Wednesday, September 30, 2009

ဒဏ်ရာ


 

အပြင်မထွက်ချင်ဘူး

ဘယ်သူနဲ့မှလည်း မတွေ့ချင်ဘူး

စား ၊ ထိုင် ၊ ရပ် ၊ အိပ်

နေရာတိုင်း ၊ အချိန်တိုင်းမှာ

မင်းပုံရိပ်တွေပဲ စိုးမိုးနေခဲ့တာ

 

ဒီကြားထဲ ပြင်ဦးလွင်မြူတွေက

ငါ့ကို သရော်လိုက်

125 ဆိုင်ကယ်ပေါ်က စုံတွဲတွေက

ခါးဖက်ပြီး လူးလားခေါက်တုန့် မောင်းပြလိုက်နဲ့

 

ဟန်နီ…ရေ

မင်း….ဘာတွေလုပ်နေမလဲ

ဘယ်သူနဲ့ စကားပြောနေသလဲ

မင်းရင်ထဲ ငါ့ကိုလွမ်းတာ ဘယ်လောက်ထိ နက်ရှိုင်းနေပြီလဲ

တိတ်တိတ်လေး တွေးတော့

သိပ်စိတ်လေးမိတယ်

 

နောက်ဆို မခွဲတော့ဘူးနော်လို့

အားပေးသလိုလိုနဲ့

ကိုယ်ဘာသာ ကိုယ်နှစ်သိမ့်ရင်း

ရင်ခွင်အလွမ်းကို

ပီပီပြင်ပြင် ထမ်းရင်းနဲ့

 

အခုတော့ တို့နှစ်ယောက်က ဟိုးအဝေးကြီးဆီမှာ


Monday, September 28, 2009

ထာဝရမြို့....


တို့ဟူးနွေးနဲ့ အီကြာကွေး
မြှီးရှည်နဲ့ ကြက်အူချောင်း
ရေစိမ်နဲ့   နှစ်ဆိုင်တည်းသော မုန့်ဟင်းခါး
လက်သုံးချောင်း အရေအတွက်ပဲ ရှိတဲ့ လက်ဖက်ရည်ဆိုင်

မြို့အစနဲ့ အဆုံးက ၁ မိုင်နီးပါး
ဈေးနေ့မဟုတ်ရင် လူမလာတဲ့ ဈေးတခု
၃ ယောက်ပဲ ရှိတယ်လို့  သိရတဲ့...ဆေးရုံက ဆရာဝန်
ရှေးဟောင်း မီးသတ်ကား ၁ စီး
စီးပွားရေး ဘဏ် ၁ ခု
ပြောင်းဖူးခင်းတွေ ၊ မြေနေရာဗွက်အပြည့်နဲ့
ခြံစည်းရိုးမရှိ ၊ ပြောင်းသလင်းခါနေတဲ့ ပန်းခြံ

ဆီတကွာတား  ၁၀၀၀ိကျပ်
ဘာစားစား ၅၀၀ိ
ဘိန်းစားတဲ့ လူ
ဆေးပြားသောက်တဲ့ သူတွေပဲ ပေါတဲ့

ကျွန်တော် လွမ်းတဲ့....ကွတ်ခိုင်




Thursday, September 17, 2009

(1 ) Fine: ကောင်းပြီလေ။ ။။ ဤစကားလေးက အမျိုးသမီးများ က သူမ မှန်နေသော အချိန် သင်နုတ်ပိတ်ဖို့ အတွက်ပြောခြင်းဘဲ။

( 2 ) Five Minutes: ငါးမိနစ်။ ။။ သူမ အပြင်ထွက်ဖို့ အဝတ်အစားလဲနေချိန်သုံးပါတယ်၊ ဒီလိုဆို သေချာပြီ ခင်ဗျား နာရီဝက်အနဲဆုံး စောင့်ရမယ် ဆိုတာပါဘဲ။ သင်ဘောလုံးပွဲကို စိတ်ဝင်တစားထိုင်ကြည့်ပြီး၊ အိမ်အလုပ်ကို လျစ်လျူရှုနေရင်တော့ သင့်အတွက် ငါးမိနစ်ဟာ ငါးမိနစ်ထက်လုံးဝ မပိုတော့ပါဘူး။

( 3 ) Nothing: ဘာမှမဟုတ်ပါဘူး၊ အရေးမကြီးပါဘူး။ ။။ ဒီစကားလုံးသုံးပြီဆိုရင် သတိထား၊ ပြီးတဲ့နောက် ကြီးမားတဲ့ တိုက်ခိုက်မှု့တခုရှိနေလို့ဘဲ။ သင့်အနေနဲ့ ခြေနဲ့ တင်ပါး တထပ်တည်းကျအောင် ပြေးနိုင်ဖို့ အဆင်သင့်ပြင်ထားပါ၊ နူးညံ့သိမ်မွေ့တဲ့ အဖြေတခုနဲ့ အဆုံးသပ်မှာ မဟုတ်လို့ဘဲ။

(4) Go Ahead : လုပ်လိုက်လေ။ ။။ ဒီလိုဆိုလို့ ခွင့်ပြုချက်ရပြီလို့ မထင်လိုက်လေနဲ့၊ လုပ်ရဲရင် လုပ်ကြည့်ဆိုတာမျိုးဘဲ။ မပြုမိအောင် ဂရုပြုပါ။

(5) Loud Sigh: သက်ပြင်းရှည်။ ။။ ဒီမှာ အဓိပ္ပါယ် အားလုံးပါသွားပါပြီ၊ မင်းကို လုံးဝနားမလည်နိုင်တော့ဘူး၊ စိတ်မရှည်နိုင်တော့ဘူး၊ ဆိုတဲ့ အဓိပ္ပါယ်လေးပါ၊ သက်ပြင်းရှည်လျားစွာ ချပြီဆိုရင်တော့၊ အသုံးမကျတဲ့ သူနဲ့ ဘာကြောင့် အချိန်ကုန်၊ လေကုန်ခံပြီး အငြင်းပွားနေပါလိမ့် ဆိုတဲ့ သဘောဘဲ၊(နံပါတ် ၃ ကိုပြန်လည် အမှတ်ယပါ)။

(6) That's Okay: ရပါတယ်၊ ကိစ္စ မရှိပါဘူး။ ။။ အန္တရယ် အကြီးမားဆုံးသော စကားလုံးလေး တခုပါ၊ သင့်အမှားအတွက် ကြီးမားသော ပေးဆပ်မှု့တခုကို သင့်ထံမှ တောင်းဆိုတော့မှာ ဖြစ်တဲ့ အတွက် အသင့်ပြင်ထားလိုက်ပါတော့။
(7) Thanks: ကျေးဇူး တင်ပါတယ်။ ။။ အဲလိုများ အပြောခံရပြီဟေ့ ဆိုရင် မအံ့သြလိုက်ပါနဲ့ တကယ်တမ်း စိတ်ထဲကပြောတာပါ၊ ကျေနပ်စွာ လက်ခံလိုက်ပါ။ ရင်ထဲက စစ်မှန်သော စကားတရပ်ပါ ယုံကြည်လိုက်ပါ။ ကိစ္စမရှိပါဘူးလို့ များ ယောင်လို့ မပြောလိုက်ပါနဲ့၊ ကိုယ်လုပ်ပေး၊ ပြုပေးလိုက်ရလို့ ဝမ်းသာပါတယ်လို့သာပြောလိုက်ပါ။

(8) Whatever: ဘာဖြစ်ဖြစ်လေ။ ။။ ဒီစကားလုံးက သိမ်မွေ့တဲ့ ဆဲရေးတိုင်းထွာခြင်းဘဲလေ၊ သတိနဲ့သာ နေတော့။

(9) Don't worry about it, I got it : စိုးရိမ်စရာ မလိုပါဘူး၊ ရပါတယ် ကျမလုပ်လိုက်ပါ့မယ်။ ။။ ဆိုတဲ့သဘောကတော့ ရန်ပွဲမစခင်၊ စကားချိုသပ်ခြင်းပါဘဲ သင့်ကိုလုပ်ဖို့ ကြိမ်ဖန်များစွာ ပြောထားပေမဲ့၊ သင့်ပျက်ကွက်မှု့ကို သည်းမခံနိုင်မှု့ကို ပြသတဲ့ သဘောပါဘဲ။ ဒီနောက်တော့ နံပါတ် ၃ကို ပြန်ရောက်တော့တာဘဲ။


ယောကျာ်းသားများ သဘောပေါက်စေရန် ကျွန်တော့ အီမေးလ်က ရထားတဲ့ မှတ်သားဖွယ်လေးကို ပြန်လည်တင်ပြလိုက်ပါတယ်။

Wednesday, September 16, 2009

လက်ဝှေ့တရား


သူငယ်ချင်း.....
မင်း သူ့ကိုကြည့်

ဘယ်လက်သီးကို
ကြီးထွားသန်မာ ၊ ကျစ်လစ်လာအောင်

ညာလက်သီးကို
ကြီးထွားသန်မာ ၊ ကျစ်လစ်လာအောင်

အထိုးအသတ်
ဖျတ်လတ်သွက်ချာ လျှင်မြန်လာအောင်

ဂျုံအိတ်တွေ့တွေ့
ဆန်အိတ်တွေ့တွေ့
လက်ဝှေ့ပညာ ၊ မာန်ဝင်လာ၍
ညာနှင့်ဘယ်နှင့် ၊ အထိုးကျင့်၏

သူငယ်ချင်း......
လက်သီးဘယ်ညာ
ဘယ်လောက်မာမာ
အထိုးအသတ်
ဖျတ်လတ်ခြေလက်
ဘယ်လောက် သွက်သွက်

သူငယ်ချင်း.......
မင်း သူနှင့်ခင်
အကျွမ်းဝင်လျှင်
ပြောချင်ပြောလိုက်

အရှောင်အတိမ်း
ကိုယ်ယိမ်းဘယ်ညာ
တက်ထားပါမှ.....
မတက်ပါလျှင်
ဘယ်ညာနံစောင်း
အရိုးချောင်းတွေ
ဖြောင်းဖြောင်းကျိုးသွားမယ် သူငယ်ချင်း

( ကဗျာဆရာနာမည်မေ့ )


Tuesday, September 15, 2009

ထွက်ပေါက်



စိတ်လွှတ် ကိုယ်လွှတ်
ဘ၀ကို အဝေးဆုံးလွှင့်ထွက်
သွားချင်တယ်


လောကမှာ ဘယ်မျက်နှာမှ
မကြည့်ချင်တော့ဘူး
ငါ အပါအ၀င် ဘယ်မျက်နှာမှလည်း
မသာယာဘူး

လက်ညှိုးလေး ( ၁ ) ချက်ကွေးဖို့အတွက်
၁၀ နှစ်မလိုဘူး
အရာရာဟာ လက်တကမ်းမှာ
အဆုံးစီရင်ဖို့ တွန်းအားပေးနေသလို

အစစ အရာရာ
မပြေလည်မှုတွေနဲ့ ဝေးသွားရင်
စိတ်လွှတ် ကိုယ်လွှတ်
ဘ၀ကို နောက်ဘ၀က ပြန်စမယ်



Sunday, September 13, 2009


အိပ်ကပ်ထဲကို
အသက်ရှုခွင့် မရတော့မယ့်
လူတစ်ယောက်ရဲ့ မျက်လုံးနဲ့
ကြည့်မိတယ်

ဓတ်ဆီ တစ်ကွာတား ၉၀၀ိ/
ထမင်းဆီဆမ်း ကြက်ဥနဲ့ ၁၀၀၀ိ/
မန္တလေး - လာရှိုး  ၁၅၀၀၀ိ/ တဲ့
အစ်ကိုကြီးရယ် ထမင်းဖိုးလေး ဖြစ်ဖြစ်သနားပါ


အားလုံးမှာ ဟန်ဆောင်ထားတဲ့ မျက်လုံးတွေနဲ့
အားလုံးရဲ့ မျက်နှာမှာ တုန်ရီလှိုက်မောမှုတွေနဲ့
အားလုံးရဲ့ လျှာမှာ ဓါးပါးပါးလေးတွေနဲ့
လှီးဖို့  ၊ ဖြက်ဖို့ ၊ စုပ်ဖို့ ၊ စားဖို့
အမဲကောင်ကို မျှော်နေသလိုမျိုး
စူးစူးစိုက်စိုက်နဲ့

ဘယ်လမ်းကိုမှ ကျွန်တော် ရှေ့ဆက်မလှမ်းရဲတော့ဘူး
မိုးခါးရေ မသောက်ရင်
ထမင်းမစားရဘူးလို့ အစ်ကိုက ပြောတော့
ကျနော်စိတ်လေး သိမ်ငယ်သွားလိုက်တာ

အမေ....ကျနော်ကို
ဗိုက်ထဲ ပြန်ခေါ်လှည့်ပါ
ခေတ် တခေတ်လောက်ဖြစ်ဖြစ် ကျွန်တော်နောက်ကျပြီး မွေးပါရစေ








Saturday, September 12, 2009


လူတွေ... ....
ပြောပြောနေတဲ့
ငွေကြေးကိစ္စ

လူတွေ... ...
ပြောပြောနေတဲ့
ပကာသန ကိစ္စ

လူတွေ... ...
ပြောပြောနေတဲ့
နိင်ငံတကာရေးရာ ကိစ္စ

အဲဒီကိစ္စတွေနဲ့
ကမ္ဘာကြီး အလုပ်ရှုပ်နေချိန်မှာ
သူနဲ့ ကျွန်တော့်ရဲ့
အချစ်ရေးကိစ္စ
စိတ်ချစရာ မကောင်းဘူးဆိုပြီး
ငိုကြီးချက်မနဲ့ ကျွန်တော့်ချစ်သူ
ကျွန်တော့်ကို လမ်းခွဲထားရစ်
ကျောခိုင်းပစ်ခဲ့တယ်

ငွေကြေးကိစ္စ
ပကာသနကိစ္စ
နိင်ငံတကာရေးရာကိစ္စတွေ
စိတ်မ၀င်စားမိဘဲ
ချစ်တာတခုတည်းသာ
သိထားမိခဲ့တဲ့ ကျွန်တော့်ကို

ကျွန်တော့်ချစ်သူက
ငွေစက္ကူတွေနဲ့ ပစ်ပေါက်
ရွှေဆွဲကြိုးတွေနဲ့  ပစ်ပေါက်
နိင်ငံတကာရေးရာ ဂျာနယ်ကြီးနဲ့ ပစ်ပေါက်ပြီး
နိင်ငံခြား ခရီးထွက်သွားတာ
အခုထိလည်း ပြန်မလာသေးဘူး

သူပြန်လာရင်တော့.....
သူ့မျက်နှာကို
သနပ်ခါးတုံးကြီးနဲ့
ကျွန်တော် ပစ်ပေါက်မယ်..။   ။

( မောင်လှမျိုး )


Wednesday, September 2, 2009

ချစ်ခြင်းရဲ့ ဘဝ


အနားနားမှာ ခပ်တိုးတိုး
ချစ်ရေးဆိုရမှာ....ရှက်လိုက်တာ

စကားတခွန်းအတွက်
အဆောင်အယောင်တွေမရှိ
ကတ္တရာလမ်းနဲ့ ပေသားကျနေတဲ့ ခြေထောက်တွေနဲ့

“ ကျွန်တော်ဟာ “......” ကို တသက်လုံး
စောင့်ရှောက်ချင်တဲ့ လူပါလို့ ” လည်းပြောလိုက်ရော
တဆက်ဆက် တုန်လာတဲ့ နှလုံးသား
ရင်ခုန်တာလား.....အားနာတာလား
ကြောက်ရွံတာ....သိမ်ငယ်တာလား ဆိုတာတောင်
ပြန်ဝေခွဲမရ

စီးထားတဲ့ ရာဘာသရေကြိုး ဖိနပ်လေးမှာ
ချစ်ခြင်းတွေ ကျဆုံးခဲ့ရ ၊ မျှော်လင့်ခြင်းတွေ ပျက်သုဉ်းခဲ့ရနဲ့
သြော်...ချစ်သူရယ်... နားလည်ပါ့မလား...

ဒီရင်မှာ ချစ်တတ်တဲ့ နှလုံးသားကလွဲ..
ဘာဆိုဘာမှ မရှိဘူး...
မင်းကိုချစ်တယ်လို့ပြောလိုက်တိုင်း...
ငါ့ဘဝကို ငါ အားနာလိုက်တာ..

ငါ့လက်က ကဗျာကလွဲ..
ဘာဓနဂုဏ်မှ မရှိဘဲ...
"......"ကို တသက်လုံး စောင့်ရှောက်ချင်ပါတယ်လို့
မဝံ့မရဲပေမဲ့...
ပြောပါရစေနော်..သက်ဆုံးထိ...။