်ရထာပေ့ါ။ သမိုင်းမှာထက် ၊ လူတွေရဲ့ ပါးစပ်ဖျားမှာ

(၁) - ကျန်စစ်သားက သူ့မယားကိုထိလို့ လှံနဲ့ပစ်သတ်ပေမယ့် ကျန်စစ်သား သစ္စာတရားကို လှံက သိတာကြောင့် မထိပဲ လွဲချော်ခဲ့ရပုံ

(၂) - အနော်ရထာမင်းကြီး ကို ထိန်ပင်စောင့်နတ်က ဘ၀ဟောင်းက အကြွေးကြောင့် ကံနိမ့်နေချိန်မှာ ကျွဲယောင်ဆောင် ခတ်ကာ သေဆုံးစေပုံ

အဲဒီ ၂ ချက်လေး အကြောင်း ဓမ္မစေတီဆရာတော် ရှင်းပြထားတာကို ပြန်လည် ရေးသားဖော်ပြချင်ပါတယ်။ ကျွဲခက်သေခြင်းသည် မှန်သော်လည်း နတ်များကြောင့်ဟု ဆိုခြင်းကြောင့် ထေရ၀ါဒ၏ အစစ်အမှန်ကို လွဲသွားကြတော့သည်။ ထေရ၀ါဒ၌ နတ်မရှိပါ။ ပုဂံရာဇ၀င်မှာ ကျန်စစ်သားသည် တစ်ကြိမ်သွားပြီး စစ်တိုက်ခဲ့သည်။ ထိုအချိန် ကျန်စစ်သားနှင့် မဏိစန္ဒာတို့ ချစ်သူဖြစ်သွားကြသည်။ သို့သော် ကျန်စစ်သားသည် မိမိ၏ ဘုရင့်ဘဏ္ဍာတော် မိဖုရားဖြစ်မည့် မဏိစန္ဒာကို ရိုရိုသေသေပင် လေးစားစွာ ဆက်ဆံခဲ့သည်။ သို့သော် မဏိစန္ဒာသည် မိမိချစ်သူ၏ “ အရှင်မဘုရား ၊ သခင်မ ဘုရား ” ဟု ကျန်စစ်သားခေါ်တွင်သည်ကို မခံစားနိင် ၊ မိမိကို ချစ်သူတစ်ယောက်အဖြစ် ဆက်ဆံစေချင်သည်။

တညတွင် “ မဏိစန္ဒာမှ မြွေ...မြွေ ဟု မရှိဘဲ ထအော်သော အခါ ၊ ရဲမတ် ၀န်ထမ်းတို့မှ “ အဘယ်မှာနည်း သခင်မဟု မေးမြန်းရာ ” မဏိစန္ဒာမှ “ အသင်တို့ ၀န်းထမ်းများ ပေ့ါလျော့စွာ စောင့်ကြပ်ကြတယ် ” အသင်တို့ ခေါင်းဆောင် ကျန်စစ်သားကို ခေါ်စေ ” ဆိုပြီး မဏိစန္ဒာက ကျန်စစ်သားကို ခေါ်ပါတယ်။ ၄င်းခေတ်က ကျန်စစ်သားသည် တကယ့် စစ်သား ၊ လူရိုးကြီး ဖြစ်ပါသည်။ သူက စစ်အကြောင်းကိုပဲ နားလည်သည် ။ ထို့ကြောင့် မဏိစန္ဒာ၏ မာယာကို နားမလည် ။

ထိုအချိန် မဏိစန္ဒာမှ ကျန်စစ်သားအား “ အသင်မောင်မင်း ၊ မောင်မင်း၏ ရဲဘော်များသည် တာဝန်မကျေ ၊ ၄င်းတို့အား ငါမယုံ ၊ ထို့ကြောင့် အသင်တစ်ယောက်တည်းပဲ ကျွန်ုပ်အား စောင့်ကြပ်စေချင်ပါသည် ” ဟု အမိန့်တော် ပေးသောအခါ ကျန်စစ်သားလည်း မလွဲမရှောင်သာ လက်ခံလိုက်ရသည်။ မဏိစန္ဒာလည်း ရဲမတ်များ မရှိသည်နှင့် ကျန်စစ်သားရင်ခွင် အတွင်းသို့ ပြေးဝင်ဖက်တွယ်လိုက်လေတော့သည်။ သွားပြီ။ ဇာတ်လမ်းက အဲဒီမှ စတာပါပဲ။ မိမိ၏ အရှင့်မိဘုရားကို ထိမိခက်မိသူ လူရိုးကျန်စစ်သား အချစ်ပရိယာယ်ကို မသိခဲ့။

ထို့နောက် ကျန်စစ်သား နေပြည်တော် ပြန်ရောက်ပြီး အနော်ရထာထံ ဆက်သသည်။ အနော်ရထာကလည်း ကျန်စစ်သားနှင့် အတူ တခြားသူရဲကောင်းများကိုလည်း ဆုလဒ်များ ပြန်လည်ချီးမြင့်ခဲ့သည်။ ၄င်းအချိန် စောလူမင်းက အနော်ရထာအား “ အဖ...ခမည်းတော် ၊ ခမည်းတော်ကတော့ ကျန်စစ်သားကို ပုဂံသူရဲကောင်း ၊ သစ္စာရှိ သူရဲကောင်းကြီး ဆိုပြီး ချီးမြင့်နေသော်လည်း ၊ ခမည်းတော် သတ္တိရှိတယ်ဆိုလျှင် ၊ ကျန်စစ်သားသည် တကယ်သစ္စာရှိ ၊ မရှိအား ယခုမေးမြန်းနိင်ပါသည် ” ဟု လူပုံအလယ်တွင် လျှောက်တင်လိုက်သည်။

အနော်ရထာလည်း ကျန်စစ်သားအား “ မိမိအရာတော် အားထိမိပါသလားဟု ” မေးမြန်းရာ ၊ ကျန်စစ်သားမှ ထိမိပါကြောင်း ၀န်ခံလိုက်သည်နှင့် အင်မတန် စိတ်ဆိုးတော် မူသွားသည်။ တရားခံကလည်း မိမိလုပ်ကြောင်း ၀န်ခံသည် ၊ သားအရင်း စောလူမင်းကလည်း စွပ်စွဲထားသည် ၊ မှုးမတ်ဗိုလ်ပါ အလယ်တွင်လည်း ဖြစ်သောကြောင့် ပြစ်ဒဏ်စီမံသင့်သည်။ ၄င်းနောက် လှံတံကို ကောက်၍ ထိုးမည်ဟု ကောက်ကိုင်လိုက်သည့် အချိန်တွင် အနော်ရထာ ဤကဲ့သို့ စဉ်းစားလိုက်ပါသည်။

1. မိန်းမတစ်ယောက်အတွက် မိမိ၏ သူရဲကောင်းကို လှံနဲ့ထိုးသတ်သည့် အဖြစ် ပုဂံရာဇ၀င်မှာ မကျန်ရစ်စေလိုခြင်း ၊
2. ပုဂံရာဇ၀င်ကို တည်ထောင်ခါစမှာ မိမိတို့သည် ကျန်စစ်သားကဲ့သို သူရဲကောင်းလိုသည်။ အကယ်၍ ကျန်စစ်သားကို သတ်ခဲ့လျှင် ကျန်သည့် ညောင်ဦးဖီး ၊ ငလုံးလဖယ် တို့က နေမည်မဟုတ်။ မိမိကိုယ်တိုင်လည်း မသတ်ချင်ခဲ့ ၊
3. ငါသား စောလူမင်းကိုယ်တိုင်က ပြောပေမယ့် စောလူမင်း ပေါင်းသင်းသည့် လူမှာ ငရမန်ကန်း ( အရက်သမားနှင့် ပေါင်းဖော်သည် ) ၊ ကျန်စစ်သား ပေါင်းသင်းသည့် သူမှာ သူရဲကောင်းများ ။ ထို့အပြင် စောလူမင်း ပြောသည့်အချိန်၌ ၄င်း၏ မျက်လုံးထဲတွင် ကျန်စစ်သားအပေါ် မနာလိုသည့် အရိပ်များ ထင်ဟပ်နေသည် ထိုကြောင့် စောလူမင်းပြောတာကို မယုံ ၊

ထို့ကြောင့် ပရိယာယ်ဖြင့် လှံကို ကြိုးကို ထိအောင် ပစ်လွှတ်လိုက်တော့သည်။ လှံတံသိသည် မဟုတ်ပါ။ အနော်ရထာ သိချင်းသာ ဖြစ်ပါသည်။ ၄င်းနောက် ကျန်စစ်သားက “ ငါ၏ သခင်သည် လှံတံပစ်ရာတွင် တိကျသေချာသူ ၊ မည်သည့်အခါမှ လွဲချော်ခြင်းမရှိ ၊ ယခု ကြိုးကိုသာ ပစ်လိုက်သည် ၊ အရှင့်ထံတွင် အကြံရှိရမည် ” ဆိုပြီး လှံတံကို ကောက်ကာ ထွက်ပြေးသွားတော့သည်။

ညရောက်သော အခါ၌ မဏိစန္ဒာက “ မိမိနှင့် ကျန်စစ်သားမှာ ဟိုးအရင်ကတည်းက ချစ်သူများ ဖြစ်ကြောင်း ၀န်ခံလိုက်ရာ ” အနော်ရထာက “ ကြိုတင်ပြောကြားသင့်ကြောင်း ၊ သို့လျှင် မိမိကိုယ်တိုင် လက်ထပ်ထိမ်းမြှားပေးဦးမည် ဖြစ်ကြောင်း ၊ ယခုတော့ မဖြစ်သင့်တာတွေ ဖြစ်ကုန်ပြီ ” ဟုဆိုလေတယ်ပေ့ါဗျာ။

အဲဒီတော့ အနော်ရထာရဲ့ အိမ်တွင်းရေးကလည်း အဆင်မပြေ ၊ ကျန်ရှိသည့် သူရဲကောင်းများ ဖြစ်ကြသည့် ၃ ဦးအားလည်း ကျန်စစ်သားကို ရှာဖွေရန် လွှတ်လိုက်ခြင်းကြောင့် သူရဲကောင်းများ အနားမှာ မရှိသည့် အချိန် ၊ ပုဂံတိုင်းအား ဆင်နှင့် လှည့်လည်နေစဉ် မုဆိုးမတစ်ဦးက မိမိလယ်တွင် ဆင်နီးပါးရှိသည့် ကျွဲရိုင်းကြီးတစ်ကောင် လာရောက် သောင်းကျန်းနေခြင်းကြောင့် အရှင်မင်းကြီးအား အကူအညီတောင်းခံအပ်ပါသည်ပေ့ါ။

ထိုအခါ စစ်သူကြီးတို့က အရှင်မင်းကြီး ဆက်လက် လှည့်လည်ပါပေ့ါ။ စကားအနေနဲ့ပြောတာပါ။ ကျနော်မျိုးတို့ ကြည့်ရှင်းလိုက်ပါမယ်လို့ ဆိုပေမယ့် အနော်ရထာက မိမိသည် ဘုရင်ဖြစ်ကြောင်း ၊ မိမိအုပ်ချုပ်သည့် နယ်ပယ် ၊ တိုင်းပြည်မှာ ပြည်သူတစ်ဦး ဒုက္ခရောက်လျှင် မိမိ၌ တာဝန်ရှိကြောင်း ၊ ထို့ကြောင့် မိမိကိုယ်တိုင် ဖြေရှင်းမည်ဟု ဆိုကာ လယ်ကွင်းထဲ သွားရောက်ခဲ့သည်။ လယ်ကွင်းထဲ၌ ဆင်ပေါ်က အနော်ရထာနှင့် ကျွဲတို့ တွေ့ကြပြီ။

ဆင်သည် ဦးချိုကားကားနှင့် ကျွဲကို ကြောက်လှန့်သည်။ ၄င်းအချက်က အနော်ရထာကို တပန်း အရေးစတင်နိမ့်စေသည်။ ထို့အပြင် ကိုင်နေကြ အရိန္နမာလှံက မရှိ ၊ အိမ်ထောင်ရေးမသာယာ ၊ ကျန်စစ်သားအားလည်း ပြန်လာစေချင်သော ဘုရင်တို့၏ သူရဲကောင်းအပေါ် လွမ်းဆွတ်မှုကြောင့် စိတ်ဓတ်ကျနေသော အနော်ရထာသည် လှံ ၃ စင်းတိုင်တိုင် ပစ်လွှတ်သော်လည်း ကျွဲကို မထိဘဲ မိမိသာလျှင် သေဆုံးသွားခဲ့ရသည်။

မည်သည့် ထိန်ပင်စောင့်နတ်ကြောင့်မှ မဟုတ်ပါ။

ပုဂံခေတ်မှသည် ယနေ့အထိ တသက်လုံး မှားယွင်းလာခဲ့သော အချက်အလက်များစွာ ရှိနေပါသည်။ သို့သော် ထို တသက်လုံး မှားယွင်းလာခဲ့သော အချက်အလက်များအား အကြောင်းအမျိုးမျိုးကြောင့် ကျယ်ပြန့်နိင်ခြင်း မရှိခဲ့လျှင် ထိုအမှားများသည် ကြာရှည်လျှင် အမှန်ကဲ့သို ဖြစ်သွားတက်ပါသည်။ ဥပမာ -

မူလစာသားက ( ပန်းပဲ တူငြိမ် - ပန်းတိမ်ရွှေခို - သံဖြူ မအေး လို ) - ပန်းပဲ ထုလျှင် တူကို ငြိမ်နေအောင် ကိုင်နိင်ရသကဲ့သို့ ၊ ပန်းတိမ်ကျွမ်းကျင်လျှင် ရွှေကို ခိုလုပ်ပေးတက်ခြင်း ၊ သံဖြူသည် အေးလျှင် ကွဲတက်သည် ၊ ဆိုသည့် စကားကို ( ပန်းပဲ လူလိမ် ၊ ပန်းတိမ်ရွှေခိုး ၊ သံဖြူမအေ...) ဖြစ်သွားတော့သည်။

ထားဝယ်ယို ကြပ်ခိုး ၊ ရှမ်းရိုး လင်ကိုး

( ထားဝယ်များ ၊ ဘိတ်များသည် အသားမည်း၏။ ထားဝယ်ယိုသည် ကြပ်ခိုးရောင်ကဲ့သို့ မည်းမည်းသည်းသည်း ဖြစ်ပါသည် ။ သို့သော် အရသာကောင်းသကဲ့သို့ ထားဝယ်များ ၊ ဘိတ်များ၏ စိတ်ထားသည် အလွန်ကောင်း၏။ သို့သော် အလွန်ရိုးသားကြသည်။ ထို့ကြောင့် ထိုသို့ ရိုးသားခြင်းကို ချစ်ခင်သော အားဖြင့် တင်စား၍ ထားဝယ်ရိုး ကြပ်ခိုးဟု ခေါ်ဆိုကြခဲ့သည် ။ ထိုနည်းတူ ရှမ်းမ များသည်လည်း ရိုးသားကျ၏။ မိမိလင်သားအပေါ် ဘုရား ၊ သားကို သခင်ကဲ့သို့ ကိုးကွယ်တက်ကြသည် ) ထိုသို့ အဓိပ္ပယ်ရှိခဲ့သော်လည်း ယနေ့ခေတ်တွင် ထားဝယ်ရိုးတော့ လင်ခိုး ၊ ရှမ်းရိုးတော့ ကြက်ခိုး ဟု စကားလုံးများ ပြောင်းလဲ လာတော့သည်။

မယားနေစ ချောင်သေမှ

ယနေ့ခေတ်တွင် မယားသေစ ကြောင်သေမှဟု ပြောဆိုလာကြသည်။ မယားတစ်ယောက် စရပြီဆိုလျှင် ပြန်မလှန်နိင်အောင် ကြောင်ကို ရိုက်သကဲ့သို့ နှိပ်ကွပ်ထားခိုင်းတက်ကြသည်။ မူရင်း အမှန်အစစ်မှာ မယားတစ်ယောက်သည် လှသည် ၊ ပြည့်ဖြိုးသည် ၊ ဟုတ်ပြီ ၄င်းအချက်များနှင့် ပြည့်စုံသော်လည်း မီးဖိုးချောင် မနိင် ၊ ဘုရားစင်တွင် ပန်းမရှိ ၊ အိမ်တွင်းမှာ အ၀တ်အစားများ ပြန့်ကျဲလျှက်ရှိ ၊ သွားပြီ။ ထိုသို့မဟုတ်ဘဲ လူမမြင်ရသည့် ချောင်နေရာများ တွေ၌ ပင်လျင် သန့်ရှင်းစွာ သေသေသပ်သပ် ထားနိင်ခြင်း ၊ သိမ်းသိမ်းဆည်းဆည်း ရှိနိင်ခြင်းများ လုပ်နိင်ပါက ၄င်းအမျိုးသမီးသည် တော်သည်ဟု ချီးမွန်းသင့်သည် ။ ထိုအကြောင်းအရာကို ဆိုလိုချင်းဖြစ်၍ မယားနေစ ချောင်သေမှ ဟုမြန်မာစာပေးက ညွှန်းပါသည်။


ဇောက်မှန်းကမ်းမှန်း

လှေသမားများသည် ကမ်းကိုလည်း သိရသည် ၊ ဇောက်ကိုလည်း သိရသည်။ လှေများ ၊ သဘောင်္များသည် ကမ်းကပ်ရာတွင် အလွန်အရေးကြီးပါသည်။ ကမ်းကို မကပ်ဘဲ ၊ ဇောက်ကို ( ချောက် ) ကပ်မိသော် လှေ ၊ သင်္ဘောနစ်ခြင်းများ ဖြစ်တက်ကြသော်ကြောင့် လှေသမားများသည် ကမ်းကိုပဲ ကမ်းရပါသည်။ ဇောက်ကို မကပ်ရပါ။ ဆိုရလျှင် မည်သည့်နေရာသည် အသုံးဝင်သည့် နေရာ ၊ မည်သည့်နေရာသည် အသုံးမ၀င်သည့်နေရာ ဖြစ်ကြောင်း ကွဲကွဲပြားပြား သိသော်သူကို ဇောက်မှန်းကမ်းမှန်း သိသူဟု ပြောကြသည်။ ပဲ့နင်းကြီးများ စကားမှ အရပ်ထဲ ရောက်လာသော အခါ “ စောက်မှန်းကန်းမှန်း ” မသိဘူးဟု သုံးစွဲလာကြပါတော့သည်။


မှတ်ချက် ။ ။ ဓမ္မစေတီဆရာတော် တရားတော်မှ ပြန်လည်ရေးသား ဖော်ပြအပ်ပါသည်။

“ အဖိုးတန်ပစ္စည်းတွေ ၀ယ်ထားရုံနဲ့ ၊ အဖိုးတန် ပစ္စည်းတွေ သုံးနေရုံနဲ့
လူ့အဖိုးတန် မဖြစ်ဘူး။ လူ့အဖိုးတန် ဖြစ်ချင်ရင် လူတွေကို
ကောင်းကျိုးပြုတဲ့ အလုပ်ကို လုပ်မှပဲ ရတယ် ”


“ ဘ၀အတွက် ပြင်ဆင်နေရင်းနဲ့ပဲ ဘ၀ဆိုတာ ကုန်သွားတယ် ”


“ တစ်ယောက်အကြောင်း တစ်ယောက် အမှန်အတိုင်း မသိပဲနဲ့ ၊
တစ်ယောက်ကို တစ်ယောက် နားမလည်ပဲနဲ့ စစ်မှန်တဲ့ မေတ္တာ ဖြစ်နိင်ဖို့
တော်တော် ခဲယဉ်းပါတယ် ”


“ အမှားမရှိပါဘူး ၊ သင်ခန်းစာတွေ ချည်းပါပဲ။ လုပ်ကြည့်ရင်း မှားမှန်းသိရင်း
ပြင်လိုက်ရင်းနဲ့ ဥာဏ်ပညာ ကြီးတဲ့သူ ဖြစ်လာတာပဲ ။ မအောင်မြင်တဲ့
စမ်းသပ်မှုဟာ အောင်မြင်တဲ့ စမ်းသပ်မှုလိုပဲ အသိဥာဏ်ကြီးပွားမှုကို
အထောက်အကူ ပြုပါတယ် ”


“ ကိုယ့်ရဲ့ ကျော်ကြားမှုဟာ သူများလက်ထဲမှာ ရှိနေတယ်၊ ကိုယ်ရဲ့ ဂုဏ်သိက္ခာကတော့
ကိုယ့်လက်ထဲမှာပဲ ရှိတယ် ၊ လူတော်တော်များများဟာ ဒုက္ခတွေ အများကြီး
ကြုံရတာ ဘာလို့တုံး ဆိုတော့ မလုပ်သင့်တာတွေကို လုပ်နေတယ်။
လုပ်သင့်တာကို မလုပ်ဘူး။ အဲဒါကြောင့် ဒုက္ခတွေ များနေတာ။ မလုပ်သင့်တာတွေကို
မလုပ်ဘဲနဲ့ လုပ်သင့်တာတွေကို ပိုပြီး လုပ်လာတဲ့အခါမှာ ကိုယ့်ကိုယ်ကို လေးစားမှု
ချစ်ခင်မှု တိုးလာတယ်။ ကိုယ့်ကိုယ်ကို ယုံကြည်မှု တိုးလာတယ်။ ကိုယ့်ဘ၀ ပိုပြီး
အဆင်ပြေလာတယ် ”


“ သူများကို ဒုက္ခရောက်အောင် လုပ်ပြီးတော့ သူများကိုယ့်ကို ကြောက်ပြီး
ပူဇော်ပသမှ ကျွေးမှ ကိုယ့်ဘ၀ ရပ်တည်နိင်တဲ့သူဟာ
အဆင့် နိမ့်တယ် ”


“ အပြစ်တင်တက်တဲ့ သူတွေမှာ မိတ်ဆွေရှားတယ် ”


( ဆရာတော် ဦးဇောတိက၏ တရားစာအုပ်များမှ )

ကျွန်တော် ဒီစာတိုတွေကို စာအုပ်တွေ ဖတ်တိုင်း ၊ ဒါမှမဟုတ် ဂျာနယ်တွေ ဖတ်တိုင်း သဘောကျမိရင် စုစုထားတယ်။ သဘောကတော့ အချိန်မရှိတဲ့သူတွေ စာမဖတ်နိင်တဲ့သူတွေ စာတပုဒ်ရဲ့ အနှစ်သာရလေးတွေကို ရစေချင်လို့ပါ။ ကျွန်တော့်အတွက်လည်း ပါပါတယ်။ လူဆိုတာ စိတ်အမျိုးမျိုးရှိတာကြောင့် အခုစုစည်းထားတာလေးတွေကို ကြိုက်ရင်လည်း ယူပါ။ မကြိုက်ရင်လည်း ထားခဲ့ပါ။ အားလုံးဟာ အမှန်တွေပဲလို့ မဆိုလိုပါဘူးလို့....။ ကျွန်တော်၏ ညံဖျင်းမှုကြောင့် စာရေးသားသူအား အမှတ်မထားမိခဲ့ပါ။ နောက်တစ်ကြိမ်တွင် ထည့်သွင်းတင်ပြသွားပါမည်ဟု ကတိပေးလျက်...။

( ၁ )

( ၂ )
( ၃ )


( ၄ )

“ ကမ္ဘာမှာ ဒါန အပြုဆုံးက မြန်မာပဲ ၊ ဒါပေမယ့် အမွဲဆုံးကလည်း
မြန်မာပဲ ဖြစ်နေတယ်။
အဲဒါဘာကြောင့်လဲဆိုတော့ သဒ္ဓါအချိုးမကျလို့ကွယ့်။ မလှူသင့်တဲ့နေရာကျတော့
နင်းကန်လှူတယ် ၊ တကယ် လှူသင့်တဲ့နေရာကျတော့ ထိုက်တန်အောင်
မလှူကြဘူး ”

( ကချင်ပြည်နယ် ၊ နမ္မားဆရာတော် အရှင် ညဏဆရာတော်ကြီး )

Where the heart lies. let the brain lie also. ( Robert Browning )

နှလုံးသားတည်ရာမှာ ဦးနှောက်ကိုလည်း တည်ရှိပါစေ။


If you ran after two hares, you will catch neither. (Thomas Fuller)

မင်းယုန်နှစ်ကောင် တစ်ပြိုင်နက်ဖမ်းရင်တော့ တစ်ကောင်မှ မိမှာ မဟုတ်ဘူး။

Kind words can be shart and easy to speak, but their echoes are truly endless.

( Mother Teresa )

အကြင်နာ စကားလုံးကလေးများဟာ တိုတိုတောင်းတောင်းဖြစ်နိုင်ပါတယ်။ ပြောရဆိုရတာလည်း လွယ်ကူလှတယ်။ ဒါပေမယ့် အကြင်နာစကားလုံးတွေရဲ့ပဲ့ တင်သံကတော့ တကယ်ပဲ အဆုံးအစမရှိ ဖြစ်နေတတ်ပါတယ်။

( Gandi ၏ အဆိုအမိန့်များ )

Literary education is of no value, if it not able to build up a sound character.

တည်ကြည်ခိုင်မာတဲ့ စာရတ္တိ မပျိုးထောင်နိုင်သမျှ စာပေပညာမျိုးဟာလည်း တန်ဖိုးရှိနိုင်မှာ မဟုတ်ပါဘူး။

An eye for an eye only ends up making the whole world blind.

မုန်းမာန်ပွားတဲ့ မျက်စိချင်းယှဉ်ပြိုင်တိုက်ခိုက်နေသရွေ့ တော့ ကမ္ဘာလောကကြီး စုံလုံးကန်းမှု အဆုံးသတ်မှာပါပဲ။

Hatred kills, Love never dies. Such is the vast difference between the two.

အမုန်းတရားဟာ သတ်ဖြတ်ဖျက်ဆီးတတ်တယ်။မေတ္တာတရားကတော့ ဘယ်သောအခါမှ ချုပ်ငြိမ်းပျောက်ကွယ်ရတယ်လို့ မရှိပါ။ မေတ္တာနဲ့ အမုန်းကြားမှာ ကြီးမားတဲ့ ခြားနားချက်ကတော့ ဒါပါပဲ။

To forgive is not to forget.

ခွင့်လွတ်ဖို့ ဆိုတာ မေ့လိုက်ဖို့ မဟုတ်ပါ။

ဒုက္ခဟူသည် အကောင်းမဟုတ် ၊ ကိလေသာလည်း မဟုတ် ၊ တဏှာရာဂလည်း မဟုတ်
အစိုင်အခဲ ၊ အခိုးအငွေ့လည်း မဟုတ် ။ ဤသို့ဆိုလျှင် အဘယ်နည်း။

ဒုက္ခသည် အယူအဆတစ်ခုသာ ဖြစ်ပါသည်။

မိမိ၏ တွေ့ကြံလာမှု အဖြစ်အပျက်အား ဒုက္ခဟု ခံယူလိုက်ခြင်းဖြင့်
ဒုက္ခဟု အမည်သတ်မှတ်ရာ ရောက်သွားသလို ၊ တွေ့ကြုံလာသော အဖြစ်အပျက်အား ကျေနပ်ပါက
သုခဟု ခံယူလိုက်ခြင်းဖြင့် သုခဖြစ်လာတော့သည်။

ညကြီးမင်းကြီး အိမ်ကခိုင်းသော်ကြောင့် အပြင်သွားရသည်။ အလုပ်လုပ်ရသည် ဆိုပါစို့။
ထိုသူငယ်အတွက် ထိုအခြင်းအရာသည် ဒုက္ခဟု ခံယူပေတော့မည်။ သူတပါး အိပ်ချိန်
အနားယူနေချိန်တွင် မိမိထိုကဲ့သို မလုပ်နိင်။ ဆူပူသည်။ ပြစ်တင်မိသည်။
ဒုက္ခပါပဲကွာဟု ပြောဆိုတက်ကြသည်။

သို့သော် ညကြီးမင်းကြီး ရည်စားနှင့် ချိန်းထားသော်ကြောင့်
မြွေပါးကင်းပါးမကြောက် သွားသည်လာသည်။ လူငယ်သဘာဝ ရင်ခုန်ရမှုကို နှစ်သက်သည်။
သို့သော် ထိုအရာကို မိမိက ကျေနပ်သည်။ ထိုအခါ ဒုက္ခလို့ မည်သူမျှ မညည်း။

ထို့ကြောင့်

“ ဒုက္ခ နှင့် သုခ သည် မိမိစိတ်၏ ခံယူမှု စည်းမျဉ်းကြောင်းလေးပေါ်တွင်သာ တည်ရှိပါသည်။
ကဲ....စာဖတ်သူရော တွေ့ကြုံလာတဲ့ အဖြစ်အပျက်တိုင်းကို ဒုက္ခ ၊ သုခဟု ညည်းညူဦးမှာလား။

ပညာသင်တယ်ဆိုတာ အမှားအမှန် ၊ ဝေဖန်ပိုင်းခြားတက်အောင်
စဉ်းစားတွေးခေါ် တက်တဲ့ အသိဥာဏ်တွေ ရင့်သန်လာအောင် သင်တာ

တော်ပါပြီ ၊ တန်ပါပြီ။ မင်းတို့ရဲ့ “ အချိန်တန်တော့လည်း ” ဆိုတဲ့ အပြောမျိုးတွေနဲ့
“ ဘာထူးဦးမှာမို့လို့လဲ ” ဆိုတဲ့ စကားလုံးတွေက နားထဲကို ဆာလဖျူရစ် အက်ဆစ်ပြင်းတွေ
ဂါလံလိုက် လောင်းချနေသလိုပါပဲ။

ရွှေသမင်လေးတွေရေ...အဲဒါ တံလျှပ်ထက် ဆိုးတဲ့ အရာတွေပါ။ အဆုံးမမြင်သာတဲ့
တစ်လမ်းသွား တွင်းနက်ကြီးပါကွယ်။ မာယာလွင်ပြင်ထဲက ပြန်လမ်းမဲ့
ချောက်ကမ်းပါးကြီးထဲကို ဘာလို့များ ခုန်ဆင်းချင်ကြတာလဲ။

မင်းတို့အတွက် ရွေးလျှောက်စရာ လမ်းတွေ အများကြီးပါကွာ။ လျှောက်လိုက်ကြစမ်းပါဦး။
ခရီးမိုင်တွေ ထောင်သောင်းမက အင်္သချေ အနန္တ ရောက်အောင်
လျှောက်ပြလိုက်စမ်းပါ။

“ အခုတော့ ဒါဟာ မင်းတို့ရွေးချယ်နိင်သမျှ အကောင်းဆုံး လမ်းတဲ့လား ”

လောကတွင် ကိုင်းကျွန်းမှီ ကျွန်းကိုင်းမှီလေ့ရှိသည်ဟု လူအများ သုံးနှုန်း၏။
သို့သော် ထိုသူတို့သည် အရိပ်အာဝါသ ကြီးသူခြင်းသာ ဖြစ်နေတက်ကြသည်။

မတရားပြုမှု ခံရခြင်းသည် အချိန်ကြာလာသည်နှင့်အမျှ ဆူပူအုံကြွမှု ဖြစ်လာတက်သည်။

လူတစ်ယောက် ဒုက္ခရောက်ချင်ပါသလား....?
ထိုသူလုပ်သမျှ ၊ ဆိုသမျှအား ဘယ်လိုပဲ ဖြစ်နေနေ မြှောက်ပင့်ပြောဆိုပေးပါ။

အမှန်တရားကို ပြောဆိုခြင်းသည် လူမုန်းခံရဆုံး ဖြစ်သည်။
လမ်းမှားရောက်နေလျှင် လမ်းမှန်ရောက်အောင် ၀ိုင်းဝန်းကူညီခြင်း မရှိ။
လူမုန်းမခံ။ နာမည်ပျက်မခံ။ ထိုသို့ ပြုလုပ်ခြင်းဖြင့်
အမှန်တရားသည် တခါတရံ အမှားတရံ ဖြစ်သွားတက်သည်။


ဆိုးသွမ်း

ကျွန်တော် ဒီစာလေးကို သူငယ်ချင်းတစ်ယောက် ပေးလို့ရပါတယ်။ သူ့ကိုမေးလ်ပို့တော့လည်း သေသေချာချာ ပြန်မပြောဘူး။ သူကိုယ်တိုင် စာအုပ်တစ်အုပ်ထဲက ရိုက်တက်ထားပါတယ်ဆိုလား။ ဘလော့ဂ်တွေက များတော့လည်း အကုန် လိုက်ရှာဖို့က မဖြစ်နိင်သောကြောင့် အကယ်၍ ဘလော့ဂ်ဂါ တစ်ယောက်ယောက်က တင်ထားလျှင် တောင်းပန်ပါကြောင်း ပန်ကြားအပ်ပါသည်။

“ တစ်ချို့တွေ စုနေလိုက်ကြတာ ရာသက်ပန် နေကြရတော့မယ့် အတိုင်း ၊ တစ်ချို့တွေ
သုံးဖြုန်းနေလိုက်ကြတာ မနက်ဖြန်ပဲ သေကြရတော့မယ့် အတိုင်း ”

( အရစ္စတိုတယ်လ် - ဂရိတွေးခေါ်ရှင် )


“ ဥပဒေတွေကို ရေးဆွဲပြဌာန်းဖို့ လူတွေ ရာနဲ့ချီပြီး စဉ်းစားကြရတယ် ။ အဲ ဥပဒေတွေကို
ဘယ်လို ရှောင်ရမလဲဆိုတာတော့ လူတွေ သန်းနဲ့ချီပြီး စဉ်းစားနေကြတာကလား ”

( ပူတင် - ရုရှားဝန်ကြီးချုပ် )


“ ငွေရှိရင် ဘာမဆို လုပ်လို့ရတယ်လို့ ယူဆတဲ့လူဟာ ငွေအတွက်ဆိုရင်
ဘာမဆိုလုပ်ဖို့ ၀န်မလေးတဲ့သူ ဖြစ်နိင်တယ် ”

( ဘင်ဂျမင် ဖရန့်ကလင် )

“ ယောင်္ကျားတွေ သူမကို ဂရုစိုက်ကြောင်း ခဏခဏ ပြောတဲ့ အမျိုးသမီးဟာ
အဲဒီဂရုစိုက်မှုကို အများဆုံး လိုအပ်နေတဲ့သူ ”

( မဲလ်နီကော့ဗာ )

“ ဘာပဲဖြစ်ဖြစ် မိန်းမယူပါ။ မိန်းမကောင်းကို ရရင်ခြွင်းချက်ဖြစ်မယ်။ ဆိုးတဲ့ မိန်းမကိုရရင်
တွေးခေါ်ရှင် ဖြစ်မယ် ”

( ဆိုကရေးတီးစ် )

(1) Fine : This is the word women use to end an argument when they are right and you need to shut up.

“ ယောင်္ကျားတစ်ယောက်ချမ်းသာတယ်ဆိုတာ မိန်းမတစ်ယောက်
လှတယ် ဆိုတာနဲ့ အတူတူပါပဲ ”

( အနီတာလုစ် - အမေရိကန်စာရေးဆရာမ )


“ ကျွန်မကို ကျွန်မအမေ အမြဲတမ်းပြောတယ် ။ ကိုယ့်ယောင်္ကျားကိုယ်
ယုံကြည်အားကိုးပါ။ ချစ်ခင်လေးစားပါ ။ ပိုင်ဆိုင်မှုပစ္စည်း အများစုကို ကိုယ့်နာမည်နဲ့ပဲ
ထားပါတဲ့ ”

( ဂျုံးရီးဗားစ် - အမေရိကန်ဟာသမင်းသမီး )


“ ပဟေဋ္ဋိဆန်တဲ့ မိန်းမမရှိဘူး ၊ အကင်းမပါးတဲ့ ယောင်္ကျားပဲ ရှိတယ် ”

( ဆန်မာဇဗန်းညက်စ် - ပိုလန်စာရေးဆရာမ )

“ နိး...ဆိုတဲ့ စကားကို ယောင်္ကျားတွေထက် မိန်းမတွေ ပိုပြောတက်တယ် ”

( မာဂရက်သက်ချာ - ဗြိတိသျှဝန်ကြီးချုပ်ဟောင်း )

“ အယုံလွယ်တဲ့ မိန်းမထက် ၊ အယုံလွယ်တဲ့ ယောင်္ကျားပိုများတယ် ”

( အဲနာ အက်ရှင်ဘက် - သြစထရီးယားစာရေး ဆရာမ )

“ ကျွန်မ စဉ်းစားသည် ။ ထိုကြောင့် ကျွန်မ ယောင်္ကျားမရှိပါ ”

( အဲလီဇဘတ် ၀င်စတန် )

“ ခိုးမည့်သူ ရှိနေသမျှ....ခိုးစရာလည်း ရှိနေမှာပဲ ”

“ တချို့သော ပိတ်ပင်တားမြစ်ချက်တွေဟာ ပြဿာနာကို မဖြေရှင်းနိင်သေးဘူး ဆိုတဲ့
အချက်ကိုပဲ ဖော်ညွှန်းတယ် ”

( စွမ်ဘားတော့ ၊ ရုရှားစာရေးဆရာ )

“ သူရဲကောင်းတွေ လိုနေတယ်ဆိုရင် အဲဒီနိင်ငံဟာ ကံမကောင်းတဲ့ နိင်ငံပဲ ”

( ဘရက်ခ် ၊ ဂျာမန်စာရေးဆရာ )

“ ကိုယ့်ရန်သူတွေကို ခွင့်လွှတ်လိုက်ပါ။ ဒါပေမယ့် သူတို့ကို ဘယ်တော့မှ မမေ့နဲ့ ”

( ကနေဒီ ၊ အမေရိကန် သမ္မတ )

“ ပြည်သူ့မေတ္တာက လွဲလို့ အရာခပ်သိမ်းကို ၀ယ်လို့ရတယ် ”

( မယ်ရီမယ် ၊ ပြင်သစ်စာရေးဆရာ )

“ အတိတ်ကို ပြန်ကြည့်တဲ့လူဟာ အနာဂတ်နဲ့ မတန်ဘူး ”

( အော်စကာဝိုင်းလ် )

“ ဥပဒေရှေ့မှောက်မှာ အခွင့်အရေး မရှိသူတွေပဲ တန်းတူဖြစ်ကြတယ် ”

( ကရူတီယဲ )